रोमापा 7:2 - ॱलोवा

² पेला श्‍याक्‍ना, ॱनामाला सोसा केमी च्‍यीक ठीमगी झ्‍येरी, मोरी ख्‍योवा सो़न्‍पो धेदे थुक्‍पे, खी़मुला धामालाक हीना मी़ ख्‍योवा स्‍यीना मो होदे ॱनामा लेन्‍गीन ठीमने थारालाक।

रोमापा 7:2 Iomraidhean Croise

रोमापा 7:3

धा ॱहाना मो मोरी ख्‍योवा सो़न्‍पो हो़ताराङ, मी श्‍येम्‍मामुला धेना, मोला लोक्‍येम्‍मा ॱनेरी ॱनागीलाक। हीना मी़ ख्‍योवा स्‍यीना, मो होदे क्षो़ठीमने थारालाक धेनी मी़ मी श्‍येम्‍मामुला ॱनामाला डोनाः, मो लोक्‍येम्‍मा मीझ्‍युङालाक।

रोमापा 7:6

हीना धान्‍दा होराङ क्षो़ठीमने थार हो़तालाक घीझ्‍येरी ॱनाना होराङ क्षो़ठीमगी थोक्‍ने स्‍यीवालाक धेनी धा होदेगी वाङ होकला मेतालाक। धा होराङ ॱरो ॱङीङबा च्‍योक्‍रे क्षो़ठीमगी छीकला चीरी मेन्‍दा, हीना ॱरो साबा च्‍योक्‍रे थुक्‍ङीगी थोक्‍ने छोवा क्‍यारी, को़न्‍क्षोकला श्‍याप्‍ची श्‍यु थुक्‍कीलाक।

१ कोरीन्‍थुपा 7:39

राङगी ख्‍योवा सो़न्‍पो हो़गीन थुक्‍पे, केमी नी ख्‍योवागी वाङ होकला हुङालाक। हीना मी़ ख्‍योवागो ढोङ छाना मोरी दो़गीन, मीमुला मो ॱनामाला डो क्षोक्‍वालाक हीना याङ मीगो चोवोला धेपा झ्‍यीगीन हुङघोवालाक।

१ कोरीन्‍थुपा 7:4

धेनी केमीगी राङगी ली़ राङगी वाङला मीधी़वा, राङगी ख्‍योवागी वाङला श्‍यालाक। देरेराङ झ्‍येरी ख्‍योवागीयाः राङगी ली़ राङगी वाङला मीधी़वा, राङगी केमीगी वाङला श्‍यालाक।