रोमापा 8:2 - ॱलोवा

² घीझ्‍येरी ॱनाना छे ॱनाङगीन धाम्‍पे थुक्‍ङीगी वाङगी, मास्‍यीका येशुगी थोक्‍ने, खेक्‍याला धीक्‍पा धाङ छीवागी वाङने थारपा जे हो़तालाक।

रोमापा 8:2 Iomraidhean Croise

योहान्‍ना 4:10

येशुगी मोला सुवालाक, “ख्‍यी़ को़न्‍क्षोकगी ॱनाङज्‍यीन धाङ ख्‍यो़ला ‘क्षु तेरोझ्‍यी’ ॱनागीनगो सु हीन्‍गीनगो स्‍येहो़ना, ख्‍यी़ खोङला श्‍यी़ हो़टो धेनी खोङगी ख्‍यो़ला सो़न्‍पो क्षुगो ॱनाङ हो़टो।”

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

योहान्‍ना 6:63

छे ॱनाङगीनगो थुक्‍ङी लाक, ली़ने फेन्‍थोक घीया मेतालाक। ङी ॱनागीन कागो थुक्‍ङी धाङ छे हीन।

योहान्‍ना 8:32

धेनी धेन्‍पागो खीकी स्‍येगीलाक धेनी धेन्‍पागी खेक्‍याला राङवाङ जेगीलाक।”

योहान्‍ना 8:36

होझ्‍येरी सेगी खेक्‍याला राङवाङ जेना, खेक्‍याला ॱङोन्‍ने राङवाङ थोप्‍कीलाक।

रोमापा 16:3

धेनी मास्‍यीका येशुगी नाङ, ङी लेरोक पीरीस्‍का धाङ आकुलाला छाम्‍डी श्‍यी़।

रोमापा 3:27

धा ॱहाना होराङ घीन्‍गी कोरला, ङोम्‍सो झ्‍यीगुलाक से? ङोम्‍सो झ्‍यीये घीयाः मेतालाक। क्षो़ठीम घारेगी झ्‍येरी लाक से? लेगा झ्‍यीघोये क्षो़ठीमगी झ्‍येरी ले? मालाक हीना, होरी धेपागी झ्‍येरी लाक।

रोमापा 5:21

होझ्‍येरी छीवागी थोक्‍ने, धीक्‍पागी वाङ झ्‍यीगीन च्‍योक्‍रे, ढाङतेनगी थोक्‍ने होरी चोवो येशु मास्‍यीकागी थोक्‍ने, थामेपे छेसोक ॱनाङयेला थुक्‍जेगीयाः वाङ झ्‍यीदालाक।

रोमापा 6:14

धा धीक्‍पागी खेक्‍याला वाङ झ्‍यीगीमालाक घीझ्‍येरी ॱनाना खेक्‍या क्षो़ठीमगी वाङ होकदु मेन्‍दा, थुक्‍जेगी वाङ होकदु हो़तालाक।

रोमापा 6:18

धेनी खेक्‍याला को़न्‍क्षोकगी धीक्‍पाने थारपा जेदी, धा खेक्‍या ढाङतेनगी ढेन्‍योक झ्‍युदुक।

रोमापा 6:22

हीना धान्‍दा खेक्‍या धीक्‍पागी वाङने थारपा थोप्‍ती, को़न्‍क्षोकगी ढेन्‍योक झ्‍युङ हो़तालाक। होझ्‍येरी दी फेन्‍थोक नी, खेक्‍या धाम्‍पाला ग्‍युरी हो़तालाक धेनी ढेबुगो थामेपे छेसोक लाक।

रोमापा 7:21

धा ङा शाङागो झ्‍यीङी दो़नाः, ङेन्‍पागो ङी नाङदुराङ ॱनेदुक। होझ्‍येरी मीछेगी डोताङगो ङी थोङी।

रोमापा 7:23

हीना ङी ली़गी नाङ, ठीम श्‍येम्‍मा च्‍यीकगी लेगा झ्‍यीगीनगो ङी थोङी। धेनी दे ङी सेमगी थेगीन ठीममुला थाप्‍ती, ङाला ङी नाङ लेगा झ्‍यीगीन धीक्‍पे वाङगी चो़न्‍पा शी़।

रोमापा 7:4

देरेराङ झ्‍येरी ङी पी़नक्‍याओ, खेक्‍याः मास्‍यीकागी कुली़गी थोक्‍ने, क्षो़ठीमगी क्षीदु स्‍यीवालाक। दे नी खेक्‍या छीवाने कुसो़न्‍पो श्‍याङस्‍या, मी श्‍येम्‍मा याङना मास्‍यीकामुला दुमा स्‍योक ॱनेरी, धेनी होराङक्‍या को़न्‍क्षोकगी क्षीदु ढेबु केलास्‍योक ॱनेरी लाक।

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

१ कोरीन्‍थुपा 15:45

होझ्‍येरी सुङरापला देरे ढीक हो़तालाक, “धाङपो मी आदामगो सो़न्‍पो झ्‍युवालाक।” धेनी थामागी आदामगो छे ॱनाङगीन थुक्‍ङी झ्‍युवालाक।

२ कोरीन्‍थुपा 3:17

धा चोवो नी थुक्‍ङी लाक धेनी चोवोगी थुक्‍ङी घारु श्‍युक्‍यी होदुरु राङवाङ हुङालाक।

२ कोरीन्‍थुपा 3:6

खोङबागी हेक्‍याला धाम्‍चा साबागी श्‍याप्‍तोक्‍पा झ्‍युङयेला, ज्‍यो़न्‍पो जेजुङ। धेनी दे नी, यीगी थोक्‍ने मेन्‍दा हीना धाम्‍पे थुक्‍ङीगी थोक्‍ने लाक घीझ्‍येरी ॱनाना ढीक्‍टा क्षो़ठीमगी मीला छीवागी छेपा कालालाक हीना धाम्‍पे थुक्‍ङीगी छे ॱनाङालाक।

गालातीयापा 2:19

धेनी को़न्‍क्षोकगी क्षीला ङा सो़न्‍पो ॱनेयेला, ङा क्षो़ठीमगी थोक्‍ने स्‍यीसागीन झ्‍येरी, क्षो़ठीमगी गेन घीया खुर मेघोगीलाक।

गालातीयापा 5:1

राङवाङगी क्षीला, मास्‍यीकागी होराङला राङवाङ ॱनावालाक होझ्‍येरी क्षो़ठीमगी ढेन्‍योक होकला ॱमीछी़दा, तेन्‍पो झ्‍येरी धो़क।

गालातीयापा 6:2

च्‍यीकगी श्‍येम्‍मागी खुक्‍या खुर धेनी देरे झ्‍येरीराङ मास्‍यीकागी क्षो़ठीम डुप्‍तु च्‍युक।

याकोब 1:25

हीना राङवाङ ॱनाङगीन याङदाक्‍पे ठीमला श्‍यीप्‍ता, झ्‍यीगीन धाङ तेन्‍पो ॱनेगीन धेनी काला ङेन्‍दी, ज्‍येदी डुगीन मेन्‍दा हीना लाक्‍लेन तारी झ्‍यीगीन मीगोला, खी़ झ्‍यीगीन लेगाला झ्‍यीलाप थोप्‍कीलाक।

ॱङो़न्‍पा 11:11

हीना ङीमा सुम धाङ फे स्‍याम्‍ने, को़न्‍क्षोकने छेसोकगी उपगो खुङक्‍याई नाङला जुवालाक धेनी खुङक्‍या काङबा चुक्‍ती लाङबालाक धेनी खुङक्‍याला थोङगीन घीरीगी, खाला जीक्‍टाक्षे केवालाक।

ॱङो़न्‍पा 22:1

धेनी नाम्‍खे भाङछेनगी ङाला दाङस्‍येल च्‍योक्‍रे, साला हो़गीन छेसोकगी क्षुगी चाङबुगो तो़न्‍दा जेजुङ। धेनी दे नी, को़न्‍क्षोक धाङ लुक्‍टुगी श्‍युक्‍ठीने झ्‍युरी,