रोमापा 8:19 - ॱलोवा

¹⁹ घीझ्‍येरी ॱनाना को़पा घीरी को़न्‍क्षोकगी सेक्‍या ॱङो़न्‍येला, ॱमीच्‍यीकी रेवा क्षे झ्‍येरी घुक्‍ती धे हो़तालाक।

रोमापा 8:19 Iomraidhean Croise

मेथा 5:9

थी़न ढीक्‍कीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍या को़न्‍क्षोकगी से धाङ सेमो ॱनेरी भो़गीलाक।

योहान्‍ना 1:12

हीना खोङबाला खेलेन्‍दी, खोङबागी छेनला धेपा झ्‍यीगीन घीरीला, को़न्‍क्षोकगी से-सेमो झ्‍युङयेगी आङजा ॱनावालाक।

जेपा 3:21

हीना एम्‍माने हाला धाम्‍पा ॱङो़नस्‍येखेनक्‍याई सुङगीन च्‍योक्‍रे, को़न्‍क्षोकने घीरी साबा जेगीन धी़चो़ मायोङ थुक्‍पे, येशु नाम्‍खे श्‍यीङखामदु राङ श्‍युक घोगीलाक।

रोमापा 8:14

घीझ्‍येरी ॱनाना को़न्‍क्षोकगी थुक्‍ङीगी गोठी जेजा घीरी, को़न्‍क्षोकगी से धाङ सेमो लाक।

रोमापा 8:16

धाम्‍पे थुक्‍ङीगी राङ होरी सेममुला, होराङ को़न्‍क्षोकगी से धाङ सेमो हीन्‍गीनगी धेन्‍पाङ जेदालाक।

रोमापा 8:18

ङी साम्‍बाला धान्‍दागी दुङाक्‍या माउपारगी धी़ला, होराङला ॱङो़न्‍ये हीन्‍गीन शीजेमुला दुरना घीया मालाक।

रोमापा 8:23

धेनी को़पा च्‍यीगा मेन्‍दा, होराङ धाम्‍पे थुक्‍ङीगी ढेबु फी़ हो़गीनक्‍याः, को़न्‍क्षोकगी से धाङ सेमु झ्‍युङये धाङ होरी ली़गी थारपागी क्षीला रेवा झ्‍येरी घुक्‍ती धेताराङ, होराङक्‍याः नाङ-नाङने ङ्याङी हो़तालाक।

रोमापा 9:26

धेनी खुङक्‍याला, “‘खेक्‍या ङी मी मालाक’ ॱनेरी ॱनासारुराङ, खुङक्‍याला ‘कुसो़न्‍पो श्‍युक्‍कीन को़न्‍क्षोकगी से धाङ सेमो’ ॱनेरी भो़गीलाक।”

१ कोरीन्‍थुपा 1:7

होझ्‍येरी होरी चोवो येशु मास्‍यीका ॱङो़न्‍सुमदु ज्‍यायेला, खेक्‍या घुक्‍ती धेताराङ खीकी नाङ सेम्‍ङीगी ॱनाङज्‍यीन घीया ॱमेछाङगीन मेयोङगीलाक।

१ कोरीन्‍थुपा 1:8

धेनी होरी चोवो येशु मास्‍यीका धाब्‍ले फेप्‍ये हीन्‍गीन ङीमागोला, खेक्‍या क्‍यो़न मेगीन झ्‍युङयेगी क्षीला, खोङबागी खेक्‍याला था थुक्‍पे तेन्‍पो जेगीलाक।

२ कोरीन्‍थुपा 6:18

धेनी “ङा नी खेक्‍याई याप झ्‍युङयेहीन, धेनी खेक्‍या ङी भु धाङ भोमो झ्‍युङगीलाक, सुरी कुवाङ को़न्‍क्षोकगी सुङी।”

गालातीयापा 3:26

घीझ्‍येरी ॱनाना मास्‍यीका येशुला धेपा झ्‍येरी, खेक्‍या घीरी को़न्‍क्षोकगी से धाङ सेमो लाक।

फीलीप्‍पीपा 1:20

ङी सेम नाङगी दो़पा धाङ रेवा नी, ङाला ङोजा पाप्‍कीन घाने मीझ्‍युङवा, हीना ॱङीङक्षे झ्‍युरी सो़न्‍पो याङना छीवा हो़ना, ङी ली़ नाङ च्‍योक्‍ई च्‍योक्‍रे, धान्‍दा मास्‍यीकागी घुस्‍याप झ्‍युङये लाक।

कोलोसेपा 3:4

धेनी खेक्‍याई छेसोक हीन्‍गीन मास्‍यीका ॱङो़न्‍दी घाङला, खेक्‍याः खोङबामुला शीजे नाङदु ॱङो़न्‍गीलाक।

ईब्‍रीपा 12:27

“धोराङाः थेङ च्‍यीक” सुङगीन का दी, को़पागी नाङ हो़गीन घु-घु ताङ थुक्‍कीन घीरी मेताला जेगीलाक धेनी घु-घु ताङ ॱमीथुक्‍कीनक्‍या ॱनेगीलाक।

१ पेटो 1:13

होझ्‍येरी खेक्‍या राङगी सेम डाढीक झ्‍यी धेनी चाङजे झ्‍येरी धो़क। धेनी येशु मास्‍यीका ॱङो़न्‍दी घाङला, खेक्‍याला ॱनाङये हीन्‍गीन थुक्‍जे गोला रेवा छाङगो झ्‍येरी धो़क।

१ पेटो 1:7

देक्‍या नी, खीकी धेपा ॱङोन्‍ने हीन्‍गीनगी पाङपो तो़न्‍ये धाङ येशु मास्‍यीका ॱङो़न्‍दी घाङला, खेक्‍याला तो़पा धाङ शीजे धाङ कुरती थोप्‍ये क्षीदु हुङालाक। पेला ताना मेताला डोगीन सेरक्‍या, मेला ॱराक्‍ती चाङा शोवालाक हीना खेक्‍याई धेपा सेर ले चाक्षे लाक।

१ योहान्‍ना 3:1

तो़दाङ, यापगी होराङला ॱनाङगीन झाम्‍पा ॱमीच्‍यीकी क्षे राक्‍ती, होराङ खोङबागी से धाङ सेमो भो़घो झ्‍युवालाक। धेनी हीन्‍येगोवा ॱङोन्‍ने लाक। होझ्‍येरी जीक्‍तेनगी खोङबाला ङो ॱमेस्‍येगीन झ्‍येरी, होराङला ङो ॱमेस्‍येलालाक।

१ योहान्‍ना 3:2

चेवे रोवाक्‍याओ, धान्‍दा होराङ को़न्‍क्षोकगी से धाङ सेमो लाक धेनी होराङ घी हुङये हीन्‍गीनगो धान्‍दा थुक्‍पे, ॱमाङो़न हो़तालाक। हीना मास्‍यीका ॱङो़न्‍दी घाङला, होराङ खोङबा च्‍योक्‍रे झ्‍युङगीलाक ॱनेरी, होराङ स्‍येलालाक घीझ्‍येरी ॱनाना खोङबा घारे हो़गीनला राङ, होरी खोङला ज्‍यागीलाक।

ॱङो़न्‍पा 21:7

ग्‍यागीनगोला, दे दो़न घीरीगी ग्‍युज्‍यीन थोप्‍कीलाक धेनी ङा खी़ को़न्‍क्षोक झ्‍युङयेहीन धेनी खो ङी भीजा झ्‍युङगीलाक।