रोमापा 8:1 - ॱलोवा

¹ होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

रोमापा 8:1 Iomraidhean Croise

योहान्‍ना 14:20

होदे ङीमागोला, ङा याप नाङ हो़गीन धाङ खेक्‍या ङी नाङ हो़गीन धेनी ङा खेक्‍याई नाङ हो़गीनगो खेक्‍याई स्‍येगीलाक।

योहान्‍ना 15:4

ङी नाङ ॱने धेनी ङा खेक्‍या नाङ ॱनेलाहीन। याक्‍का नी घुन्‍डुम स्‍यीङदोङला ॱमेनेना, राङस्‍यीनगी ढेबु ॱमेकेगीन च्‍योक्‍रे, खेक्‍याः ङी नाङ ॱमेनेना, ढेबु क्षाक ॱमीथुक्‍वालाक।

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

रोमापा 16:3

धेनी मास्‍यीका येशुगी नाङ, ङी लेरोक पीरीस्‍का धाङ आकुलाला छाम्‍डी श्‍यी़।

रोमापा 16:7

ङी पी़न्‍दा धाङ ङी चो़न्‍रोक हीन्‍गीन, एन्‍डोनीकु धाङ युनीयाला छाम्‍डी श्‍यी़। खुङक्‍या कुछापक्‍याई नाङ केटाक्‍क्षे हो़तालाक धेनी ङाने एन्‍ला मास्‍यीकावा झ्‍युवालाक।

रोमापा 5:1

होझ्‍येरी धेपागी गोने होराङ ढाङपो चीचा झ्‍येरी, होराङ होरी चोवो येशु मास्‍यीकागी थोक्‍ने, को़न्‍क्षोकमुला दुम्‍पालाक।

रोमापा 5:16

धेनी को़न्‍क्षोकगी ॱनाङज्‍यीनगो मी च्‍यीकगी धीक्‍पागी ढेबु च्‍योक्‍रे मालाक। घीझ्‍येरी ॱनाना मी च्‍यीकगी धीक्‍पा झ्‍येरी ठीम्‍चो़गो ॱनावालाक धेनी होराङला छेपा फोक्‍पालाक हीना होरी धीक्‍पा ॱमीच्‍यीकी माङा झ्‍येहो़नाः, को़न्‍क्षोकगी ॱनाङज्‍यीनगी होराङला खोङगी डुङदु ढाङपो चीवालाक।

रोमापा 7:17

होझ्‍येरी होदे झ्‍यीगीनगो ङाराङ मेन्‍दा, हीना ङी नाङदु ॱनेगीन धीक्‍पागी ङाला होदे झ्‍यीदु च्‍युक्‍वालाक।

रोमापा 7:20

धा ङी मेदो़गीनगो ङी झ्‍यीना, होदे झ्‍यीगीनगो ङा मालाक हीना ङी नाङ ॱनेगीन धीक्‍पागी झ्‍यीदालाक।

रोमापा 8:11

धेनी येशुला छीवाने कुसो़न्‍पो जेगीनगी थुक्‍ङी खेक्‍याई नाङ श्‍युक हो़ना, मास्‍यीका येशुला छीवाने कुसो़न्‍पो जेगीनगी खेक्‍याई नाङ श्‍युक्‍कीन, धाम्‍पे थुक्‍ङीगी थोक्‍ने खीकी छीवागी ली़लाः छेसोक ॱनाङगीलाक।

रोमापा 8:14

घीझ्‍येरी ॱनाना को़न्‍क्षोकगी थुक्‍ङीगी गोठी जेजा घीरी, को़न्‍क्षोकगी से धाङ सेमो लाक।

रोमापा 8:2

घीझ्‍येरी ॱनाना छे ॱनाङगीन धाम्‍पे थुक्‍ङीगी वाङगी, मास्‍यीका येशुगी थोक्‍ने, खेक्‍याला धीक्‍पा धाङ छीवागी वाङने थारपा जे हो़तालाक।

रोमापा 8:34

धा ॱहाना होराङला सी़ ठीम्‍चो़ झ्‍यीगीले? सी़या झ्‍यीगीमालाक। घीझ्‍येरी ॱनाना मास्‍यीका येशु नी, होरी क्षीदु ढोङा जेपालाक। धेनी याङ कुसो़न्‍पो श्‍याङा जेपालाक धेनी खोङ को़न्‍क्षोकगी क्षाक ॱयेरु श्‍युक्‍वा जेदी, होरी क्षीदु श्‍योवा पुली हो़तालाक।

रोमापा 8:4

दे नी, होराङ धीक्‍पे राङश्‍यीला तेन्‍दी मेन्‍दा हीना धाम्‍पे थुक्‍ङीला तेन्‍दी छोवा क्‍यागीनक्‍याई, क्षो़ठीमगी ढाङपो चीगीनगो ताक-ताक झ्‍यीदास्‍योक ॱनेरी, को़न्‍क्षोकगी जेपालाक।

रोमापा 8:9

धा ॱङोन्‍ने को़न्‍क्षोकगी थुक्‍ङी खेक्‍याई नाङ श्‍युक हो़ना, खेक्‍या धीक्‍पे राङश्‍यीगी नाङ मेयोङालाक हीना धाम्‍पे थुक्‍ङीगी नाङ हुङालाक। धेनी मास्‍यीकागी थुक्‍ङी मेगीनक्‍या सुवाः खोङबागी मालाक।

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

१ कोरीन्‍थुपा 15:22

आदामगी थोक्‍ने मी घीरी ढोङगीन च्‍योक्‍रे, मास्‍यीकागी थोक्‍ने घीरी सो़न्‍पो जेगीलाक।

२ कोरीन्‍थुपा 12:2

लो च्‍युपश्‍यी एन्‍ला नाम्‍खे श्‍यीङखाम सुम्‍बारु ठीक्‍ठा, मास्‍यीकाला धेपा झ्‍यीगीन मी च्‍यीक ङी ङोस्‍येलीहो़क। खो ली़ला याङना सेम्‍ङीला ठीक्‍कीनगो, ङी मेस्‍येहो़क हीना को़न्‍क्षोक खेन जेदालाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

गालातीयापा 3:13

मास्‍यीकागी होरी छापला छेपा झ्‍युरी, होराङला क्षो़ठीमगी छेपाने ॱली़वालाक, घीझ्‍येरी ॱनाना “स्‍यीङ खाला क्‍याङगीन घीरी छेपा फोक्‍पालाक।” ॱनेरी ढीक हो़तालाक।

गालातीयापा 3:26

घीझ्‍येरी ॱनाना मास्‍यीका येशुला धेपा झ्‍येरी, खेक्‍या घीरी को़न्‍क्षोकगी से धाङ सेमो लाक।

गालातीयापा 3:28

धा देने ॱहाला खेक्‍या याहुदापा धाङ गीरीक, ढेन्‍योक धाङ राङवाङ हो़गीन धेनी फो धाङ मो ॱनेरी ॱयेवा मेन्‍दा, मास्‍यीका येशुगी थोक्‍ने घीरी च्‍यीक्‍पा लाक।

गालातीयापा 5:16

हीना ङा ॱनाहीन, धाम्‍पे थुक्‍ङीने मीछे क्‍यो धेनी ख्‍यी़ खेरी ली़गी दो़पाक्‍या डुप्‍तु च्‍युक्‍कीमालाक।

गालातीयापा 5:25

धा होराङ धाम्‍पे थुक्‍ङी थोक्‍ने मीछे क्‍याना, धाम्‍पे थुक्‍ङीला थी़न्‍दी डो घो़गुलाक।

एफीसुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने, येशु मास्‍यीकाला धेपा झ्‍यीगीन एफीसु ग्‍याजारु हो़गीन धाम्‍पे मीक्‍याला;

फीलीप्‍पीपा 3:9

धेनी ङा खोङगी नाङ ॱने थुवास्‍योक। क्षो़ठीमला तेन्‍दी झ्‍युङगीन, ङी ङाराङगी ढाङतेन मेन्‍दा हीना धेपागी थोक्‍ने, को़न्‍क्षोकने थोप्‍कीन ढाङतेन दे, ङी मास्‍यीकाला धेपा झ्‍येरी थोप्‍पालाक।