रोमापा 8:35 - ॱलोवा

³⁵ धा मास्‍यीकागी झाम्‍पाने होराङला सी़ खा टा थुक्‍कीले? घाक्‍वागी याङना काङेगी याङना दुक्‍ङेलगी याङना मुगेगी याङना घो़न्‍ये मेगीनगी याङना जीक्‍टागी याङना स्‍यीये जीक्‍टागी, होराङला खा टा थुक्‍कीलाक से?

रोमापा 8:35 Iomraidhean Croise

योहान्‍ना 10:28

ङा देक्‍याला थामेपे छेसोक तेरयेहीन धेनी देक्‍या नामा मेताला डोगीमालाक। सी़या देक्‍याला ङी लाकने ठोक ॱमीथुक्‍कीलाक।

योहान्‍ना 13:1

पेसाकगी धी़छेन एन्‍ला, येशु जीक्‍तेन दीने यापगी डुङदु फेप घोये धी़ भाप्‍कीनगो खोङबागी खेन्‍बालाक। धेनी जीक्‍तेनदु हो़गीन राङगी स्‍याम्‍ला डागीनक्‍याला, खोङबागी झाम्‍पा जेदी थामे धी़ थुक्‍पे, खोङगी झाम्‍पा जेपालाक।

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

रोमापा 2:9

ङेन्‍पा झ्‍यीगीन मी घीरीगी खाला, दुक्‍ङेल धाङ काङे भाप्‍कीलाक। धाङपोगो याहुदापाक्‍याला धेनी याहुदापा मेन्‍गीनक्‍याला।

रोमापा 8:17

धेनी होराङ से धाङ सेमो हीन्‍ना, होराङ ग्‍युज्‍यीनगोवाः लाक। होराङ को़न्‍क्षोकगी ग्‍युज्‍यीन धाङ मास्‍यीकामुला ग्‍युज्‍यीनगी रोवा लाक। धेनी होराङ मास्‍यीकामुला दुक्‍पु ङ्याङना, खोङगी शीजेगोवाः मुला घो़ये राक्‍कीलाक।

रोमापा 8:37

हीना दे ॱनेछु घीरीगी नाङलाः हेला झाम्‍पा जेगीनगी थोक्‍ने, हेला ग्‍याखा छाङगो थोप हो़तालाक।

१ कोरीन्‍थुपा 4:11

दे धी़ थुक्‍पे हेक्‍या फोवा तोक्‍ता धाङ खा कोम्‍गा धेनी घोलाक ॱरुल्‍दुक्‍पा घो़न्‍गा धाङ श्‍येम्‍मागी धुता धाङ राङ खाङबा मेगीन झ्‍युहो़क।

१ कोरीन्‍थुपा 4:12

धेनी राङगी लाक्‍पी लेगा झ्‍येरी काल्‍ले ग्‍यावाहीन। धेनी मी श्‍येम्‍मागी ॱमेमो ग्‍याराङ, हेक्‍या ॱमो़लाम श्‍यी़हो़क। श्‍येम्‍मागी हेक्‍याला दुक्‍पु तेराराङ, हेक्‍या शो़पा घोमीहो़क।

२ कोरीन्‍थुपा 12:10

होझ्‍येरी मास्‍यीकागी क्षीदु ङा, थापक्‍योवाक्‍या धाङ ॱमेबेपक्‍या धाङ काङेक्‍या धाङ दुक्‍जोङक्‍या धाङ घाक्‍वाक्‍या घाङला दो़पा खारी धेतीहो़क। घीझ्‍येरी ॱनाना ङा क्‍योवा हो़ताराङ, ङा स्‍युक्‍क्षे हो़क।

२ कोरीन्‍थुपा 4:17

घीझ्‍येरी ॱनाना युन तुङागी दुक्‍पो याङा दी, हेक्‍याई क्षीदु दुरये मेगीन, थामेपे शीजेगो डाढीक झ्‍यीदी हो़तालाक।

२ कोरीन्‍थुपा 4:8

छोक घीरीने हेक्‍याला ॱनेम हो़तालाक हीना हेक्‍या ॱमाचीर हो़क। धेनी हेक्‍या थोम्‍दी धेहो़क हीना सेमस्‍युक छाक्‍ती माधेहो़क।

२ कोरीन्‍थुपा 4:9

हेक्‍याला दुक्‍जोङ फोक हो़क हीना पाङपा मेक धेनी हेक्‍याला दुङदाक फोक हो़ना, हेक्‍या मेताला ॱमासोहो़क।

एफीसुपा 3:19

धेनी को़न्‍क्षोकगी छेसोक धाङ नी़थुगी, खेक्‍या घाङजाङ खाङयेगी क्षीला, खेक्‍याई ॱलोला जु ॱमीथुप्‍कीन मास्‍यीकागी झाम्‍पा ॱहाघोरयेगी ॱमो़लाम, ङा श्‍यी़लाहीन।

२ थेसालोनीकेपा 2:16

धा होराङला चेवा ॱनारी थुक्‍जेगी थोक्‍ने, थामेगीन सेमगी धेवा धाङ रेवा शाङपो ॱनाङगीन, चोवो येशु मास्‍यीका खोङबा धाङ होरी याप को़न्‍क्षोकगी,

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।