रोमापा 8:3 - ॱलोवा

³ होरी ली़गी क्‍योवा शो़सा क्षो़ठीमगी झ्‍यी ॱमाथुक्‍कीनगो, को़न्‍क्षोकगी राङगी से धीक्‍पे राङश्‍यीगी ली़ला धीक्‍पे ॱमारछो़ झ्‍युङयेला झाङा जेदी, होदे जेपालाक। धेनी देरे झ्‍येरी खोङगी धीक्‍पाला ली़लाराङ छेपा का जेपालाक।

रोमापा 8:3 Iomraidhean Croise

मारकु 15:27

खुङक्‍याई खोङबामुला झ्‍याक्‍पा ॱङी, च्‍यीकला खोङबागी ये स्‍योक धाङ च्‍यीकला ॱयो़नला क्‍याङबालाक।

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 9:24

होझ्‍येरी खुङक्‍याई एम्‍मा श्‍यारा हीन्‍गीन मीगोला याङ भो़री ॱनेवालाक, “को़न्‍क्षोकगी डुङदु धेन्‍पा स्‍यो़क। मी दे नी, धीक्‍चेन च्‍यीक लाक ॱनेरी हेक्‍याला स्‍येयेहो़क।”

जेपा 13:39

येशुला धेपा-झ्‍यीगीनक्‍या घीरी धीक्‍पाने थारपा थोप्‍ती, को़न्‍क्षोकगी डुङदु ढाङपो झ्‍युङगीलाक। दे लेगा मोशेगी ॱनाङना क्षो़ठीमगी डुप ॱमाथुक्‍पालाक।

रोमापा 3:20

होझ्‍येरी क्षो़ठीमगी लेगाने सुवा, को़न्‍क्षोकगी डुङदु ढाङपो चीगीमालाक। हीना क्षो़ठीमगी थोक्‍ने होरी, धीक्‍पा झ्‍यीगीनगो स्‍येरु च्‍युक्‍वालाक।

रोमापा 6:6

धेनी धीक्‍पागी वाङ होकदु हो़गीन होरी ली़ दे, मेताला ताङये धाङ होराङ धीक्‍पागी ढेन्‍योक मीझ्‍युङयेगी क्षीदु, होरी धीक्‍पे स्‍यीकागो खोङमुला ग्‍याङस्‍यीङला क्‍याङबालाक ॱनेरी, होराङ स्‍येलालाक।

रोमापा 7:18

धेनी ङी धीक्‍पे राङश्‍यीला शाङा घीयाः ॱमेनेलालाक ॱनेरी, ङाला स्‍येयेहो़क। घीझ्‍येरी ॱनाना शाङा घी हीन्‍गीनगो झ्‍यीयेला, ङी दो़पा हो़क हीना होदे ङी झ्‍यी ॱमीथुक्‍वालाक।

रोमापा 8:32

को़न्‍क्षोकगी राङगी सेला फाङा माजेदा, होराङ घीरीगी क्षीदु ॱलो़ ताङ जेपालाक। धा देरे हीन्‍ना खोङबागी होराङला राङगी सेमुला, श्‍येम्‍मा दो़न घीरीयाः ॱनाङगीमालाक से?

रोमापा 9:3

धेनी ङा ङाराङगी रीग्‍यु च्‍यीक्‍पा हीन्‍गीन पी़न्‍दाक्‍याई दो़न्‍दु, ङा ङाराङला ॱमेमो फोक्‍ये धाङ मास्‍यीकाने खा डायेगी दो़पाः झ्‍यी थुक्‍येहो़क।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

गालातीयापा 3:13

मास्‍यीकागी होरी छापला छेपा झ्‍युरी, होराङला क्षो़ठीमगी छेपाने ॱली़वालाक, घीझ्‍येरी ॱनाना “स्‍यीङ खाला क्‍याङगीन घीरी छेपा फोक्‍पालाक।” ॱनेरी ढीक हो़तालाक।

गालातीयापा 3:21

धा हाना, को़न्‍क्षोकगी धाम्‍चाक्‍याला क्षो़ठीमगी ग्‍याप्‍केल झ्‍यीदाले? देरे फुक्‍की मालाक। छे ॱनाङ थुप्‍कीन क्षो़ठीम तेर हो़ना, क्षो़ठीमने राङ ढाङतेनला ग्‍युरये हो़क।

फीलीप्‍पीपा 2:7

हीना राङला तोङबा जेदी, ढेन्‍योकगी स्‍यीका ॱनुम्‍दी, मीगी ली़ला ठुङ।

ईब्‍रीपा 10:12

हीना मास्‍यीकागी धी़ तेनगी क्षीदु, थेङ च्‍यीकला धीक्‍पा सेयेगी ॱमारछो़ पुरी, खोङ को़न्‍क्षोकगी क्षाक ॱयेरु श्‍युक्‍वा जेपालाक।

ईब्‍रीपा 10:14

ॱमारछो़ च्‍यीकगी गोने धाम्‍पा जेये हीन्‍गीनक्‍याला, धी़ तेनगी क्षीदु फी़न्‍सुम छोक्‍पा जे हो़तालाक।

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।

१ पेटो 2:24

होराङ धीक्‍पाला छोवा क्‍यायेगो भोरती, ढाङतेनगी दो़नला छोवा क्‍याये क्षीदु, खोङबागी राङगी कुली़ला होरी धीक्‍पाक्‍या ग्‍याङस्‍यीङ खाला खुरा जेपालाक। खोङगी ॱमाक्‍याई थोक्‍ने खेक्‍याला ढाक्‍सो़ थोप्‍पालाक।