रोमापा 8:30 - ॱलोवा

³⁰ धेनी खोङगी खुङक्‍याला दामा जेदी, खुङक्‍याला राङचारु भो़याः जेपालाक। धेनी खोङगी राङचारु भो़ जेजाक्‍याला, ढाङपोवाः जेपालाक। धेनी ढाङपो जेजाक्‍याला राङगी शीजेगोवाः ॱनाङा जेपालाक।

रोमापा 8:30 Iomraidhean Croise

योहान्‍ना 17:22

होराङ ॱङीउ च्‍यीक हीन्‍गीन च्‍योक्‍रे, खुङक्‍या च्‍यीक हुङयेला, खेराङगी ङाला ॱनाङगीन शीजेगो ङी खुङक्‍याला तेरहो़क।

योहान्‍ना 17:24

“के याप, खेराङगी ङाला ॱनाङना घीरी, ङा घारु हो़जारु ङीमुला हो़गीन धाङ ङी शीजे थोङगीनगो, ङा दो़दीहो़क। दे शीजे दे जीक्‍तेन ॱमाको़ एन्‍ला, खेराङगी ङाला झाम्‍पा जेदी ॱनावाहीन।

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

रोमापा 1:6

धेनी खुङक्‍यामुला खेक्‍याः, येशु मास्‍यीकागी मी झ्‍युङयेला भो़पाक्‍या लाक।

रोमापा 11:29

घीझ्‍येरी ॱनाना को़न्‍क्षोकगी ॱनाङज्‍यीन धाङ भो़ जेगीनला ग्‍युरये मेतालाक।

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

रोमापा 8:21

को़पा राङगो रुरी डोये हीन्‍गीन वाङने थारती, को़न्‍क्षोकगी से धाङ सेमोगी शीजेगी राङवाङ थोप्‍येगो लाक।

रोमापा 8:28

धेनी को़न्‍क्षोकला झाम्‍पा झ्‍यीगीन धाङ खोङगी थुकोङला तेन्‍दी, भो़पाक्‍याई क्षीदु खोङगी दो़न घीरीला शाङा जेदालाकॱनेरी, होराङला स्‍येये हो़तालाक।

१ कोरीन्‍थुपा 1:2

कोरीन्‍थुरु हो़गीन, को़न्‍क्षोकगी क्षो़छोक धाङ मास्‍यीका येशुगी थोक्‍ने, को़न्‍क्षोकगी धाम्‍पा जेजा धाङ धाम्‍पे मी झ्‍युङयेला भो़पाक्‍यामुला साजा हो़लेने, खुङक्‍या धाङ होरी चोवो हीन्‍गीन होरी चोवो येशु मास्‍यीकागी छेन भो़गीन घीरीला,

१ कोरीन्‍थुपा 1:9

को़न्‍क्षोक नी ॱलोते छोक्‍पा हो़तालाक। धेनी खोङगीराङ खेक्‍याला राङगी से, होरी चोवो येशु मास्‍यीकामुला ङ्याम्‍ढेल जेयेगी क्षीला भो़ जेपालाक।

१ कोरीन्‍थुपा 2:7

हीना साङवादु बेरी श्‍याकश्‍या को़न्‍क्षोकगी स्‍येराप दे हेक्‍या स्‍येदाहीन। स्‍येराप दे नी, जीक्‍तेन ॱमाको़ एन्‍लानेराङ, हीकी शीजेगी क्षीला को़न्‍क्षोकगी को़वालाक।

१ कोरीन्‍थुपा 6:11

धेनी खेक्‍या नाङने रीङगा एम्‍मा देरे हो़तालाक। हीना चोवो येशु मास्‍यीकागी छेन धाङ होरी को़न्‍क्षोकगी थुक्‍ङीगी थोक्‍ने, खेक्‍या चाङमा धाङ धाम्‍पा धाङ ढाङपो जेपालाक।

२ कोरीन्‍थुपा 4:17

घीझ्‍येरी ॱनाना युन तुङागी दुक्‍पो याङा दी, हेक्‍याई क्षीदु दुरये मेगीन, थामेपे शीजेगो डाढीक झ्‍यीदी हो़तालाक।

गालातीयापा 1:15

हीना ङा ॱमाकेगीन एन्‍लाराङ ङाला राजा पेरी दामा जेगीन, धाङ राङगी थुक्‍जे थोक्‍ने भो़ जेगीन को़न्‍क्षोकगी थुक्‍ङेउ जेदी,

गालातीयापा 1:6

मास्‍यीकागी थुक्‍जेने भो़पा खेक्‍या देरे ग्‍योवा खोङला ङो ॱलोक्‍ती, ताम्‍शाङ श्‍येम्‍मागी स्‍याम्‍ला डागीनला ङा ॱहालेजुङ।

गालातीयापा 5:8

देरे गो कोरकीन लेगा, खेक्‍याला भो़ ॱनाङगीन को़न्‍क्षोकने झ्‍युवामालाक।

एफीसुपा 1:11

राङगी थुकोङला तेन्‍ती क्षाक्‍ले घीरी डुप्‍कीन को़न्‍क्षोकगी, मास्‍यीकागी गोने होराङला खोङबा राङगी मी दामा जेपालाक घीझ्‍येरी ॱनाना देराङ थोक्‍माने, खोङबागी थाक चो़चा राङगी क्षास्‍यी लाक।

एफीसुपा 1:5

को़न्‍क्षोकगी थुकोङ धाङ घावाला तेन्‍ती, येशु मास्‍यीका थोक्‍ने, खोङबागी होराङला राङगी से धाङ सेमो झ्‍युङयेला, एम्‍माने झाम्‍पागी थोक्‍ने थाक्‍चो़ जेपालाक।

एफीसुपा 2:6

धेनी मास्‍यीका येशुमुला होराङला ॱलार सो़न्‍पो जेदी, होराङ खोङमुला नाम्‍खे श्‍यीङखामदु धेदु च्‍युक्‍वा जेपालाक।

एफीसुपा 3:11

दे नी, को़न्‍क्षोकगी थामेपे थुकोङला तेन्‍ती, मास्‍यीका येशु होरी चोवोगी थोक्‍ने डुपा जेपालाक।

एफीसुपा 4:4

को़न्‍क्षोकगी खेक्‍याला भो़ली घाङला, रेवा च्‍यीकला भो़पा च्‍योक्‍रे ली़ च्‍यीक धाङ थुक्‍ङी च्‍यीक,

कोलोसेपा 3:4

धेनी खेक्‍याई छेसोक हीन्‍गीन मास्‍यीका ॱङो़न्‍दी घाङला, खेक्‍याः खोङबामुला शीजे नाङदु ॱङो़न्‍गीलाक।

२ तीमोथेउ 2:11

दे ताम दे ॱलो खेलादुक, “होराङ खोङबामुला स्‍यी हो़ना, खोङबा मुलाराङ सो़न्‍गीलाक।

ईब्‍रीपा 9:15

को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।

१ पेटो 3:9

ङेन्‍पाला ङेन्‍पा याङना ॱमेबेप छापला, ॱमेबेपगी लेन ॱमालोक। हीना दी छापला झ्‍यीलाप तेर घीझ्‍येरी ॱनाना खेक्‍याला झ्‍यीलाप थोप्‍येगी क्षीलाराङ खेक्‍या भो़वालाक।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

२ पेटो 1:10

होझ्‍येरी पी़नक्‍याओ, खेक्‍याला को़न्‍क्षोकगी भो़पा धाङ दाम्‍दागोला, ॱङोन्‍ने हीन्‍गीनगो तो़न्‍ये क्षीदु धोराङा ची़न्‍डी़ झ्‍यी घीझ्‍येरी ॱनाना देरे झ्‍यीना, खेक्‍या खेरी धेपाने ल्‍हीम्‍गीमालाक।

ॱङो़न्‍पा 17:14

खुङक्‍याई लुक्‍टुमुला ॱमाक टाप्‍कीलाक हीना लुक्‍टुगी, खुङक्‍या खाला ग्‍यागीलाक घीझ्‍येरी ॱनाना खोङबा चोवोक्‍याई चोवो धाङ ग्‍यावुक्‍याई ग्‍यावु लाक। धेनी खोङबामुला राङगी भो़पाक्‍या धाङ दाम्‍दाक्‍या धाङ ॱलोते छोक्‍पा मीक्‍या हो़तालाक।”

ॱङो़न्‍पा 19:9

धेनी होदे नाम्‍खे भाङछेनगी ङाला सुजुङ, “दे ढीक। लुक्‍टुगी ॱनामा लेन्‍जारु डो़नला भो़पाक्‍या झ्‍यीलाप क्षे लाक।” धेनी याङ खोङबागी ङाला सुजुङ, “देक्‍या नी को़न्‍क्षोकगी सुङला धेन्‍पाक्‍या लाक।”