रोमापा 8:34 - ॱलोवा

³⁴ धा ॱहाना होराङला सी़ ठीम्‍चो़ झ्‍यीगीले? सी़या झ्‍यीगीमालाक। घीझ्‍येरी ॱनाना मास्‍यीका येशु नी, होरी क्षीदु ढोङा जेपालाक। धेनी याङ कुसो़न्‍पो श्‍याङा जेपालाक धेनी खोङ को़न्‍क्षोकगी क्षाक ॱयेरु श्‍युक्‍वा जेदी, होरी क्षीदु श्‍योवा पुली हो़तालाक।

रोमापा 8:34 Iomraidhean Croise

मेथा 20:28

होझ्‍येरी मी-भुगोवा श्‍याप्‍ची लेन्‍दु होवा मेन्‍दा, श्‍याप्‍ची श्‍युरु होवालाक धेनी मी माङागी थारपागी क्षीला, राङगी ॱरोक पुरु होवालाक।”

मारकु 16:19

चोवो येशुगी खुङक्‍यामुला कामो़न ॱनाङसारती, खोङबा नाम्‍खे श्‍यीङखाम स्‍योकला ठीक जेपालाक धेनी को़न्‍क्षोकगी क्षाक ॱये स्‍योकला श्‍युक जेपालाक।

योहान्‍ना 14:19

धा धी़ तीते च्‍यीकने जीक्‍तेनगी ङाला ॱमेथोङगीलाक हीना खेक्‍याई ङाला थोङगीलाक। ङा सो़न्‍पो झ्‍येरी, खेक्‍याः सो़न्‍पो ॱनेगीलाक।

योहान्‍ना 16:23

होदे ङीमोगोला, खेक्‍याई ङाला घीया मीढीगीलाक। ङा धेन्‍पा धेनक्‍याङ खेक्‍याला ॱनाहीन, खेक्‍याई ङी मीङगी थोक्‍ने यापला घी श्‍यी़ना, खोङबागी होदे खेक्‍याला ॱनाङगीलाक।

जेपा 2:24

हीना को़न्‍क्षोकगी खोङबाला छीवाने सो़न्‍पो श्‍याङा जेपालाक। को़न्‍क्षोकगी खोङबाला छीवे स्‍युकने खा टा जेपालाक घीझ्‍येरी ॱनाना छीवे स्‍युकगी खोङबाला च्‍योई शीम्‍दी श्‍याक ॱमीथुक्‍वालाक।

रोमापा 14:13

होझ्‍येरी होराङ च्‍यीकगी च्‍यीकला क्‍यो़न ॱमाचुक। हीना ॱयोल्‍ले राङगी पी़नगी लामला काक्‍दो याङना घाक्‍वा मीझ्‍युङगीन मीछे पी़येला थाक्‍चो़।

रोमापा 14:9

धा मास्‍यीका नी स्‍यीस्‍या धाङ सो़न्‍पो ॱङीगारागी चोवो झ्‍युङयेगी क्षीदु ढोङा जेपालाक धेनी कुसो़न्‍पो श्‍याङा जेपालाक।

रोमापा 4:25

होरी धीक्‍पाक्‍याई झ्‍येरी, येशु छीवाला तेरपालाक धेनी होराङला ढाङपो जेयेगी क्षीदु, खोङ कुसो़न्‍पो श्‍याङदु च्‍युक्‍पालाक।

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

रोमापा 8:27

धेनी होराङक्‍याई सेमला शीक्‍कीन, खोङबागी धाम्‍पे थुक्‍ङीगी थुकोङगो खेन्‍दालाक घीझ्‍येरी ॱनाना धाम्‍पे थुक्‍ङीगी को़न्‍क्षोकगी थुकोङला तेन्‍दी, धाम्‍पे मीक्‍याई क्षीदु श्‍योवा पुला जेदालाक।

कोलोसेपा 3:1

धा खेक्‍या मास्‍यीकामुला ॱलार सो़न्‍पो ॱलाङला हीन्‍ना, को़न्‍क्षोकगी क्षाक ॱयेरु मास्‍यीका श्‍युक्‍सा, नाम्‍खे श्‍यीङखामगी दो़नक्‍या चो।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

ईब्‍रीपा 9:24

मास्‍यीका नी धाम्‍पे ॱनेसा ॱङोन्‍नेगी पे हीन्‍गीन, मीगी लाक्‍पी शो़सा घुरखाङ नाङला ॱमाफेप्‍पालाक। हीना होरी छापला धान्‍दा को़न्‍क्षोकगी डुङदु ज्‍यायेला, खोङबा नाम्‍खे श्‍यीङखामदु राङ फेप्‍पालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।