रोमापा 9:5 - ॱलोवा

⁵ आब्‍राहाम धाङ ईसाक धाङ याकोब नी, खुङक्‍याई धाङबी फामाक्‍या लाक। धेनी ली़ला छा श्‍याक्‍ना मास्‍यीकाः खुङक्‍याई मीरीकने लाक। धेनी खोङ नी धी़ ग्‍युन्‍दु तो़पा हो़गीन, ॱलानामेपे को़न्‍क्षोक लाक। आमेन।

रोमापा 9:5 Iomraidhean Croise

मेथा 28:20

धेनी ङी खेक्‍याला ॱलाप्‍कीन का घीरी ॱरुङयेला, खुङक्‍याला ॱलोप। धेनी थागी धी़ थुक्‍पे नाम्‍हीना, ङा खेक्‍यामुला हो़क ॱनेरी ॱहाघोरा झ्‍यी।”

मेथा 6:13

हेला छो़ताला छी़दु ॱमाच्‍युक्‍रो जे, हीना ङेन्‍पागोने, हेला थारपा जे। ग्‍यासी, वाङ धाङ शीजे नी, ग्‍युने ग्‍युन्‍दु खेराङगी हीन। आमेन।’

लुका 20:44

“धा दावीदगी मास्‍यीकाला ‘चोवो’ ॱनेरी श्‍यी़ना, मास्‍यीका खी़ से घाङगी झ्‍येरी झ्‍युवाले?”

योहान्‍ना 10:30

ङा धाङ याप नी च्‍यीक हीन।”

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

जेपा 3:13

देरे मालाक होरी धाङबी मेमे आब्‍राहाम धाङ ईसाक धाङ याकोबगी को़न्‍क्षोकगीराङ, राङगी श्‍याप्‍ची येशुला तो़टा जेसुङ। खेराङक्‍याई येशुला सेक घोगीलाक ॱनेरी, ची ग्‍याप्‍पालाक। धेनी पीलातुगी खोङबाला घीन्‍दा मीझ्‍यीदा भोरये झ्‍यीदी घाङलाः, खेराङक्‍याई खेलेन माझ्‍येजुङ।

रोमापा 1:25

घीझ्‍येरी ॱनाना खुङक्‍याई को़न्‍क्षोकगी धेन्‍पागो शोकमुला ज्‍येवालाक। धेनी को़पापोगी छापला को़कागोला क्षाक्‍क्षो़पा पुये धाङ श्‍याप्‍ची श्‍युये झ्‍यीदालाक। खोङ को़पापो नी, धी़ तेन्‍दु झ्‍यीलाप्‍चेन लाक। आमेन।

रोमापा 1:3

ताम्‍शाङ दे नी को़न्‍क्षोकगी सेगी कोरला लाक। खोङ नी, ली़ला ग्‍यावु दावीदगी दुङग्‍युने ठुङवालाक।

रोमापा 10:12

घीझ्‍येरी ॱनाना याहुदापा धाङ याहुदापा मेन्‍गीनक्‍याई नाङ ॱयेवा मेतालाक। घीरीगी चोवो नी, च्‍यीक राङ लाक धेनी खोङगी छेन भो़गीन घीरीला झ्‍यीलाप मेछो़ली ॱनाङालाक।

रोमापा 11:28

ताम्‍शाङगी छा श्‍याक्‍ती ॱनाना, ईस्‍राएल्‍पा रीङगा खेक्‍याई क्षीदु को़न्‍क्षोकगी डा लाक हीना खुङक्‍याई धाङबी फामाक्‍याई झ्‍येरी, को़न्‍क्षोकगी दामा जेजागोला छा श्‍याक्‍ना, खुङक्‍या को़न्‍क्षोकगी चेवेक्‍या लाक।

१ कोरीन्‍थुपा 14:16

देरे मेन्‍ना, ख्‍यी़ सेम्‍ङीने को़न्‍क्षोकला तो़टा ताङाराङ, ॱहामेघोगीन फीदी मीगी ख्‍यी़ काटीन्‍क्षे श्‍यी़गीन ॱमो़लाम स्‍याम्‍ने, ख्‍यी़ श्‍यी़गीनगो घीया ॱहामेघोरकीन झ्‍येरी घाङगी झ्‍येरी “आमेन” ॱनाये?

२ कोरीन्‍थुपा 11:31

ङा शोक ॱमेस्‍येदालाक ॱनेरी, ग्‍युने ग्‍युन्‍दु तो़पा हो़गीन, चोवो येशुगी याप को़न्‍क्षोकगी खेन्‍दा जेदालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

१ तीमोथेउ 6:15

धेनी झ्‍यीलाप्‍चेन धाङ ग्‍यावुक्‍याई, ॱलानामेपे ग्‍यावु धाङ चोवोक्‍याई चोवोगी धी़चो़ भाप्‍कीन छो़ला ॱङो़न्‍दु च्‍युक्‍कीलाक।

२ तीमोथेउ 2:8

ङी स्‍येगीन ताम्‍शाङ च्‍योक्‍रे, दावीदगी दुङग्‍युने हीन्‍गीन छीवाने सो़न्‍पो श्‍याङस्‍या येशु मास्‍यीकाला ढेन्‍सो़।

ईब्‍रीपा 7:24

हीना येशु तेन्‍दु सो़न्‍पो ॱनेगीन झ्‍येरी, खोङबागी क्षो़पो़नगी लेगेनगो धी़ तेन्‍दु ॱनेलालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।

ॱङो़न्‍पा 22:16

“क्षो़छोकक्‍याला दे पाङपोक्‍या झ्‍यीयेला, ङा येशुगी राङगी भाङछेन ख्‍यो़चारु झाहो़क। ङा नी दावीदगी चावा धाङ ग्‍युपा हीन, धेनी थोराङगी कारछेनगो ङा हीन।”

ॱङो़न्‍पा 22:20

दे लाबक्‍याई पाङपो जेगीनगी सुङालाक, “ॱङोन्‍नेराङ ङा ग्‍योक्‍वा हुङीहो़क।” आमेन। चोवो येशु फेप्‍रोनाङ।

ॱङो़न्‍पा 5:14

धेनी होदे सेम्‍चेन श्‍यीगारागी “आमेन” ॱनेवालाक। धेनी होदे ॱलोपो़नक्‍याई, ॱली़ साला दाप्‍ती क्षाक छावालाक।