रोमापा 8:32 - ॱलोवा

³² को़न्‍क्षोकगी राङगी सेला फाङा माजेदा, होराङ घीरीगी क्षीदु ॱलो़ ताङ जेपालाक। धा देरे हीन्‍ना खोङबागी होराङला राङगी सेमुला, श्‍येम्‍मा दो़न घीरीयाः ॱनाङगीमालाक से?

रोमापा 8:32 Iomraidhean Croise

मेथा 3:17

धेनी नाम्‍खाने सुङकेक च्‍यीकगी, “दे ङी चेवे से हीन। ङा खी़मुला ॱमीच्‍यीकी ङ्यामो घा हो़क।” सुरी सुवालाक।

मेथा 7:11

होझ्‍येरी खेक्‍या ङेन्‍पा झ्‍येरीया राङगी टुवाक्‍याला ॱङेन्‍बा शाङा तेर स्‍येना, नाम्‍खे श्‍यीङखामदु श्‍युक्‍कीन ख्‍यी़ यापगी, खोङला श्‍यी़गीनक्‍याला घाजो़ माङा शाङा हो़गीनक्‍या ॱनाङी हेटु।

योहान्‍ना 3:16

“घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

रोमापा 11:21

घीझ्‍येरी ॱनाना को़न्‍क्षोकगी याक्‍का ॱङोमाक्‍याला ॱलो़ ताङा माजे हो़ना, खेक्‍यालाः ॱलो़ ताङा जेगीमालाक।

रोमापा 4:25

होरी धीक्‍पाक्‍याई झ्‍येरी, येशु छीवाला तेरपालाक धेनी होराङला ढाङपो जेयेगी क्षीदु, खोङ कुसो़न्‍पो श्‍याङदु च्‍युक्‍पालाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

रोमापा 8:28

धेनी को़न्‍क्षोकला झाम्‍पा झ्‍यीगीन धाङ खोङगी थुकोङला तेन्‍दी, भो़पाक्‍याई क्षीदु खोङगी दो़न घीरीला शाङा जेदालाकॱनेरी, होराङला स्‍येये हो़तालाक।

१ कोरीन्‍थुपा 2:12

धा हेक्‍याला थोप्‍था सेम्‍ङी नी, जीक्‍तेनगी मालाक हीना को़न्‍क्षोकगी थुक्‍जेगी थोक्‍ने, हेक्‍याला ॱनाङना दो़न घीरी ॱहाघोरास्‍योक ॱनेरी, को़न्‍क्षोकने धाम्‍पे थुक्‍ङी थोप्‍पालाक।

२ कोरीन्‍थुपा 4:15

घीझ्‍येरी ॱनाना देक्‍या घीरी खेक्‍याला फेन्‍येगी क्षीदु लाक। धेनी दे नी थुक्‍जेगो मी माङाचारु फेरी डोवाराङ, को़न्‍क्षोकगी शीजे हुङयेला काटीन्‍क्षे श्‍युयेगोवा फेयेगी क्षीदु लाक।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

२ कोरीन्‍थुपा 6:10

धेनी हेक्‍या सेम क्‍यो़ हो़नाः, च्‍योई घाटोगी खाङहो़क धेनी उटे हो़नाः, माङक्षेला क्षुक्‍पु शो़ थुक हो़क। धेनी घीया मेगीन च्‍योक्‍रे हो़नाः, हेक्‍याला घीरी हो़क।

१ योहान्‍ना 4:10

झाम्‍पा नी देराङ लाक, होराङक्‍याई को़न्‍क्षोकला झाम्‍पा माझ्‍येवा, को़न्‍क्षोकगी होराङला झाम्‍पा जेदी, राङगी से होरी धीक्‍पा सेल्‍येगी क्षीदु धीकस्‍याकगी ॱमारछो़ झ्‍युङयेला ॱङाक्‍पालाक।

ॱङो़न्‍पा 21:7

ग्‍यागीनगोला, दे दो़न घीरीगी ग्‍युज्‍यीन थोप्‍कीलाक धेनी ङा खी़ को़न्‍क्षोक झ्‍युङयेहीन धेनी खो ङी भीजा झ्‍युङगीलाक।