रोमापा 8:7 - ॱलोवा

⁷ घीझ्‍येरी ॱनाना धीक्‍पे राङश्‍यीला तेन्‍गीन सेम नी, को़न्‍क्षोकगी डा हुङालाक। दी को़न्‍क्षोकगी क्षो़ठीमला ॱमीचीलालाक धेनी चीया ॱमीथुक्‍वालाक।

रोमापा 8:7 Iomraidhean Croise

मेथा 12:34

दुक्‍डुगी ग्‍युपा खेक्‍या, खेक्‍या ङेन्‍पा झ्‍येरी, शाङा घाङ झ्‍येरी ॱनाथुक्‍वाले? घीझ्‍येरी ॱनाना सेमला घी हो़गीनगो खाने थो़न्‍दालाक।

मेथा 5:19

होझ्‍येरी क्षो़ठीमगी ठीम च्‍युङस्‍योकगी नाङने, च्‍यीक च्‍याक्‍ती श्‍येम्‍माक्‍यालाः होदेरे झ्‍यीयेला ॱलाप्‍कीनगो, नाम्‍खे ग्‍यासी नाङदु च्‍युङस्‍योक चीगीलाक। हीना क्षो़ठीमगी का घीरी ॱरुङगीन धाङ श्‍येम्‍माक्‍यालाः होदेरे झ्‍यीयेला ॱलाप्‍कीनगो, नाम्‍खे ग्‍यासीरु क्षे चीगीलाक।

योहान्‍ना 7:7

जीक्‍तेनगी खेक्‍याला दाङा झ्‍यी ॱमीथुक्‍कीलाक हीना ङी जीक्‍तेनगी लेगाक्‍या ङेन्‍पा हीन्‍गीनगी पाङपो झ्‍येरी, ङाला दाङा झ्‍यीदालाक।

रोमापा 1:28

धा खुङक्‍याई को़न्‍क्षोकला ची घोगीनगो क्षा माश्‍याक्‍पा, को़न्‍क्षोकगी खुङक्‍याला खोरी साम्‍लो ॱलेन्‍दा नाङला, झ्‍यी ॱमेछोक्‍कीन लेगाक्‍या झ्‍यीदु च्‍युक जेपालाक।

रोमापा 1:30

धाङ ॱमेटा पाप्‍कीन धाङ को़न्‍क्षोकला दाङा झ्‍यीगीन धाङ मीला ॱङ्याप्‍चो़ स्‍येगीन धाङ ङागेल्‍चेन धाङ राङतो़ झ्‍यीगीन हो़तालाक। खुङक्‍या ङेन्‍पा झ्‍यीयेगी थापस्‍यी चागीन धाङ राङगी फामाला ॱमीचीगीन

रोमापा 3:31

धा हुरे हीन्‍ना धेपागी थोक्‍ने, क्षो़ठीमगो दो़न मेगीन झ्‍युङालाक से? देरे फुक्‍की मालाक। ॱयोल्‍ले होराङ क्षो़ठीम तेन्‍पो झ्‍येरी ॱरुङालाक।

रोमापा 5:10

घीझ्‍येरी ॱनाना होराङ को़न्‍क्षोकगी डा हो़ती घाङला, खोङबागी से ढोङगीनगी थोक्‍ने, खोङबामुला होराङ दुमा जेहो़ना, धा दुमा जेसारती मास्‍यीकागी छेगी थोक्‍ने होराङ ॱयोल्‍ले माङा थारकीलाक।

रोमापा 7:22

धेनी ङी सेमगी तीङने को़न्‍क्षोकगी क्षो़ठीमला घावा झ्‍यीदीहो़क।

रोमापा 8:4

दे नी, होराङ धीक्‍पे राङश्‍यीला तेन्‍दी मेन्‍दा हीना धाम्‍पे थुक्‍ङीला तेन्‍दी छोवा क्‍यागीनक्‍याई, क्षो़ठीमगी ढाङपो चीगीनगो ताक-ताक झ्‍यीदास्‍योक ॱनेरी, को़न्‍क्षोकगी जेपालाक।

१ कोरीन्‍थुपा 2:14

धाम्‍पे थुक्‍ङीला ॱमेतेन्‍गीन मीक्‍याई, को़न्‍क्षोकगी थुक्‍ङीगी लाबक्‍याला खेलेन मीझ्‍यीदालाक घीझ्‍येरी ॱनाना होदे लाबक्‍या खुङक्‍याई क्षीदु क्षोमेगीन लाक धेनी खुङक्‍याई होदे ॱहाघो ॱमीथुक्‍वालाक। घीझ्‍येरी ॱनाना हुरे लाबक्‍या धाम्‍पे थुक्‍ङीगी गोने च्‍यीगा स्‍येलालाक।

१ कोरीन्‍थुपा 9:21

क्षो़ठीम मेगीनक्‍याई सेम क्‍योप्‍येगी क्षीदु, ङा क्षो़ठीम मेगीनक्‍यामुला क्षो़ठीम मेगीन च्‍योक्‍रे झ्‍युवी। हीना ङा ङाराङ को़न्‍क्षोकगी क्षो़ठीमने डारी मेन्‍दा, ङा मास्‍यीकागी ठीम होकला धे हो़तालाक।

कोलोसेपा 1:21

एम्‍मा खेक्‍या ले ङेन्‍पा झ्‍येरी को़न्‍क्षोकने, खा डारी ग्‍याङदु सोरी, राङगी सेमने खोङला डा शीम्‍बालाक।

कोलोसेपा 2:18

धेनी मी सी़या खेक्‍याला ॱङ्यामच्‍युङ झ्‍युङये धाङ नाम्‍खे भाङछेनला क्षाक्‍क्षो़पा पुयेला उजुक ग्‍याप्‍ती, खीकी ज्‍यागा ठोक्‍तु ॱमाच्‍युक। देरे मीक्‍या राङगी थोङनाङगी कोरला, लाब ॱना माङा ताङालाक धेनी राङगी जीक्‍तेनगी साम्‍लो ताङदाङला, खुङक्‍या दो़न्‍मेदु ङागेलगी खाङालाक।

२ तीमोथेउ 3:4

धेनी ङोलोक्‍चेन धाङ साम्‍लो ॱमेथोङगीन, ङागेलगी खाङखा धाङ को़न्‍क्षोकले ल्‍हाक दो़यो़नला क्षाक्‍कीन,

ईब्‍रीपा 8:10

चोवो सुङालाक, होदे ङीमागो स्‍याम्‍ने, ङा ईस्‍राएलगी नाङमीमुला धाम्‍चा दे चुक्‍येहीन। ङा ङारी क्षो़ठीम खुङक्‍याई ॱलोला श्‍याक्‍येहीन, धेनी खुङक्‍याई सेमला ढीक्‍येहीन। ङा खुङक्‍याई को़न्‍क्षोक झ्‍युङयेहीन, धेनी खुङक्‍या ङी मीमाङ झ्‍युङगीलाक।

याकोब 4:4

खे लोक्‍येम्‍पाक्‍याओ, जीक्‍तेनला क्षाक्‍कीनक्‍या नी को़न्‍क्षोकगी डाला लाङालाक ॱनेरी खेक्‍या ॱमेस्‍येलाले? होझ्‍येरी जीक्‍तेनला क्षाक्‍ङी दो़गीनक्‍याई राङला को़न्‍क्षोकगी डा शोवालाक।

२ पेटो 2:14

लोक्‍येमगी खाङखा खुङक्‍याई ॱमीकगी धीक्‍पा झ्‍यीयेला, नामा छाम मेश्‍यालाक। धेनी तेन्‍पो मेगीन सेम हो़गीनक्‍याला, खुङक्‍याई ॱली़लालाक। खुङक्‍याई सेम सेन्‍ना झ्‍यीयेला घोम हो़तालाक धेनी खुङक्‍या ॱमेमो फोक्‍पा भुटुक लाक।