तीतोस 1:10 - ॱलोवा

¹⁰ मी माङक्षे श्‍येम्‍मागी होकला मेधेगीन धाङ दो़न्‍दाक मेगीन लाब ताङगीन धाङ गो कोरकीन हुङालाक। होदेक्‍याई खोक्‍ने माङक्षे, पाउ चेगीन ॱरो झ्‍यी घो़गीलाक ॱनागीन मीक्‍या लाक।

तीतोस 1:10 Iomraidhean Croise

मेथा 23:14

“[खे शोक्‍पो क्षो़ठीमगी ॱलोपो़न धाङ फारुसीपाक्‍याला दुक्‍ङा क्षे हुङास्‍योक। घीझ्‍येरी ॱनाना खेक्‍या युक्‍जामाक्‍याई नाङ ॱहाम्‍बा झ्‍येरी ठोक्‍वालाक धेनी ॱमो़लाम रीङा-रीङा ग्‍याप्‍ती, मी ढाङपो हीन दोक-दोक झ्‍यीदालाक। होझ्‍येरी श्‍येम्‍माने खेक्‍याला माङा छेपा फोक्‍कीलाक।]

जेपा 11:2

होझ्‍येरी पेटो येरुसालेमदु ॱलेप्‍ती, याहुदापा धेपा-झ्‍यीगीनक्‍याई खोला क्‍यो़न चुक्‍पालाक।

जेपा 15:1

होदे स्‍याम्‍ने मी रीङगा युदेयाने होरी, आन्‍तीयोक ग्‍याजागी धेपा-झ्‍यीगीनक्‍याला देरे ॱलापच्‍या तेरपालाक, “मोशेगी ॱनाङना क्षो़ठीमगी ॱरो च्‍योक्‍रे झ्‍यीये हीन्‍ना, पाउ चेदी ताक माग्‍याप्‍पा, खेक्‍याला थारपा राक थुक्‍कीमालाक।”

जेपा 15:24

हेक्‍या खोक्‍ने सोसा मी रीङगागी ॱलापच्‍या शोक्‍पो तेरती, खेराङक्‍याला दुक्‍पु तेरपालाक ॱनागीन लाब हेक्‍याई ॱहाघोहो़क। हीना हेक्‍याई होदे मीक्‍याला झावा मालाक।

जेपा 20:29

ङा सोसारती ॱमीच्‍यीकी जीक्‍टाक्षे च्‍याङगु च्‍योक्‍रे, मी श्‍येम्‍माक्‍या खेरी घुङदु झुगीलाक धेनी दे लुकक्‍याला दुक्‍पु तेरकीलाक ॱनेरी ङाला क्षाहो़क।

गालातीयापा 2:4

घीझ्‍येरी ॱनाना हेक्‍याई खोकला मास्‍यीकावा शोक्‍पो रीङगा सारी जुरी, मास्‍यीकाने होराङला हो़गीन राङवाङगोला सोवा ग्‍याप्‍तु होरी, होराङला क्षो़ठीमगी वाङला स्‍योरतु च्‍युक्‍ये थापस्‍यी झ्‍यीदीक।

गालातीयापा 3:1

गालातीयापा ॱलेन्‍पाक्‍याओ, खेक्‍याला सी़ थी़ ग्‍याप्‍जो? येशु मास्‍यीका ग्‍याङस्‍यीङ खाला ढोङगीनगो, खीकी ॱमीकगी दोङदु ङी सावो तो़न्‍गीनगो ढेन्‍बा मीदुई?

एफीसुपा 4:14

धा होराङ देने ॱहाला मीगी ॱयो़क्‍युने धेनी ॱली़टे होकला छी़दी, भालापक्‍याई ॱहाला-छुला ॱयो़या धाङ तावा लोक्‍पा ॱनाछोकगी टुक्‍टा टुवाक्‍या च्‍योक्‍रे मीझ्‍युङा

१ तीमोथेउ 1:4

धेनी खुङलुङ मेगीन तामक्‍या धाङ जोक्‍ये मेगीन रीग्‍युक्‍याई स्‍याम्‍ला, खुङक्‍याला डारु ॱमाच्‍युक। देरेक्‍याई धेपाने रालुगीन, को़न्‍क्षोकगी क्षाक्‍लेक्‍या डुप्‍तु ॱमीच्‍युक्‍वालाक।

१ तीमोथेउ 1:6

मी रीङगा देक्‍या पारी, दो़न्‍दाक मेगीन ढो़लीङला गो खोरती धेदुक।

१ तीमोथेउ 1:9

दे स्‍येरी, क्षो़ठीम दे मी ढाङपोगी क्षीला मेन्‍दा, ठीम तोरकीन धाङ खाला मेङेन्‍गीन धेनी क्षो़ ॱमीचीगीनक्‍या धाङ धीक्‍चेनक्‍या धेनी धाम्‍पा मेगीन धाङ क्षो़ला दो़नाङ मीझ्‍यीगीनक्‍या धेनी फामा सेगीनक्‍या धाङ मी सेगीनक्‍या,

२ तीमोथेउ 3:13

हीना मी ङेन्‍पाक्‍या धाङ शोक झ्‍यीगीनक्‍या श्‍येम्‍माक्‍याला गोवा कोरती धेनी राङ गोकोरला छी़दी, दुक्‍तु दुक्‍तु डुगीलाक।

२ तीमोथेउ 4:4

धेनी धेन्‍पाने लोक्‍ती खुङलुङ मेगीन, तामग्‍युक्‍याई स्‍याम्‍ला डागीलाक।

तीतोस 1:6

गोठीगो क्‍यो़न मेगीन धाङ केमी च्‍यीक हो़गीन, ख्‍योवा हुङघो़गीलाक। धेनी खी़ टुवाक्‍या धेपा झ्‍यीगीन धाङ च्‍यो़पा घा धेनी खाला ङेन्‍गीन हुङघो़गीलाक।

याकोब 1:26

धेनी राङला ढाङपो साम्‍दी हीना राङगी च्‍येमोला दाक्‍पो मेग्‍याप्‍कीन मीगी राङला गोकोर ताङालाक धेनी खी़ क्षो़गोवा फेन ॱमेथोवालाक।

१ योहान्‍ना 2:18

चेवे टुवाक्‍याओ, धान्‍दा धी़गी थामागो लाक। मास्‍यीकागी डागो हुङी ॱनेरी, खीकी ॱहाघोर ङ्युङ हो़तालाक धेनी धान्‍दा, मास्‍यीकागी डा माङा होसा हो़तालाक। होझ्‍येरी धी़गी थामागो ॱलेप्‍दुक ॱनेरी, होरी ॱहाघोरालाक।

१ योहान्‍ना 2:4

“ङा खोङबाला ङो स्‍येलीहो़क” ॱनेरी ॱनाये हीना खोङबागी काठीमक्‍या ॱमीरुङना, खो शोक्‍पो लाक धेनी खी़ नाङला धेन्‍पा मेयोङालाक।

१ योहान्‍ना 4:1

ङी चेवेक्‍याओ, सेम्‍ङी हो़लेला धेपा माझ्‍यी हीना होदे सेम्‍ङीक्‍या को़न्‍क्षोकने हीन याङना मेन ॱनेरी, छो़ता झ्‍यी घीझ्‍येरी ॱनाना जीक्‍तेनदु ॱङो़नस्‍येखेन शोक्‍पो माङा थो़न्‍सादुक।

ॱङो़न्‍पा 2:14

हीना ङाला खेक्‍याला क्‍यो़न चुक्‍येगी लाबक्‍या हो़क। खेक्‍याई खोक्‍दु बालामगी क्षो़ला ती़न्‍गीन, मी रीङगा दुक। ईस्‍राएल्‍पाक्‍याला धीक्‍पे नाङदु ॱली़येला, ल्‍हाकुन्‍डाक्‍याला पुपा शामा शाये धाङ लोक्‍येम झ्‍यीयेला बालामगी, बालाकला ॱलाप्‍पालाक।

ॱङो़न्‍पा 2:6

हीना खीकी स्‍योकला शाङागो घी दुक ॱनाना, ङा च्‍योक्‍रे खेक्‍यागीयाः नीकोलापाक्‍याई लेगाला दाङा झ्‍यीदालाक।