रोमापा 9:7 - ॱलोवा

⁷ धेनी आब्‍राहामगी ग्‍युपा हीन्‍गीन घीरी खोङगी टुवा ॱङोन्‍ने मेहुङालाक। हीना सुङरापला देरे ढीक हो़तालाक, “ईसाकगी थोक्‍ने ख्‍यी़ ग्‍युपाक्‍या थो़न्‍गीलाक।”

रोमापा 9:7 Iomraidhean Croise

मेथा 3:9

‘हेक्‍या आब्‍राहामगी ग्‍युपा हीन।’ ॱनेरी राङ-राङला ॱनाये ॱमासाम घीझ्‍येरी ॱनाना ङा खेक्‍याला ॱनाहीन, को़न्‍क्षोकगी दे धोगोङक्‍याने, आब्‍राहामगी क्षीला भुग्‍यु को़ जे थुक्‍कीलाक।

लुका 16:30

खी़ ॱनेवालाक, ‘मालाक, याप आब्‍राहाम, स्‍यीम्‍बुक्‍याने च्‍यीक खुङक्‍याचारु डोना, खुङक्‍याई खोरी धीक्‍पा पारी सेम ग्‍युरकीलाक।’

लुका 3:8

खेक्‍या खेरी धीक्‍पा पारी, सेमग्‍युर हो़गीनगी ढेबु तो़न धेनी राङला ‘हीकी याप आब्‍राहाम लाक।’ ॱनेरी ॱमाना, घीझ्‍येरी ॱनाना ङा खेक्‍याला ॱनाहीन, को़न्‍क्षोकगी दे धोगोङक्‍याने आब्‍राहामगी क्षीदु टुवाक्‍या को़ जे थुक्‍कीलाक।

योहान्‍ना 8:33

खुङक्‍याई खोङबाला श्‍यी़वालाक, “हेक्‍या आब्‍राहामगी भुग्‍यु हीन धेनी नामा सी़या ढेन्‍योकला स्‍योर माङ्युङ। धा खेराङगी हेक्‍याला ‘खेक्‍याला राङवाङ जेगीलाक’ सुङगीनगी दो़नगो घी ले?”

गालातीयापा 4:23

हीना ढेन्‍योक्‍मा स्‍योकने, झ्‍युजा भीजागो जीक्‍तेनगी लुक्‍सो़ने केवालाक धेनी राङवाङ हो़गीन, केमीने केक्‍यागो को़न्‍क्षोकगी धाम्‍चा डुप्‍येला लाक।

गालातीयापा 4:28

धा पी़नक्‍याओ, खेक्‍या को़न्‍क्षोकगी धाम्‍चागी गोने केक्‍या, ईसाक च्‍योक्‍रे टुवा लाक।

फीलीप्‍पीपा 3:3

घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

ईब्‍रीपा 11:18

होदे भीजागी कोरला को़न्‍क्षोकगी खोला सुवालाक, “ईसाकगी थोक्‍नेराङ ख्‍यी़ भुग्‍युगी मीङ थोप्‍कीलाक।”