रोमापा 7:21 - ॱलोवा

²¹ धा ङा शाङागो झ्‍यीङी दो़नाः, ङेन्‍पागो ङी नाङदुराङ ॱनेदुक। होझ्‍येरी मीछेगी डोताङगो ङी थोङी।

रोमापा 7:21 Iomraidhean Croise

लुका 4:1

येशु धाम्‍पे थुक्‍ङीगी खारी, योरदान चाङबुने लोक्‍ती फेप्‍पालाक धेनी थुक्‍ङीगी खोङबाला रीतोङ स्‍योकला ठीया जेपालाक।

योहान्‍ना 8:34

येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, धीक्‍पा झ्‍यीगीन घीरी धीक्‍पे ढेन्‍योक हीन।

रोमापा 6:12

होझ्‍येरी दो़क्षाकगी वाङ होकदु मेडोयेगी क्षीला, धीक्‍पाला खेक्‍याई स्‍यीरी डोये हीन्‍गीन ली़ला वाङ झ्‍यीदु ॱमाच्‍युक।

रोमापा 6:14

धा धीक्‍पागी खेक्‍याला वाङ झ्‍यीगीमालाक घीझ्‍येरी ॱनाना खेक्‍या क्षो़ठीमगी वाङ होकदु मेन्‍दा, थुक्‍जेगी वाङ होकदु हो़तालाक।

रोमापा 7:23

हीना ङी ली़गी नाङ, ठीम श्‍येम्‍मा च्‍यीकगी लेगा झ्‍यीगीनगो ङी थोङी। धेनी दे ङी सेमगी थेगीन ठीममुला थाप्‍ती, ङाला ङी नाङ लेगा झ्‍यीगीन धीक्‍पे वाङगी चो़न्‍पा शी़।

रोमापा 7:25

होरी चोवो येशु मास्‍यीकागी थोक्‍ने थारपा जेगीन, को़न्‍क्षोकला काटीन्‍क्षे श्‍युवाहीन। धा ङा ङाराङगी सेमने, को़न्‍क्षोकगी क्षो़ठीमला श्‍याप्‍ची श्‍यी़लालाक हीना ङी धीक्‍पे राङश्‍यीगी, धीक्‍पे वाङला श्‍याप्‍ची श्‍यी़लालाक।

रोमापा 8:2

घीझ्‍येरी ॱनाना छे ॱनाङगीन धाम्‍पे थुक्‍ङीगी वाङगी, मास्‍यीका येशुगी थोक्‍ने, खेक्‍याला धीक्‍पा धाङ छीवागी वाङने थारपा जे हो़तालाक।

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।

२ पेटो 2:19

धेनी खुङक्‍याला राङवाङ तेरयेगी धाम्‍चा श्‍याक्‍नाः, हीना ॱलोपो़न शोक्‍पो खोराङक्‍या राङ तोरस्‍यीक ताङगीन चो़पागी ॱयोक्‍पो लाक घीझ्‍येरी ॱनाना मी घीन्‍गी वाङ होकदु स्‍योरी, होदेगीराङ ॱयोक्‍पो झ्‍युङालाक।