तीतोस 1:1 - ॱलोवा

¹ को़न्‍क्षोकगी ॱयोक्‍पो धाङ येशु मास्‍यीकागी कुछाप, ङा पाउलु, को़न्‍क्षोकगी दाम्‍दाक्‍याई धेपागी क्षीला धाङ को़न्‍क्षोकला थुक्‍ङेउ मीजी पी़येला धेनी लाब धेन्‍पा ॱहाघोतु च्‍युक्‍येला, ङाला को़वालाक।

तीतोस 1:1 Iomraidhean Croise

लुका 18:7

धेनी को़न्‍क्षोकगी राङगी दाम्‍दा मीक्‍याई ङीन्‍घाङ-छेन्‍घाङ सोवा ग्‍याप्‍ना, खुङक्‍याला ठीम ढाङपो चेदा जेगीमालाक से? खोङबागी खुङक्‍याला रोवा झ्‍यीयेला धाला जेगीलाक से?

जेपा 13:48

दे लाब ॱहाघोरती याहुदापा मेन्‍गीन मीक्‍या ङ्यामो घेरी, चोवोगी ॱनाङना काला तो़टा पुवालाक। थामेगीन छेसोकगी छीला एम्‍माने ॱहालाराङ, को़न्‍क्षोकने दाम्‍दा घीरीगी येशु मास्‍यीका खाला धेपा झ्‍येवालाक।

रोमापा 1:1

येशु मास्‍यीकागी ढेन्‍योक, ङा पाउलु कुछाप झ्‍युङयेला भो़पा धाङ को़न्‍क्षोकगी ताम्‍शाङ दे स्‍येयेगी क्षीदु को़वाहीन।

२ कोरीन्‍थुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ हीकी पी़न तीमोथेउने, कोरीन्‍थुरु हो़गीन को़न्‍क्षोकगी क्षो़छोक धाङ आकाईया नाङ घीरीरु हो़गीन धाम्‍पे मी घीरीला,

एफीसुपा 2:8

घीझ्‍येरी ॱनाना को़न्‍क्षोकगी थुक्‍जेने धेपागी थोक्‍ने, खेक्‍याला थारपा थोप हो़तालाक। धेनी दे खेक्‍या राङला तेन्‍ती झ्‍युवामालाक हीना को़न्‍क्षोकगी ॱनाङज्‍यीन लाक।

फीलीप्‍पीपा 1:1

मास्‍यीका येशुगी ढेन्‍योक, पाउलु धाङ तीमोथेउने फीलीप्‍पीरु हो़गीन, मास्‍यीका येशुगी नाङ धाम्‍पे मीक्‍या धाङ क्षो़छोकगी तातोक्‍पाक्‍या धाङ श्‍याप्‍तोक्‍पाक्‍यामुला घीरीला,

कोलोसेपा 2:2

ङी देरे झ्‍यीगीनगी दो़न नी, खेक्‍याला सेमस्‍युक थोप्‍ती झाम्‍पागी गोने, खेक्‍या नाङ थी़न्‍डी हुङयेगी क्षीदु लाक। धेनी खेक्‍याला स्‍येयो़न छाङगोगी तेर घीरी थोबास्‍योक धेनी को़न्‍क्षोकगी साङवा नी, मास्‍यीका हीन्‍गीनगो स्‍येलास्‍योक ॱनेरी लाक।

१ तीमोथेउ 2:4

खोङबागी थुकोङगो मी घीरी क्‍योप्‍ये धाङ धेन्‍पागी स्‍येयो़नला हुङये लाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

१ तीमोथेउ 6:3

होरी चोवो येशु मास्‍यीकाई क्‍यो़न मेगीन, सुङ धाङ क्षो़सेमला थी़न्‍गीन ॱलापच्‍याक्‍याला खेमेलेन्‍दा, तावा श्‍येम्‍माक्‍या ॱलाप्‍ना,

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

२ तीमोथेउ 2:23

हीना ॱलेन्‍पा धाङ दो़न्‍दाक मेगीन ॱङ्योक्‍टाक्‍याई, धुगा स्‍योरतु च्‍युक्‍कीनगो, ख्‍यी़ स्‍येये झ्‍येरी देक्‍याला जेम।

२ तीमोथेउ 2:25

धेनी राङगी स्‍योकला मेगीनक्‍याला ज्‍याबोमा ॱलोप्‍तो़न झ्‍यी थुप्‍कीन हुङघोवालाक। देरे झ्‍यीना को़न्‍क्षोकगी खुङक्‍याला धीक्‍पा पारी सेम ग्‍युरये धाङ धेन्‍पाला ॱहा घोथुप्‍कीनगी सेम ॱनाङगीलाक।

याकोब 1:1

को़न्‍क्षोक धाङ चोवो येशु मास्‍यीकागी ढेन्‍योक याकोबने, जीक्‍तेनदु थोरती धेता याहुदापा ग्‍युपा च्‍युङङीक्‍याने, मास्‍यीकाला धेपा झ्‍यीगीनक्‍याला छाम्‍डी श्‍युवाहीन।

२ पेटो 1:3

को़न्‍क्षोकगी राङगी नी़थुगी गोने, मीछे धाङ क्षो़सेमगी क्षीला घो़गीन घीरी, खोङगी होराङला ॱनाङ हो़तालाक। दे नी, खोङबा राङगी शीजे धाङ थुक शाङपोगी गोने होराङला भो़ जेगीन, खोङबाला होरी ङोस्‍येस्‍या झ्‍येरी दे घीरी थोप्‍पालाक।

२ पेटो 3:11

धा दे घीरी देरे झ्‍येरी मेताला डोये हीन्‍गीन झ्‍येरी, खेक्‍या मी घारे च्‍यीक झ्‍युङ घो़गुले? खेक्‍या को़न्‍क्षोकगी ङीमाला घुक्‍ती धेताराङ धेनी होदे ग्‍योक्‍जे हुङदु च्‍युक्‍ये झ्‍यीदाराङ, खेक्‍या धाम्‍पा धाङ क्षो़सेमगी मीछे क्‍याघो़। होदे ङीमाला नाम्‍खा नी, मेगी मेताला डुगीलाक धेनी झ्‍युङवा श्‍यी नी, मेगी ॱराक्‍ती श्‍यी़री डुगीलाक।

१ योहान्‍ना 2:23

सेला खेमेलेन्‍गीन सुलाः याप मेतालाक। धेनी सेला खेलेन्‍गीनला यापगोवाः हो़तालाक।

ॱङो़न्‍पा 1:1

ग्‍योक्‍जे डुप्‍घोये हीन्‍गीन ॱनेछुक्‍या, राङगी श्‍याप्‍चीपाक्‍याला तो़न्‍येगी क्षीदु, को़न्‍क्षोकगी येशु मास्‍यीकाला ॱनाङा जेजा ॱङो़न्‍पागो दे लाक। दे नी, खोङबागी राङगी भाङछेनला राङगी श्‍याप्‍ची, योहान्‍नाचारु झाङा जेदी ॱङो़न जेपालाक।