रोमापा 9:1 - ॱलोवा

¹ मास्‍यीकागी नाङ ङा धेन्‍पा ॱनीहो़क, ङा शोक ॱनामेन। ङी स्‍येशाङगी, धाम्‍पे थुक्‍ङीगी थोक्‍ने ङाला धेन्‍पाङ झ्‍यीदीक।

रोमापा 9:1 Iomraidhean Croise

रोमापा 1:9

धेनी ङी सेम तीङने, को़न्‍क्षोकगी सेगी ताम्‍शाङ सेटाक झ्‍यीदीहो़क धेनी खोङ को़न्‍क्षोकराङ, ङी खेक्‍याई कोरला ॱमेक्षेदा च्‍योई ॱमो़लाम ग्‍याप्‍कीनगी पाङपो लाक। ङी ॱमो़लामला, को़न्‍क्षोकगी थुकोङ थोक्‍ने झ्‍युङ थुक्‍ये हीन्‍ना, थामाला ङा खीकीचारु हुङये रास्‍योक ॱनेरी श्‍यी़लीहो़क।

रोमापा 2:15

धेनी खुङक्‍याई क्षो़ठीमगी काक्‍या राङगी सेमला ढीक हो़गीनगो तो़न्‍दालाक। धेनी खुङक्‍याई स्‍येशाङगीयाः पाङपो झ्‍यीदालाक धेनी खुङक्‍याई साम्‍लोगी दुगा क्‍यो़न चुक्‍वालाक धेनी दुगा ॱरुङक्‍योप झ्‍यीदालाक।

रोमापा 8:16

धाम्‍पे थुक्‍ङीगी राङ होरी सेममुला, होराङ को़न्‍क्षोकगी से धाङ सेमो हीन्‍गीनगी धेन्‍पाङ जेदालाक।

रोमापा 9:2

धेन्‍पागो घी लाक ॱनाना, ङी सेम नाङदु दुङा क्षे धाङ ढाक्‍ये मेगीन शुक दुक।

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

२ कोरीन्‍थुपा 1:23

खेक्‍याला घाक्‍वा मीझ्‍युङयेगी क्षीदु, ङा कोरीन्‍थुरु मायो धेनी दे लाब दे ङा को़न्‍क्षोकला पाङपो चुक्‍ती ॱनाहीन।

२ कोरीन्‍थुपा 11:10

धेनी ङी ङोम्‍सो झ्‍यीगीन दे मास्‍यीकागी धेन्‍पागो, ङी सेम नाङला हो़गीन थुक्‍पे, आकाईया युछोकदु सी़या काक ॱमीथुक्‍कीलाक।

२ कोरीन्‍थुपा 11:31

ङा शोक ॱमेस्‍येदालाक ॱनेरी, ग्‍युने ग्‍युन्‍दु तो़पा हो़गीन, चोवो येशुगी याप को़न्‍क्षोकगी खेन्‍दा जेदालाक।

२ कोरीन्‍थुपा 12:19

धान्‍दा थुक्‍पे हेक्‍या खीकी दोङदु राङगी क्‍यो़न मेगीनगी कोरला, सेस्‍ये झ्‍यीगीनगो खेक्‍या सामाले? हेक्‍या नी मास्‍यीकागी नाङ को़न्‍क्षोकगी डुङदु ॱनीहो़क। चेवेक्‍याओ, दे घीरी खेक्‍याला यारके ताङयेगी क्षीदु लाक।

गालातीयापा 1:20

को़न्‍क्षोकगी दोङदु ङी खेक्‍याला ढीक्‍कीन, लाबक्‍या शोक्‍पो मेन।

फीलीप्‍पीपा 1:8

मास्‍यीका येशुगी झाम्‍पागी थोक्‍ने, ङा खेक्‍याला ॱमीच्‍यीकी थुक्‍ङी दो़दीक। धेनी देला को़न्‍क्षोकगी ङाला धेन्‍पाङ जेदालाक।

१ थेसालोनीकेपा 2:5

हेक्‍याई खेक्‍याला नामा गो कोरकीन लाबक्‍या ॱमाता, धेनी घीन्‍गी थोक्‍ने दो़ङाम माझ्‍ये ॱनेरी, खेक्‍या स्‍येलालाक। को़न्‍क्षोकराङ पाङपो हीन।

१ तीमोथेउ 1:5

होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

१ तीमोथेउ 2:7

देगी क्षीलाराङ, ङा धेपा धाङ धेन्‍पाला याहुदापा मेन्‍गीन मीरीकक्‍याई ॱलो का थुप्‍कीन ॱलोपो़न, धेनी क्षो़ स्‍येगीन च्‍यीक धाङ कुछाप ॱनेरी को़वालाक। (ङा शोक ॱमेस्‍येदा, धेन्‍पाराङ ॱनाहीन।)

१ तीमोथेउ 5:21

को़न्‍क्षोक धाङ मास्‍यीका येशु धाङ दाम्‍दा नाम्‍खे भाङछेनक्‍याई दोङदु, ङा ख्‍यो़ला दे ठीमक्‍या ॱयेवा घीन्‍दा मीझ्‍यीदा ॱरुङ धेनी छोक्‍री झ्‍येरी घीया माझ्‍यी ॱनेरी, च्‍याक ग्‍यावाहीन।