रोमापा 8:38 - ॱलोवा

^38-39 घीझ्‍येरी ॱनाना छीवा याङना छे धेनी नाम्‍खे भाङछेनक्‍या याङना श्‍येम्‍मा वाङ जीन्‍खेनक्‍या धेनी धान्‍दागी दो़न याङना माउपारगी दो़न धेनी वाङक्‍या धेनी थोवा याङना ॱमावा याङना को़पा घीरीगी नाङने, घीन्‍गीया मास्‍यीका येशुगी नाङ हो़गीन को़न्‍क्षोकगी झाम्‍पाने, होराङला खा टा ॱमीथुक्‍कीलाक ॱनेरी, ङाला यीच्‍चे तेन्‍पो हो़क।

रोमापा 8:38 Iomraidhean Croise

योहान्‍ना 10:28

ङा देक्‍याला थामेपे छेसोक तेरयेहीन धेनी देक्‍या नामा मेताला डोगीमालाक। सी़या देक्‍याला ङी लाकने ठोक ॱमीथुक्‍कीलाक।

रोमापा 14:7

होराङ सुवाः राङगी क्षीदु छोवा ॱमेक्‍यालालाक धेनी सुवाः राङगी क्षीदु ॱमीस्‍यीलालाक।

रोमापा 14:8

धेनी होराङ छोवा क्‍याना, चोवोगी क्षीदु छोवा क्‍यालालाक धेनी स्‍यीये हीन्‍ना, चोवोगी क्षीदुराङ होराङ स्‍यीलालाक। होझ्‍येरी होराङ छोवा क्‍याना याङना स्‍यीना, होराङ चोवोगीराङ लाक।

रोमापा 4:21

धेनी को़न्‍क्षोकगी जेजा धाम्‍चागो जे थुप्‍कीन नी़थु, खोङबाला हो़तालाक ॱनेरी आब्‍राहाम तेन्‍देन हो़तालाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

१ कोरीन्‍थुपा 15:24

धेनी खोङगी वाङ झ्‍यीगीन धाङ आङजा ॱना घीरी धाङ नी़थु घीरीला मेताला जेसारती, धेनी याप को़न्‍क्षोकला ग्‍यासीगो पुली घाङला, थामे धी़गो ॱलेप्‍कीलाक।

२ कोरीन्‍थुपा 11:14

धेनी दे ॱहाङसागीन लाब मालाक घीझ्‍येरी ॱनाना धी़ सातानगीयाः राङला, हो़गी भाङछेन हीन्‍दोक-दोक झ्‍यीदालाक।

२ कोरीन्‍थुपा 4:13

सुङरापला देरे ढीक्‍टा “ङी धेपा झ्‍येवी होझ्‍येरी ङी लाब तावी।” सुरी सुङगीन, धेपागी थुक्‍ङी च्‍यीक्‍पागो हीकी नाङ हो़गीन झ्‍येरी हेक्‍याः धेपा झ्‍यीदीहो़क। होझ्‍येरी हेक्‍या लाब ताङाहीन।

एफीसुपा 1:21

धेनी खोङबागी मास्‍यीकाला ठीम धाङ वाङ धेनी नी़थु धाङ ग्‍यासी घीरी धेनी दे धी़रापगी च्‍यीगा मेन्‍दा, माउपारगी धी़रापला हुङगीन छेन घीरीले थो़स्‍योक को़ जेपालाक।

कोलोसेपा 1:16

घीझ्‍येरी ॱनाना खोङबागी गोनेराङ घीरी को़वालाक। नाम्‍खे श्‍यीङखाम धाङ साश्‍यीदु हो़गीन, ॱमीकगी थोङ थुप्‍कीन धाङ थोङ ॱमीथुप्‍कीन ग्‍यासीक्‍या याङना नी़थुक्‍या याङना पो़न्‍पोक्‍या याङना वाङग्‍युर झ्‍यीगीनक्‍या घीरी, खोङबागी थोक्‍ने धाङ खोङगी क्षीला को़वालाक।

कोलोसेपा 2:15

धेनी को़न्‍क्षोकगी पो़न्‍पोक्‍या धाङ वाङग्‍युर झ्‍यीगीनक्‍याई लाक्‍चाक्‍या ठोक्‍वा जेदी, खुङक्‍याला मीमाङगी खोकला ॱङो़न्‍दी ङोछारु च्‍युक्‍पालाक। धेनी ग्‍याङस्‍यीङगी थोक्‍ने, खुङक्‍या घीरी खाला खोङबागी ग्‍याखा थोप जेपालाक।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

ईब्‍रीपा 11:13

धाम्‍चा जेजागो ॱमाथोप्‍पालाराङ, खुङक्‍या घीरी धेपा झ्‍येरी ढोवालाक। धेनी खुङक्‍याई राङला दे जीक्‍तेनदु क्षीग्‍या धाङ ख्‍याम्‍बो हीन्‍गीनगो खेलेन्‍दी, होदे धाम्‍चा जेजागो थाक्‍रीङानेराङ थोरी फेप्‍सु श्‍यी़वालाक।

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।