रोमापा 8:36 - ॱलोवा

³⁶ दी कोरला सुङरापला देरे ढीक हो़तालाक, “खेराङगी क्षीदु हेक्‍या श्‍याक्‍मो ढाङी, स्‍यीयेगी ङेन्‍काला हो़तालाक। हेक्‍याला स्‍याक्‍ये हीन्‍गीन लुकक्‍या च्‍योक्‍रे चीलालाक।”

रोमापा 8:36 Iomraidhean Croise

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

जेपा 8:32

खी़ सुङरापने ढोक्‍कीन छीक्‍छामगो दे लाक, “खो नी स्‍यावाला ठीक्‍कीन लुक च्‍योक्‍रे ठीक्‍पालाक, धेनी पु डेगीन दोङदु लुक्‍टु खाबा धेगीन च्‍योक्‍रे, खी़ खाने छीक च्‍यीया ॱमातो़न्‍बालाक।

१ कोरीन्‍थुपा 15:30

धेनी हेक्‍या घीझ्‍येरी छुची रे-रेला राङगी मीछे ङेन्‍काला ताङये?

१ कोरीन्‍थुपा 15:31

पी़नक्‍याओ, होरी चोवो मास्‍यीका येशुगी नाङ, ङा खेक्‍याई क्षीदु ङोम्‍सो झ्‍यीदीहो़क ॱनागीन लाब दे, ॱङोन्‍ने धेन्‍पा हीन्‍गीन च्‍योक्‍रे, श्‍याक्‍मो डाई ङा छीवे खाला ॱलेप्‍येगी ङेन्‍का हो़गीन देयाः धेन्‍पा लाक।

१ कोरीन्‍थुपा 4:9

घीझ्‍येरी ॱनाना हे कुछापक्‍या नी, सेयेगी ठीम्‍चो़ फोक्‍पाक्‍या च्‍योक्‍रे धाङ घीरीने श्‍युक्‍योकला को़न्‍क्षोकगी श्‍या जेजा च्‍योक्‍रे दुक ॱनेरी, ङी साम्‍लो हो़क। घीझ्‍येरी ॱनाना हेक्‍या नी, जीक्‍तेन धाङ नाम्‍खे भाङछेनक्‍या धाङ मीक्‍याई क्षीदु तेमो च्‍योक्‍रे झ्‍युदुक।

२ कोरीन्‍थुपा 1:9

हेक्‍याला सेयेगी क्षेपा फोक्‍कीन च्‍योक्‍रे छोरजुङ। हीना दे नी हेक्‍या राङला तेन्‍ये मेन्‍दा, स्‍यीम्‍पोला सो़न्‍पो जेगीन को़न्‍क्षोकला तेन्‍घोयेगी क्षीदु झ्‍युवालाक।

२ कोरीन्‍थुपा 11:23

खुङक्‍या मास्‍यीकागी श्‍याप्‍चीपा ले? ङा ॱयोल्‍ले श्‍याप्‍ची शाङा हीन। ङा ॱङ्योम्‍बा च्‍योक्‍रे लाब ताङीहो़क। ङी ॱमीच्‍यीकी काल्‍ले ग्‍याप्‍पी। ङा चो़न्‍खाङदु थेङ माङा छी़जुङ। ङाला ताच्‍याकगी दुङदाक माङा फोक्‍जुङ। धेनी थेङ माङा ङारी ॱरोक ङेन्‍काला छी़जुङ।

२ कोरीन्‍थुपा 6:9

हेक्‍याला केटाक मेगीन चीनाः, हेक्‍या केटाक्‍क्षे हो़क। धेनी हेक्‍या छीवे खारु ॱलेप हो़नाः, हेक्‍या सो़न्‍पोराङ हो़क। धेनी ङेपा फोक हो़नाः, ॱरोक ॱमास्‍योरहो़क।

फीलीप्‍पीपा 3:10

ङी दो़पा नी, मास्‍यीकाला ङोस्‍येये धाङ खोङ छीवाने ॱलार सो़न्‍पो झ्‍युङगीनगी नी़थु स्‍येये लाक। धेनी खोङगी ङ्याङगीन दुक्‍ङेल च्‍योक्‍रे ङ्याङये धाङ खोङ ढोङगीन च्‍योक्‍रे ढोङये,