रोमापा 9:4 - ॱलोवा

⁴ खुङक्‍या नी, ईस्‍राएल्‍पाक्‍या लाक धेनी को़न्‍क्षोकगी राङगी से धाङ सेमो झ्‍युङयेला दाम्‍दाक्‍या लाक। खोङबागी राङगी शीजे खुङक्‍याला ॱङो़न जेपालाक। धेनी खुङक्‍यामुला धाम्‍चा श्‍या जेदी, खुङक्‍याला क्षो़ठीम ॱनाङा जेपालाक। धेनी खोङबागी खुङक्‍याला क्षो़खाङ नाङ क्षाक्‍क्षो़पा पुये धाङ उ ॱना श्‍येस्‍याक्‍या ॱनावालाक।

रोमापा 9:4 Iomraidhean Croise

मेथा 21:33

येशुगी याङ सुवालाक, “पे श्‍येम्‍मा च्‍यीक ङेन। नाङगी दाक्‍पो च्‍यीकगी घुन्‍डुम दुम्‍रा च्‍यीक ताप्‍ती, छोक श्‍यीला बार कोरपालाक। धेनी घुन्‍क्षाङ चीरछे शो़री, थोक्‍खाङ च्‍यीक शो़वालाक धेनी होदे दुम्‍रा बोक्‍माला तारी, खोराङ यु श्‍येम्‍मा च्‍यीकला सोवालाक।

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

योहान्‍ना 1:47

येशुगी नाथानेलला राङचारु हुङगीनगो शीक्‍ती खोला सुवालाक, “तो़दाङ, खो नी ॱयो़क्‍यु मेगीन ईस्‍राएल्‍पा ॱङोन्‍ने च्‍यीक लाक।”

जेपा 2:39

दे धाम्‍चागो खेराङ धाङ खेराङक्‍याई टुवाक्‍या धाङ थाक्‍रीङाला हो़गीन घीरीगी क्षीला लाक। धेनी चोवो होरी को़न्‍क्षोकगी भो़गीन घीरीगी क्षीदु लाक।”

रोमापा 3:2

छोक घीरीने फेन्‍थोक क्षे हो़तालाक। धाङपोगोला को़न्‍क्षोकगी का याहुदापाक्‍याला च्‍योवालाक।

रोमापा 8:15

याङ जीक्‍नाङगी नाङ छी़येला, खेक्‍याला ढेन्‍योकगी सेम थोप्‍पा मालाक हीना खेक्‍याला को़न्‍क्षोकगी से धाङ सेमो झ्‍युङयेगी थुक्‍ङी थोप हो़तालाक। धेनी खोङगी थोक्‍ने होराङ “आब्‍बा, याप।” ॱनेरी भो़ली घाङला,

रोमापा 9:6

हीना को़न्‍क्षोकगी धाम्‍चा जेजागो माडुप्‍कीन मालाक। घीझ्‍येरी ॱनाना ईस्‍राएलने केक्‍या घीरी को़न्‍क्षोकगी मी मालाक।

२ कोरीन्‍थुपा 11:22

धा खुङक्‍या ईब्‍रीपा ले? ङाः हीन। खुङक्‍या आब्‍राहामगी भी़टुक ले? ङाः हीन।

गालातीयापा 3:16

धाम्‍चाक्‍या आब्‍राहाम धाङ खी़ भुग्‍युला ॱनावालाक। सुङराप नाङदु “भुग्‍युक्‍याला” ॱनेरी, से माङागी कोरला ॱमेनालाक हीना “ख्‍यी़ भु” ॱनेरी, से च्‍यीकगी कोरला ॱनालाक धेनी से दे मास्‍यीका लाक।

एफीसुपा 2:12

होदे धी़ला खेक्‍या मास्‍यीकाने खा ढाडा धेनी ईस्‍राएल्‍पा मीरीकगी थोप्‍ताङने, पी़दी श्‍याकश्‍या धेनी को़न्‍क्षोकगी धाम्‍चाक्‍या स्‍येये मेगीन धेनी रेवा मेगीन धाङ दे जीक्‍तेनदु को़न्‍क्षोकमुला ढेवा मेगीन हो़तालाक, ॱनेरी ढेन्‍सो़ झ्‍यी।

ईब्‍रीपा 9:1

धाम्‍चा धाङपोगी नाङला, क्षाक्‍क्षो़पा झ्‍यीगीनगी ठीमक्‍या धाङ जीक्‍तेनदु, क्षाक्‍क्षो़पा झ्‍यीसा च्‍यीक हो़तालाक।

ईब्‍रीपा 9:10

देक्‍या नी शाये धाङ थुङये धाङ ठी़ ॱनाछोक झ्‍यीगीनगी ॱरो च्‍यीगा लाक। धेनी को़न्‍क्षोकने का साबा ॱमाथोप थुक्‍पे, देक्‍या नी फीदाने झ्‍यीगीन ठीमक्‍या लाक।

ईब्‍रीपा 9:3

होदुरु योल्‍वा च्‍यीक हो़तालाक धेनी योल्‍वागी ग्‍यापला धाम्‍पे धाम्‍पा ॱनेसा ॱनागीन, खीम ॱङीवागो हो़तालाक।

ईब्‍रीपा 9:5

धेनी गामगी तो़ला को़न्‍क्षोकगी शीजेगी ताक हीन्‍गीन, केरुब ॱनागीन सेम्‍चेनक्‍या हो़तालाक। धेनी होदेक्‍याई स्‍योक्‍पागो थुक्‍जेगी श्‍युक्‍ठीगी खाला, क्‍याङक्‍या हो़तालाक हीना धान्‍दा दी कोरला हेक्‍या ढेस्‍ये माङा ग्‍याप थुक्‍येमेक।

ईब्‍रीपा 9:6

देक्‍या घीरी डाढीक झ्‍येसारती, क्षो़पो़नक्‍या खोङ राङगी श्‍याप्‍ची श्‍युयेला घुरखाङगी खीम धाङपोरु च्‍योई डोवालाक।