15 सेम चाङमा हो़गीनगी क्षीदु घीरी चाङमा हुङालाक हीना सेम ॱमेचाङा हो़गीन धाङ धेपा मीझ्यीगीनक्याई क्षीदु, घीन्दाङ चाङा मेयोङालाक घीझ्येरी ॱनाना खुङक्याई साम्लो धाङ सेमराङ मेढाङा हुङालाक।
हीना खाने थो़न्गीन घीरी, सेम नाङने हुङालाक धेनी होदेगी मीला ॱमेचाङा शोवालाक।
धेनी केकगी धाब्ले सुवालाक, “को़न्क्षोकगी चाङमा जेगीनला ख्यो़ ॱमेचाङा ॱनेरी ॱमाना।”
ॱङोपो घीया राङगी नाङ ॱमेचाङा मेयोङालाक हीना ॱमेचाङा साम्गीनगी क्षीदु, होदेगो ॱमेचाङाराङ हुङालाक ॱनेरी, ङाला स्येयेहो़क धेनी चोवो येशुगी नाङ ङा तेन-तेन हो़क।
शामागी क्षीदु को़न्क्षोकगी लेगाला मेताला ॱमाताङ। ॱङोन्ने ॱनाना ॱङोपो घीरी चाङमा लाक हीना राङगी शागीनगी श्येम्माला भारचे ताङना होदे नोन्डु लाक।
हीना दोक्पा झ्येरी शाना खोला क्यो़न फोक्वालाक घीझ्येरी ॱनाना खी़ धेपा मीझ्यीदा शेवालाक। धेनी धेपाने मीझ्युङगीन दो़न हो़लेगो धीक्पा लाक।
खेक्याई “ङी घी झ्यीना झ्यी क्षोक्वालाक।” ॱनेरी ॱनालाक हीना घीरी फेन ॱमेथोक्वालाक। खेक्याई “ङी घी झ्यीना झ्यी क्षोक्वालाक।” ॱनेरी ॱनालाक, हीना घीरीगी यारके ॱमेताङालाक।
स्या ठोमदु चोङदु श्याकश्या शामा घी हो़ना, होदे शाङा याङना ङेन्पागी थाक चेगीन, ख्यी़ स्येयो़नगी गोने ढीवा घीन्दा मीढीला शो।
होझ्येरी खेक्या शाना याङना थुङना याङना घी झ्यीना घीरी को़न्क्षोकगी शीजेगी क्षीदु झ्यी।
घीहीनाः मी घीरीला दे स्येयो़न मेयोङालाक। हीना मी रीङगाला ल्हाकुन्डा क्षो़येगो घोम्सासा झ्युरी, खुङक्या हुरे शामा शी घाङला ॱङोन्ने कुन्डाला पुपा लाक ॱनेरी सामालाक। धेनी खुङक्याई साम्लोगो क्योवा झ्युरी, खुङक्या ॱमेचाङा झ्युङालाक।
धेनी क्षो़सेम नी नोर थोप्येगी थापस्यी लाक, साम्गीन ॱलेपा रुरा धाङ धेन्पाने डागीन मीक्याई खोक्दु ॱमेछेदा ठुक ॱलाङालाक।
होरी सेम नाङगी साम्लो ङेन्पाक्या, मास्यीकागी कुठाक तोरती दाक्ता धाङ होरी ली़ क्षु चाङमागी ठी़री, होराङ सेम ढाङपो धाङ यीच्चे तेन्पोगी खारी, होराङ को़न्क्षोकगी डुङदु डो।
मी सुवा को़न्क्षोकगी थुक्जे थोप्येने खा माडास्योक ॱनेरी, दो़नाङ झ्यी। धेनी खेक्याला ॱङ्योक्टा ॱलाङगीन धाङ माङाला ॱमेचाङा शोगीन, दुकगी चावागो केरु ॱमीच्युक्येला दो़नाङ झ्यी।
होराङ सो़न्पो को़न्क्षोकला श्याप्ची श्यु थुप्येगी क्षीदु, मास्यीकागी कुठाकगी होरी स्येशाङला, धीक्पे लेगाक्याने देले ल्हाक चाङमा शो थुप्की माले? घीझ्येरी ॱनाना थामेपे थुक्ङीगी नी़थुगी गोने, होरी धीक्पाक्याई क्षीदु मास्यीकागी राङला याङदाक्पे ॱमारछो़ च्योक्रे को़न्क्षोकला पुवालाक।