रोमापा 9:23 - ॱलोवा

²³ दे नी एम्‍माने शीजेगी क्षीला को़न्‍क्षोकगी डाढीक जेजा, खोङगी ॱङीङजे तो़न्‍जा मीक्‍या खाला, खोङगी ॱलानामेपे शीजे ॱयो़ल्‍ले ठाछाई झ्‍येरी, ॱङो़न्‍येगी क्षीदु खोङबागी जेपालाक।

रोमापा 9:23 Iomraidhean Croise

लुका 1:17

धेनी आकेक्‍याई सेम, खोरी टुवाक्‍या स्‍योकला ॱलोक्‍ये धाङ खाला मेङेन्‍गीनक्‍याई सेम ढाङपोगी स्‍येरापला ग्‍युरये, धेनी चोवोगी क्षीदु मीमाङक्‍या डाढीक झ्‍यीयेगी क्षीदु, खो ॱङो़नस्‍येखेन एलीयाला हो़गीन थुक्‍ङी धाङ वाङगी गोने चोवोगी एन्‍ला फेप्‍कीलाक।”

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

रोमापा 2:4

याङना को़न्‍क्षोकगी ॱङीङजे नी, ख्‍यो़ला ग्‍यो़पा झ्‍यीदु च्‍युक्‍ती सेम ग्‍युरतु च्‍युक्‍येला हीन्‍गीनगो ॱहामाघोवा, ख्‍यो़ खोङगी ॱङीङजे क्षेन्‍बो धाङ थुकॱरेन धाङ थुक्‍शो़ला थोङछुङ झ्‍यीदाले?

रोमापा 8:29

घीझ्‍येरी ॱनाना को़न्‍क्षोकगी राङगी मीक्‍याला थोक्‍माने, ङो खेन्‍दा जेदालाक धेनी खोङगी से, पी़न माङागी नाङने एन्‍ला, केक्‍या झ्‍युङयेगी क्षीदु राङगी मीक्‍यालाः राङगी से च्‍योक्‍रे, झ्‍युङयेला खोङबागी दामा जेपालाक।

रोमापा 8:30

धेनी खोङगी खुङक्‍याला दामा जेदी, खुङक्‍याला राङचारु भो़याः जेपालाक। धेनी खोङगी राङचारु भो़ जेजाक्‍याला, ढाङपोवाः जेपालाक। धेनी ढाङपो जेजाक्‍याला राङगी शीजेगोवाः ॱनाङा जेपालाक।

एफीसुपा 1:18

खेक्‍याई सेम्‍ङीगी ॱमीक बेलास्‍योक ॱनेरी, ङा ॱमो़लाम ग्‍यावीहो़क। होझ्‍येरी खेक्‍या रेवा घीन्‍गी क्षीला भो़पा धाङ धेनी धाम्‍पे मीक्‍याला, खोङबागी ढाङमेगी शीजेगी ग्‍युज्‍यीनगो घी हीन्‍गीन धाङ

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

एफीसुपा 2:7

दे नी माउपारगी धी़ला खोङबागी मास्‍यीका येशुगी थोक्‍ने, होराङला ॱनाङना ॱङीङजेगी गोने, राङगी ढाङमेगी थुक्‍जे दे, मीक्‍याला तो़न्‍येगी क्षीला लाक।

एफीसुपा 3:16

को़न्‍क्षोकगी ढाङमेगी शीजेला तेन्‍ती, थुक्‍ङीगी थोक्‍ने नी़थु ॱनाङदी, खेक्‍याई सेमला तोपस्‍युक ॱनाङास्‍योक,

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

कोलोसेपा 1:12

धेनी हो़गी ग्‍यासी नाङदु धाम्‍पे मीक्‍याई, नोरकाला थोप्‍ताङ थोप्‍येगी ढाडा जेगीन, यापला खेक्‍याई काटीन्‍क्षे श्‍यी़वास्‍योक ॱनेरी, हेक्‍या ॱमो़लाम ग्‍यावीहो़क।

कोलोसेपा 1:27

को़न्‍क्षोकगी ढाङमेगी शीजेगी साङवा दे, याहुदापा मेन्‍गीन मीरीकगी क्षीला ॱमीच्‍यीकी चाक्षे हीन्‍गीनगो, राङगी धाम्‍पे मीक्‍याला ॱङो़न्‍दु जेयेगो, को़न्‍क्षोकगी थुक घेवालाक। साङवा दे नी, मास्‍यीका खेक्‍याई नाङ हो़तालाक धेनी खोङ नी शीजेगी रेवागो लाक।

१ थेसालोनीकेपा 5:9

घीझ्‍येरी ॱनाना को़न्‍क्षोकगी होराङला, खोङबागी थुक्‍ठो़ ङ्याङयेला दामा माजेपालाक हीना चोवो येशु मास्‍यीकाने थारपा थोप्‍येगी क्षीला दामा जेपालाक।

२ तीमोथेउ 2:21

ॱमेचाङा घीरीने राङला चाङमा झ्‍यीगीन मीगो, धी़ शाङागी क्षीला भेचो़ झ्‍युरी धेनी धाम्‍पा जेगीलाक। खीमगी दाक्‍पोगी क्षीला, फेन्‍थोवा धाङ ले शाङा घीला हीन्‍ना डाढीक झ्‍युङगीलाक।