रोमापा 7:8 - ॱलोवा

⁸ हीना धीक्‍पागी कागी गोने घोकाप जोरती, ङी सेमला ॱहाम्‍बा ॱनाछोक केरु च्‍युक्‍पालाक। क्षो़ठीम मेना धीक्‍पा स्‍यीस्‍या च्‍योक्‍रे लाक।

रोमापा 7:8 Iomraidhean Croise

मारकु 7:22

लोक्‍येम धाङ ॱहाम्‍बा धाङ ङेन्‍पा धाङ गोकोर धाङ दो़छाक धाङ ठादोक धाङ ठामा धाङ ङागेल धाङ ॱलेन्‍पाक्‍या थो़न्‍दालाक।

योहान्‍ना 15:22

“ङा होरी खुङक्‍याला ॱमास्‍ये हो़ना, खुङक्‍याला धीक्‍पागी क्‍यो़न मेक हीना धा खुङक्‍याला खोरी धीक्‍पा माझ्‍येहो़क, ॱनायेगी ग्‍युम्‍जे मेक।

योहान्‍ना 15:24

सी़या माझ्‍येगीन झ्‍यावागो ङी खुङक्‍याई घुङदु माझ्‍ये हो़ना, खुङक्‍याला धीक्‍पागी क्‍यो़न मेक। हीना धान्‍दा खुङक्‍याई ङी झ्‍येजा झ्‍यावा देक्‍या थोरीया, खुङक्‍याई ङा धाङ ङी यापला दाङा झ्‍येवालाक।

रोमापा 3:20

होझ्‍येरी क्षो़ठीमगी लेगाने सुवा, को़न्‍क्षोकगी डुङदु ढाङपो चीगीमालाक। हीना क्षो़ठीमगी थोक्‍ने होरी, धीक्‍पा झ्‍यीगीनगो स्‍येरु च्‍युक्‍वालाक।

रोमापा 4:15

घीझ्‍येरी ॱनाना क्षो़ठीमगी थुक्‍ठो़ खेरती हुङालाक। धेनी क्षो़ठीम मेसारु, क्षो़ठीम ॱमीचीगीन लेगागोवाः मेयोङालाक।

रोमापा 5:20

धीक्‍पा फेरु च्‍युक्‍येगी क्षीदु क्षो़ठीम ॱनावालाक। हीना धीक्‍पा फेसारु, को़न्‍क्षोकगी थुक्‍जे ॱयोल्‍ले माङा फेवालाक।

रोमापा 7:11

घीझ्‍येरी ॱनाना धीक्‍पागी कागी गोने घुकाप जोरती, ङाला गोकोर ताङजुङ धेनी कागी थोक्‍ने ङाला सेजुङ।

रोमापा 7:13

धा ॱहाना शाङपो हीन्‍गीन क्षो़ठीमगी, ङाला छीवा खेरती होवालाक से? देरे फुक्‍की मालाक। हीना धीक्‍पागो धीक्‍पा लाक ॱनेरी ङोस्‍येरु च्‍युक्‍येगी क्षीला, शाङा हीन्‍गीनगो भेचो़ झ्‍येरी धीक्‍पागी ङाला सेपालाक। धेनी होझ्‍येरी कागी थोक्‍ने, धीक्‍पागो ॱयोल्‍ले छाप्‍क्षे धीक्‍पा तो़न्‍बालाक।

रोमापा 7:17

होझ्‍येरी होदे झ्‍यीगीनगो ङाराङ मेन्‍दा, हीना ङी नाङदु ॱनेगीन धीक्‍पागी ङाला होदे झ्‍यीदु च्‍युक्‍वालाक।

रोमापा 7:9

एम्‍मा थेङ च्‍यीक ङा क्षो़ठीमने डारी, सो़न्‍पो धे हो़तालाक हीना कागो ॱलेप्‍ती धीक्‍पागो सो़न्‍पो झ्‍युजुङ।

१ कोरीन्‍थुपा 15:56

छीवागी दुङ नी धीक्‍पा लाक धेनी धीक्‍पागी वाङ नी क्षो़ठीम लाक।