रोमापा 8:14 - ॱलोवा

¹⁴ घीझ्‍येरी ॱनाना को़न्‍क्षोकगी थुक्‍ङीगी गोठी जेजा घीरी, को़न्‍क्षोकगी से धाङ सेमो लाक।

रोमापा 8:14 Iomraidhean Croise

मेथा 5:9

थी़न ढीक्‍कीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍या को़न्‍क्षोकगी से धाङ सेमो ॱनेरी भो़गीलाक।

योहान्‍ना 1:12

हीना खोङबाला खेलेन्‍दी, खोङबागी छेनला धेपा झ्‍यीगीन घीरीला, को़न्‍क्षोकगी से-सेमो झ्‍युङयेगी आङजा ॱनावालाक।

रोमापा 8:19

घीझ्‍येरी ॱनाना को़पा घीरी को़न्‍क्षोकगी सेक्‍या ॱङो़न्‍येला, ॱमीच्‍यीकी रेवा क्षे झ्‍येरी घुक्‍ती धे हो़तालाक।

रोमापा 8:5

धीक्‍पे राङश्‍यीला तेन्‍दी छोवा क्‍यागीनक्‍याई, धीक्‍पागी दो़नक्‍याला साम्‍लो ताङालाक हीना धाम्‍पे थुक्‍ङीला तेन्‍दी छोवा क्‍यागीनक्‍याई, थुक्‍ङीगी दो़नक्‍याला साम्‍लो ताङालाक।

रोमापा 8:9

धा ॱङोन्‍ने को़न्‍क्षोकगी थुक्‍ङी खेक्‍याई नाङ श्‍युक हो़ना, खेक्‍या धीक्‍पे राङश्‍यीगी नाङ मेयोङालाक हीना धाम्‍पे थुक्‍ङीगी नाङ हुङालाक। धेनी मास्‍यीकागी थुक्‍ङी मेगीनक्‍या सुवाः खोङबागी मालाक।

रोमापा 9:26

धेनी खुङक्‍याला, “‘खेक्‍या ङी मी मालाक’ ॱनेरी ॱनासारुराङ, खुङक्‍याला ‘कुसो़न्‍पो श्‍युक्‍कीन को़न्‍क्षोकगी से धाङ सेमो’ ॱनेरी भो़गीलाक।”

रोमापा 9:8

दी दो़न नी, ली़ने झ्‍युजा टुवाक्‍या को़न्‍क्षोकगी टुवा मेन्‍दा, हीना को़न्‍क्षोकगी धाम्‍चागी थोक्‍ने झ्‍युजा टुवाक्‍या, आब्‍राहामगी रीग्‍यु चीवालाक।

२ कोरीन्‍थुपा 6:18

धेनी “ङा नी खेक्‍याई याप झ्‍युङयेहीन, धेनी खेक्‍या ङी भु धाङ भोमो झ्‍युङगीलाक, सुरी कुवाङ को़न्‍क्षोकगी सुङी।”

गालातीयापा 3:26

घीझ्‍येरी ॱनाना मास्‍यीका येशुला धेपा झ्‍येरी, खेक्‍या घीरी को़न्‍क्षोकगी से धाङ सेमो लाक।

गालातीयापा 4:6

खेक्‍या से धाङ सेमो झ्‍येरी, को़न्‍क्षोक राङगी सेगी थुक्‍ङी, होरी सेमला ताङा जेपालाक धेनी होदेगी “आब्‍बा, याप” ॱनेरी भो़लालाक।

गालातीयापा 5:16

हीना ङा ॱनाहीन, धाम्‍पे थुक्‍ङीने मीछे क्‍यो धेनी ख्‍यी़ खेरी ली़गी दो़पाक्‍या डुप्‍तु च्‍युक्‍कीमालाक।

गालातीयापा 5:18

हीना खेक्‍या धाम्‍पे थुक्‍ङीगी थोक्‍ने ठीया जेना, खेक्‍या क्षो़ठीमगी वाङगी होकदु मेतालाक।

एफीसुपा 1:5

को़न्‍क्षोकगी थुकोङ धाङ घावाला तेन्‍ती, येशु मास्‍यीका थोक्‍ने, खोङबागी होराङला राङगी से धाङ सेमो झ्‍युङयेला, एम्‍माने झाम्‍पागी थोक्‍ने थाक्‍चो़ जेपालाक।

एफीसुपा 5:9

(घीझ्‍येरी ॱनाना हो़गी ढेबुक्‍या नी, शाङा धाङ ढाङा धाङ धेन्‍पा हीन्‍गीन घीरी नाङ थोवालाक।)

१ योहान्‍ना 3:1

तो़दाङ, यापगी होराङला ॱनाङगीन झाम्‍पा ॱमीच्‍यीकी क्षे राक्‍ती, होराङ खोङबागी से धाङ सेमो भो़घो झ्‍युवालाक। धेनी हीन्‍येगोवा ॱङोन्‍ने लाक। होझ्‍येरी जीक्‍तेनगी खोङबाला ङो ॱमेस्‍येगीन झ्‍येरी, होराङला ङो ॱमेस्‍येलालाक।

१ योहान्‍ना 3:24

को़न्‍क्षोकगी का ॱरुङगीनगो, खोङगी नाङ ॱनेलालाक धेनी खोङबाः खी़ नाङ श्‍युक्‍वालाक। धेनी खोङबा होरी नाङदु श्‍युक्‍कीनगो, खोङगी ॱनाङना धाम्‍पे थुक्‍ङीगी थोक्‍ने होरी स्‍येलालाक।

ॱङो़न्‍पा 21:7

ग्‍यागीनगोला, दे दो़न घीरीगी ग्‍युज्‍यीन थोप्‍कीलाक धेनी ङा खी़ को़न्‍क्षोक झ्‍युङयेहीन धेनी खो ङी भीजा झ्‍युङगीलाक।