रोमापा 7:5 - ॱलोवा

⁵ घीझ्‍येरी ॱनाना होराङ धीक्‍पे राङश्‍यीला छोवा क्‍याली घाङला, क्षो़ठीमगी झ्‍येरी लाङगीन दो़छाकक्‍याई होरी ली़ला लेगा कुलालाक। दी झ्‍येरी होराङक्‍याई छीवागी क्षीदु ढेबु केवालाक।

रोमापा 7:5 Iomraidhean Croise

मेथा 15:19

घीझ्‍येरी ॱनाना सेम नाङने साम्‍लो ङेन्‍पाक्‍या धाङ मी सेये धाङ लोक्‍येम धाङ दो़लोक धाङ कुमा कुये धाङ पाङपो शोक्‍पो तेरये धाङ ॱमेबेप झ्‍यीयेक्‍या थो़न्‍दालाक।

योहान्‍ना 3:6

स्‍याठाकने केक्‍यागो स्‍याठाक लाक धेनी थुक्‍ङीने केक्‍यागो सेम्‍ङी लाक।

रोमापा 1:26

होझ्‍येरी को़न्‍क्षोकगी खुङक्‍याला ङोछागीन दो़छाकगी नाङला भोरती श्‍या जेपालाक। धेनी खुङक्‍याई केवे भोमोक्‍यागीयाः राङश्‍यीगी चो़पा पारी, भोमोक्‍यामुलाराङ लोक्‍येम झ्‍येवालाक।

रोमापा 3:20

होझ्‍येरी क्षो़ठीमगी लेगाने सुवा, को़न्‍क्षोकगी डुङदु ढाङपो चीगीमालाक। हीना क्षो़ठीमगी थोक्‍ने होरी, धीक्‍पा झ्‍यीगीनगो स्‍येरु च्‍युक्‍वालाक।

रोमापा 4:15

घीझ्‍येरी ॱनाना क्षो़ठीमगी थुक्‍ठो़ खेरती हुङालाक। धेनी क्षो़ठीम मेसारु, क्षो़ठीम ॱमीचीगीन लेगागोवाः मेयोङालाक।

रोमापा 5:20

धीक्‍पा फेरु च्‍युक्‍येगी क्षीदु क्षो़ठीम ॱनावालाक। हीना धीक्‍पा फेसारु, को़न्‍क्षोकगी थुक्‍जे ॱयोल्‍ले माङा फेवालाक।

रोमापा 6:13

राङगी ली़गी येन्‍लाक च्‍यीया ङेन्‍पे लाक्‍चा च्‍योक्‍रे, धीक्‍पा झ्‍यीयेला ॱमातेर हीना छीवाने सो़न्‍पोला ठीक्‍ती होवा मीक्‍या च्‍योक्‍रे राङला को़न्‍क्षोकगी डुङदु फी़। धेनी राङगी येन्‍लाकक्‍या घीरी, ढाङतेनगी लेगा झ्‍यीगीन लाक्‍चा च्‍योक्‍रे को़न्‍क्षोकला फी़।

रोमापा 6:19

खेक्‍याई ॱहाघोयेगी नी़पा क्‍योवा झ्‍येरी, ङा खेक्‍याला मीछेगी ङीन्‍रेगी पे तो़न्‍दी ॱनाहीन। खेक्‍याई थेङमा च्‍यीक राङला ॱमेचाङा धाङ ॱयोल्‍ले माङदु-माङदु डोगीन ङेन्‍पागी ढेन्‍योक झ्‍यीयेला तेरकीन च्‍योक्‍रे, धा धान्‍दा राङला धाम्‍पाला ग्‍युरयेगी क्षीदु ढाङतेनगी ढेन्‍योक झ्‍यीयेला फी़।

रोमापा 6:21

धा होदे घाङला झ्‍येजा धान्‍दा खेक्‍या ङोछागीन लेगाक्‍याने, खेक्‍याला घी ढेबु राक्‍सो? होदे लेगाक्‍याई ढेबु नी छीवा लाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

रोमापा 7:23

हीना ङी ली़गी नाङ, ठीम श्‍येम्‍मा च्‍यीकगी लेगा झ्‍यीगीनगो ङी थोङी। धेनी दे ङी सेमगी थेगीन ठीममुला थाप्‍ती, ङाला ङी नाङ लेगा झ्‍यीगीन धीक्‍पे वाङगी चो़न्‍पा शी़।

१ कोरीन्‍थुपा 15:56

छीवागी दुङ नी धीक्‍पा लाक धेनी धीक्‍पागी वाङ नी क्षो़ठीम लाक।

२ कोरीन्‍थुपा 10:3

घीझ्‍येरी ॱनाना हेक्‍या जीक्‍तेन देला मीछे क्‍यानाः, जीक्‍तेन्‍पे ॱमाक नी ॱमेटावालाक।

गालातीयापा 3:10

क्षो़ठीमगी लेगाक्‍याला तेन्‍गीनक्‍या छेपागी होकला धेतालाक घीझ्‍येरी ॱनाना सुङरापला देरे ढीक हो़तालाक, “क्षो़ठीमगी धेपला ढीक्‍टा घीरी चीरी ॱमेनेगीनक्‍याला छेपा फोवालाक।”

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

एफीसुपा 2:11

होझ्‍येरी ढेन्‍सो़ झ्‍यी, खेक्‍या केने ॱहालाराङ याहुदापा मेन्‍गीन हो़ताराङ, ली़ला लाक्‍पागी थोक्‍ने पाउ चेचा याहुदापाक्‍याई खेक्‍याला “पाउ ॱमाचेचाक्‍या” ॱनेरी ॱनालाक।

एफीसुपा 2:3

खुङक्‍याई घुङदु होराङ घीरीयाः राङगी दो़क्षाकगी वाङ होकदु धेदी, राङगी ली़सेमगी दो़पाला थी़न्‍गीन लेगाक्‍या एम्‍मा झ्‍यीदालाक। धेनी मी श्‍येम्‍माक्‍या च्‍योक्‍रे, होराङक्‍याला को़न्‍क्षोकगी थुक्‍ठो़ फोक घोये हो़तालाक।

कोलोसेपा 3:5

होझ्‍येरी खीकी नाङला हो़गीन लोक्‍येम धाङ ॱमेचाङा धाङ दो़क्षाक धाङ दो़ङेन धाङ कुन्‍डाला क्षो़ये हीन्‍गीन, दो़ङाम च्‍योक्‍रे जीक्‍तेनगी स्‍यीकाक्‍या सो़।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

याकोब 1:15

धेनी दो़क्षाकगी ढेबु ली़ला क्षाक्‍ती धीक्‍पा केलालाक धेनी धीक्‍पागो छाङगो छारती, होदेगी छीवा खेरती हुङालाक।

याकोब 4:1

खीकी घुङदु च्‍यो़पा धाङ ठुक्‍पाक्‍या घाङगी झ्‍येरी झ्‍युङाले? देक्‍या खीकी खोक्‍पी नाङदु थाप्‍ती धेगीन दो़क्षाकक्‍याने झ्‍युवामालाक से?

१ योहान्‍ना 3:4

धीक्‍पा झ्‍यीगीन घीरीगी को़न्‍क्षोकगी क्षो़ठीम तोलालाक धेनी धीक्‍पाराङ को़न्‍क्षोकगी क्षो़ठीम तोगीन लाक।