रोमापा 8:26 - ॱलोवा

²⁶ देरेराङ झ्‍येरी धाम्‍पे थुक्‍ङीगी होराङ क्‍योवा घाङला, रोक्‍राम जेदालाक। होराङक्‍याई ॱमो़लाम घाङगी झ्‍येरी श्‍यु घोयेगो, होराङ ॱमेस्‍येलालाक हीना धाम्‍पे थुक्‍ङी राङगी छीकला ॱना ॱमीथुक्‍कीन, उला होरी क्षीदु श्‍योवा पुला जेदालाक।

रोमापा 8:26 Iomraidhean Croise

मेथा 10:20

घीझ्‍येरी ॱनाना सुङगीनगो खेक्‍या मालाक हीना खीकी थोक्‍ने, खेरी यापगी थुक्‍ङीगो लाक।

मेथा 20:22

धेनी येशुगी सुवालाक, “ख्‍यी़ श्‍युगीनगी दो़नगो ख्‍यो़ ॱमेस्‍येलालाक। ङी थुङ घो़गीन दुक्‍पुगी फोराने खेक्‍या थुङ थोवाई?” धेनी खुङक्‍याई “थुङ थुक्‍येहो़क” ॱनेरी ॱनेवालाक।

लुका 22:44

खोङबागी सेम ॱमीच्‍यीकी दुक्‍पुगी खारी, खोङबागी ॱङीङ थाक्‍पाने सोवा ताप्‍पालाक। धेनी खोङबागी ॱङुना ठाकगी थीक्‍पा च्‍योक्‍रे साला थीक्‍पालाक।

योहान्‍ना 14:16

धेनी ङा यापला श्‍यी़येहीन, धेनी खीकीमुला ग्‍युने ग्‍युन्‍दु ॱनेयेला, खोङबागी खेक्‍याला रोवा जेगीन श्‍येम्‍मा च्‍यीक ॱनाङगीलाक।

रोमापा 15:1

होराङ धेपाला तेन्‍पो हो़गीनक्‍याई, धेपाला क्‍योवा हो़गीनक्‍याई थापक्‍योवागोला शो़पा झ्‍यी घोवालाक। होराङ राङला च्‍यीगा ङ्यामो घारु च्‍युक्‍ये मालाक।

रोमापा 7:24

आच्‍ची, ङा घीन्‍गी दुक्‍वा मी च्‍यीक ले। दे छीवागी ली़ने ङाला सी़ थारपा जेगीले?

रोमापा 8:15

याङ जीक्‍नाङगी नाङ छी़येला, खेक्‍याला ढेन्‍योकगी सेम थोप्‍पा मालाक हीना खेक्‍याला को़न्‍क्षोकगी से धाङ सेमो झ्‍युङयेगी थुक्‍ङी थोप हो़तालाक। धेनी खोङगी थोक्‍ने होराङ “आब्‍बा, याप।” ॱनेरी भो़ली घाङला,

२ कोरीन्‍थुपा 5:2

धेनी दे जीक्‍तेनगी ॱनेसारु होराङ थाङ क्षेदी, नाम्‍खे श्‍यीङखामगी खाङबागी होराङला घो़ च्‍योक्‍रे काप्‍येला, होराङ ॱमीच्‍यीकी दो़पा झ्‍यीदालाक।

२ कोरीन्‍थुपा 5:4

धेनी होराङ दे घुर नाङदु हो़ताराङ, दुङागी खारी थाङ क्षेदालाक। दे होराङ ॱमाराङा धेयेगी क्षीदु मेन्‍दा, देले ल्‍हाक नाम्‍खे श्‍यीङखामगी ॱनेसागी घो़ घो़न्‍येगी क्षीदु लाक। धेनी मेताला डोये हीन्‍गीनगो, छेसोकगी नाङ छी़दास्‍योक ॱनेरी लाक।

गालातीयापा 4:6

खेक्‍या से धाङ सेमो झ्‍येरी, को़न्‍क्षोक राङगी सेगी थुक्‍ङी, होरी सेमला ताङा जेपालाक धेनी होदेगी “आब्‍बा, याप” ॱनेरी भो़लालाक।

एफीसुपा 2:18

घीझ्‍येरी ॱनाना मास्‍यीकागी थोक्‍ने, होराङ ॱङीगारा धाम्‍पे थुक्‍ङी च्‍यीकगी गोने यापगी डुङदु डो थुप्‍कीन झ्‍युवालाक।

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।

ईब्‍रीपा 5:2

धेनी खो खोराङ थापक्‍योवा हो़गीन झ्‍येरी, हुरे ॱमेस्‍येगीन धाङ लाम नोरना मीक्‍यामुला ज्‍याबोमा ढेवा झ्‍यी थुक्‍वालाक।

याकोब 4:3

खेक्‍याई घी श्‍यी़गीनगो ॱमेथोबालाक घीझ्‍येरी ॱनाना खेक्‍या राङगी दो़क्षाक खाङयेला, सेम्‍बा ङेन्‍पे गोने श्‍योवा पुलालाक।