रोमापा 7:7 - ॱलोवा

⁷ धा ॱहाना हेक्‍या घी ॱनाये? क्षो़ठीमगो धीक्‍पा लाक से? फुक्‍की मालाक। क्षो़ठीमगो मेना, ङी धीक्‍पा घी हीन्‍गीनगो ङोस्‍येये मेक। घीझ्‍येरी ॱनाना “ख्‍यी़ ॱहाम्‍बा माझ्‍यी।” ॱनेरी क्षो़ठीमगी ॱमाने हो़ना, ॱहाम्‍बा झ्‍यीयेगो घी ले ॱनेरी ङी स्‍येयेमेक।

रोमापा 7:7 Iomraidhean Croise

मेथा 5:28

हीना ङा खेक्‍याला ॱनाहीन, दो़छाकगी सेमने भोमो च्‍यीकला ताना, खी़ खोरी सेम नाङदुराङ भोमो देमुला लोक्‍येम झ्‍येसारालाक।

लुका 12:15

खोङबागी होदेक्‍याला सुवालाक, “शाप-शाप झ्‍यी, ॱहाबा झ्‍यीगीन लेगाक्‍याने च्‍याङजे झ्‍येरी धो़क, घीझ्‍येरी ॱनाना मीगी मीछे खोरी ग्‍यु माङा हो़गीनला च्‍यीगा रा मीली़लालक।”

लुका 20:16

खो होरी खुङक्‍याला सेगीलाक धेनी दुम्‍रागो श्‍येम्‍माक्‍याला तेरकीलाक।” मीक्‍याई होदे घोरती ॱनेवालाक, “देरे नामाः माझ्‍युङास्‍योक।”

जेपा 20:33

ङी मी सी़याः सेर धाङ ॱङु धाङ घोलाकगी दो़पा माझ्‍ये।

रोमापा 13:9

“ख्‍यो़ लोक्‍येम माझ्‍यी धेनी ख्‍यो़ ॱरोक ॱमाचे धेनी ख्‍यो़ कुमा ॱमाकु धेनी ख्‍यो़ ॱहाम्‍बा माझ्‍यी।” दे काक्‍या माना श्‍येम्‍मा का हो़गीन घीरी, “ख्‍यी़ राङगी खीम्‍चेला राङला च्‍योक्‍रे झाम्‍पा झ्‍यी।” ॱनागीन का दी नाङला छी़दालाक।

रोमापा 3:20

होझ्‍येरी क्षो़ठीमगी लेगाने सुवा, को़न्‍क्षोकगी डुङदु ढाङपो चीगीमालाक। हीना क्षो़ठीमगी थोक्‍ने होरी, धीक्‍पा झ्‍यीगीनगो स्‍येरु च्‍युक्‍वालाक।

रोमापा 3:5

हीना होरी मेढाङा झ्‍यीगीन लेगाक्‍याई, को़न्‍क्षोकगी ढाङतेन सावो तो़न्‍ना, होराङ घी ॱनाये? को़न्‍क्षोकगी होरी खाला थुक्‍ठो़ जेगीनगोला, खोङ मेढाङा दुक ॱनेरी ॱनाये? (ङा मीगी क्षा श्‍याक्‍ती ॱनाहीन।)

रोमापा 4:1

धा ॱहाना ली़गी छाने, हीकी मेमे आब्‍राहामगी कोरला घी ॱनागुलाक से? दो़न दी, कोरला खोङला घी थोप हो़टी़?

रोमापा 4:15

घीझ्‍येरी ॱनाना क्षो़ठीमगी थुक्‍ठो़ खेरती हुङालाक। धेनी क्षो़ठीम मेसारु, क्षो़ठीम ॱमीचीगीन लेगागोवाः मेयोङालाक।

रोमापा 5:20

धीक्‍पा फेरु च्‍युक्‍येगी क्षीदु क्षो़ठीम ॱनावालाक। हीना धीक्‍पा फेसारु, को़न्‍क्षोकगी थुक्‍जे ॱयोल्‍ले माङा फेवालाक।

रोमापा 6:15

धा ॱहाना घी? होराङ क्षो़ठीमगी वाङ होकदु मेन्‍दा हीना थुक्‍जेगी वाङ होकदु हो़क ॱनेरी, होराङ धीक्‍पा झ्‍यीगुलाक से? देरे फुक्‍की मालाक।

रोमापा 7:11

घीझ्‍येरी ॱनाना धीक्‍पागी कागी गोने घुकाप जोरती, ङाला गोकोर ताङजुङ धेनी कागी थोक्‍ने ङाला सेजुङ।

रोमापा 7:13

धा ॱहाना शाङपो हीन्‍गीन क्षो़ठीमगी, ङाला छीवा खेरती होवालाक से? देरे फुक्‍की मालाक। हीना धीक्‍पागो धीक्‍पा लाक ॱनेरी ङोस्‍येरु च्‍युक्‍येगी क्षीला, शाङा हीन्‍गीनगो भेचो़ झ्‍येरी धीक्‍पागी ङाला सेपालाक। धेनी होझ्‍येरी कागी थोक्‍ने, धीक्‍पागो ॱयोल्‍ले छाप्‍क्षे धीक्‍पा तो़न्‍बालाक।

रोमापा 7:5

घीझ्‍येरी ॱनाना होराङ धीक्‍पे राङश्‍यीला छोवा क्‍याली घाङला, क्षो़ठीमगी झ्‍येरी लाङगीन दो़छाकक्‍याई होरी ली़ला लेगा कुलालाक। दी झ्‍येरी होराङक्‍याई छीवागी क्षीदु ढेबु केवालाक।

रोमापा 7:8

हीना धीक्‍पागी कागी गोने घोकाप जोरती, ङी सेमला ॱहाम्‍बा ॱनाछोक केरु च्‍युक्‍पालाक। क्षो़ठीम मेना धीक्‍पा स्‍यीस्‍या च्‍योक्‍रे लाक।

१ कोरीन्‍थुपा 15:56

छीवागी दुङ नी धीक्‍पा लाक धेनी धीक्‍पागी वाङ नी क्षो़ठीम लाक।

एफीसुपा 5:3

हीना खेक्‍या को़न्‍क्षोकगी धाम्‍पे मीक्‍या झ्‍येरी, खीकी घुङदु दो़लोक धाङ भावा स्‍योरकीन ले ॱना घीरी, याङना ॱनाब्‍सेमक्‍याई मीङ च्‍यीया भेचो़ झ्‍यीये मेतालाक।

कोलोसेपा 3:5

होझ्‍येरी खीकी नाङला हो़गीन लोक्‍येम धाङ ॱमेचाङा धाङ दो़क्षाक धाङ दो़ङेन धाङ कुन्‍डाला क्षो़ये हीन्‍गीन, दो़ङाम च्‍योक्‍रे जीक्‍तेनगी स्‍यीकाक्‍या सो़।

ईब्‍रीपा 7:19

घीझ्‍येरी ॱनाना क्षो़ठीमगी घीयाः फी़न्‍सुम छोक्‍पा माशो़वालाक। हीना देला ल्‍हाक, रेवा शाङा च्‍यीक ॱनाङ हो़तालाक। धेनी दी गोने होराङ, को़न्‍क्षोकगी ङ्येडामला ॱलेवालाक।