रोमापा 8:15 - ॱलोवा

¹⁵ याङ जीक्‍नाङगी नाङ छी़येला, खेक्‍याला ढेन्‍योकगी सेम थोप्‍पा मालाक हीना खेक्‍याला को़न्‍क्षोकगी से धाङ सेमो झ्‍युङयेगी थुक्‍ङी थोप हो़तालाक। धेनी खोङगी थोक्‍ने होराङ “आब्‍बा, याप।” ॱनेरी भो़ली घाङला,

रोमापा 8:15 Iomraidhean Croise

मेथा 25:25

होझ्‍येरी ङा जीक्‍जुङ धेनी ङी सोरी खेराङगी टाङगागो साई होकला बेरी श्‍याक्‍पी। धा खेराङगी हीन्‍गीनगो खेराङ लेन्‍रो झ्‍यी।’

मारकु 14:36

खोङबागी सुवालाक, “याप पाला, खेराङगी घीरी जे थुप्‍कीलाक। दुक्‍पुगी फोरा दे ङाने ॱहाला खेरा जेरोनाङ। हीना ङी दो़पा च्‍योक्‍रे मेन्‍दा, खेराङगी दो़पा च्‍योक्‍रे हुङास्‍योक।”

लुका 11:2

खोङबागी खुङक्‍याला सुवालाक, “खेक्‍या सोवा धेवी घाङला देरे श्‍यी़ ‘के याप, खेराङगी छेन धाम्‍पा ॱरुङवास्‍योक, खेराङगी ग्‍यासी हुङवास्‍योक।

लुका 22:42

“ङी याप खेराङगी थुकोङ हो़ना, दे दुक्‍पुगी फोरा दे ङाने ॱहाला ॱनुमा जे। हीना ङी दो़पा मेन्‍दा खेराङगी थुकोङ डुपास्‍योक।”

लुका 8:28

होदेगी येशुला थोरी फेरा ग्‍याप्‍ती, खोङबागी दोङदु छाक छावालाक धेनी केक ग्‍याप्‍ती ॱनेवालाक, “ॱलानामेपे को़न्‍क्षोकगी से येशु, ङीमुला खेराङगी ढेवा घी हेतो? ङाला दुक्‍पु ताङा माजे ॱनेरी, ङा खेराङला श्‍योवा पुलाहीन।”

लुका 8:37

धेनी गेरासेनेगी ॱये-ॱयो़नगी यु घीरीगी मीक्‍याई, येशुला खोराङक्‍याई युने लोक्‍ती फेवा जे ॱनेरी श्‍योवा पुवालाक घीझ्‍येरी ॱनाना खुङक्‍या ॱमीच्‍यीकी जीक्‍पालाक। होझ्‍येरी येशु डुला श्‍यो़न्‍दी लोक्‍ती फेप्‍पालाक।

योहान्‍ना 16:8

धेनी खोङबा फेई घाङला, खोङगी जीक्‍तेनगी मीक्‍याला धीक्‍पा धाङ ढाङतेन धाङ ठीम्‍चो़गी कोरला, खुङक्‍याई सामस्‍यीगी क्‍यो़नगो तो़न्‍दा जेगीलाक।

योहान्‍ना 20:17

येशुगी मोला सुवालाक, “धान्‍दा थुक्‍पे ङा यापगी डुङदु ॱमाफाक्‍पा, ङाला माशीम। हीना ङी पी़नक्‍याचारु सोरी, खुङक्‍याला, ‘ङा नी ङाराङगी याप धाङ खेक्‍याई याप धेनी ङी को़न्‍क्षोक धाङ खेक्‍याई को़न्‍क्षोक चारु डी़हो़क’ ॱनेरी स्‍यो़क।”

जेपा 16:29

दे ॱहाघोरती चो़न्‍खाङ ॱरुङगीन घोरेगी़ क्‍युङ पोर ॱनेरी, भाङ तारी नाङदु सोवालाक। धेनी जीक्‍टागी शु दारी-दारी, खो पाउलु धाङ सीलवानुगी दोङदु क्षाक क्षावालाक।

जेपा 2:37

पेटोगी ॱनागीन लाब ॱहाघोरती मीक्‍याई सेम कीदा माझ्‍युवालाक। धेनी खुङक्‍याई पेटो धाङ श्‍येम्‍मा कुछापक्‍याला ढीवालाक, “पी़नक्‍याओ, देरे हीन्‍ना धा हेक्‍या घी झ्‍यीये?”

रोमापा 8:16

धाम्‍पे थुक्‍ङीगी राङ होरी सेममुला, होराङ को़न्‍क्षोकगी से धाङ सेमो हीन्‍गीनगी धेन्‍पाङ जेदालाक।

रोमापा 8:23

धेनी को़पा च्‍यीगा मेन्‍दा, होराङ धाम्‍पे थुक्‍ङीगी ढेबु फी़ हो़गीनक्‍याः, को़न्‍क्षोकगी से धाङ सेमु झ्‍युङये धाङ होरी ली़गी थारपागी क्षीला रेवा झ्‍येरी घुक्‍ती धेताराङ, होराङक्‍याः नाङ-नाङने ङ्याङी हो़तालाक।

रोमापा 8:26

देरेराङ झ्‍येरी धाम्‍पे थुक्‍ङीगी होराङ क्‍योवा घाङला, रोक्‍राम जेदालाक। होराङक्‍याई ॱमो़लाम घाङगी झ्‍येरी श्‍यु घोयेगो, होराङ ॱमेस्‍येलालाक हीना धाम्‍पे थुक्‍ङी राङगी छीकला ॱना ॱमीथुक्‍कीन, उला होरी क्षीदु श्‍योवा पुला जेदालाक।

रोमापा 9:4

खुङक्‍या नी, ईस्‍राएल्‍पाक्‍या लाक धेनी को़न्‍क्षोकगी राङगी से धाङ सेमो झ्‍युङयेला दाम्‍दाक्‍या लाक। खोङबागी राङगी शीजे खुङक्‍याला ॱङो़न जेपालाक। धेनी खुङक्‍यामुला धाम्‍चा श्‍या जेदी, खुङक्‍याला क्षो़ठीम ॱनाङा जेपालाक। धेनी खोङबागी खुङक्‍याला क्षो़खाङ नाङ क्षाक्‍क्षो़पा पुये धाङ उ ॱना श्‍येस्‍याक्‍या ॱनावालाक।

१ कोरीन्‍थुपा 2:12

धा हेक्‍याला थोप्‍था सेम्‍ङी नी, जीक्‍तेनगी मालाक हीना को़न्‍क्षोकगी थुक्‍जेगी थोक्‍ने, हेक्‍याला ॱनाङना दो़न घीरी ॱहाघोरास्‍योक ॱनेरी, को़न्‍क्षोकने धाम्‍पे थुक्‍ङी थोप्‍पालाक।

२ कोरीन्‍थुपा 11:4

घीझ्‍येरी ॱनाना मी रीङगा होरी हीकी सेटाक झ्‍येजा, येशु मेन्‍दा श्‍येम्‍मा च्‍यीक सेटाक झ्‍यीना याङना खेक्‍याई थोप्‍था थुक्‍ङी मेन्‍दा, सेम्‍ङी श्‍येम्‍मा खेक्‍याई खेलेन्‍ना याङना खेक्‍याला थोप्‍था ताम्‍शाङने श्‍येम्‍मा ताम्‍शाङ खेक्‍याई खेलेन्‍ना, खेक्‍या दे घीरीगी होकला लेल्‍हामोमा छी़दालाक।

गालातीयापा 2:4

घीझ्‍येरी ॱनाना हेक्‍याई खोकला मास्‍यीकावा शोक्‍पो रीङगा सारी जुरी, मास्‍यीकाने होराङला हो़गीन राङवाङगोला सोवा ग्‍याप्‍तु होरी, होराङला क्षो़ठीमगी वाङला स्‍योरतु च्‍युक्‍ये थापस्‍यी झ्‍यीदीक।

गालातीयापा 5:1

राङवाङगी क्षीला, मास्‍यीकागी होराङला राङवाङ ॱनावालाक होझ्‍येरी क्षो़ठीमगी ढेन्‍योक होकला ॱमीछी़दा, तेन्‍पो झ्‍येरी धो़क।

एफीसुपा 1:5

को़न्‍क्षोकगी थुकोङ धाङ घावाला तेन्‍ती, येशु मास्‍यीका थोक्‍ने, खोङबागी होराङला राङगी से धाङ सेमो झ्‍युङयेला, एम्‍माने झाम्‍पागी थोक्‍ने थाक्‍चो़ जेपालाक।

२ तीमोथेउ 1:7

घीझ्‍येरी ॱनाना को़न्‍क्षोकगी होराङला ॱङीङ च्‍युङागी सेम्‍ङी मेन्‍दा, नी़थु धाङ झाम्‍पा धाङ राङ छो़ शीम्‍गीनगी सेम्‍ङी ॱनाङ हो़तालाक।

याकोब 2:19

खेक्‍या को़न्‍क्षोक च्‍यीकराङ हीन ॱनेरी, धेपा झ्‍यीदालाक धेनी दे घा लाक। डेक्‍याः धेपा झ्‍यीदालाक धेनी जीक्‍ती दारालाक।

१ योहान्‍ना 4:18

झाम्‍पा नाङ जीक्‍टा मेयोङालाक हीना याङदाक्‍पा झाम्‍पागी जीक्‍टा सेलालाक घीझ्‍येरी ॱनाना जीक्‍टागी ढेवा ङेपामुला हुङालाक। जीक्‍टा झ्‍यीगीनगी नाङ झाम्‍पा छाङगो मेयोङालाक।