रोमापा 7:14 - ॱलोवा

¹⁴ धा क्षो़ठीम नी, थुक्‍ङीने झ्‍युङगीनगो होराङ स्‍येलालाक। हीना ङा नी ली़ला झ्‍येरी, धीक्‍पागी ढेन्‍योकला चोचा च्‍योक्‍रे हीन।

रोमापा 7:14 Iomraidhean Croise

मेथा 16:23

हीना येशुगी श्‍याल ग्‍युरती पेटोला सुवालाक, “धी़क ख्‍यो़, ङी ग्‍याप्‍तु सोङ! ख्‍यो़ ङी छीला भारचे हीन घीझ्‍येरी ॱनाना ख्‍यी़ साम्‍लो को़न्‍क्षोकने मेन्‍दा मीने दुक।”

मेथा 18:25

होदे मीगी़ भुलीङ ज्‍याङ ॱमाथुवा दाक्‍पोगी़ खोला खी़ केमी धाङ टुवाक्‍या धाङ खोला हो़गीन घीरी चोरी, भुलीङ ज्‍याङयेला का ॱनावालाक।

मेथा 5:22

हीना ङा खेक्‍याला ॱनाहीन, राङगी पी़नमुला ठो़गीन घीरीला ठीम फोक्‍कीलाक धेनी राङगी पी़नला ॱमेबेप ताङगीनला, छोक्‍क्षेनगी दोङदु ठीम फोक्‍कीलाक धेनी श्‍येम्‍माक्‍याला ‘ख्‍यो़ फेन ॱमेथोक्‍कीन घोल्‍लोवा’ ॱनागीनक्‍या मेगी ॱङ्यावा खोकला डोयेगी ङेन्‍का हो़तालाक।

मेथा 5:28

हीना ङा खेक्‍याला ॱनाहीन, दो़छाकगी सेमने भोमो च्‍यीकला ताना, खी़ खोरी सेम नाङदुराङ भोमो देमुला लोक्‍येम झ्‍येसारालाक।

लुका 5:8

दे थोरी सीमोन पेटो येशुगी दोङला पीमु चुक्‍ती श्‍यी़वालाक, “चोवो, ङा मी धीक्‍चेन च्‍यीक हीन। ङाने ॱहाला फेप्‍रोनाङ।”

लुका 7:6

धेनी येशु खुङक्‍यामुला फेप्‍पालाक। खोङबा ग्‍यापो़नगी खाङबा भोलोक्‍तु हो़ती घाङला, ग्‍यापो़नगी खोरी रोवाक्‍याला दे ॱनायेला झावालाक, “चोवो काल्‍ले माजेरोनाङ घीझ्‍येरी ॱनाना ङा खेराङला ङी नाङदु फेप्‍सु श्‍युरीन खाये मेक।

रोमापा 3:9

धा ॱहाना थामे दो़नगो घी ले? हे याहुदापाक्‍या मी श्‍येम्‍माक्‍याने ल्‍हाक शाङा हो़तालाक से? मेतालाक, फुक्‍की मेतालाक। घीझ्‍येरी ॱनाना याहुदापा धाङ याहुदापा मेन्‍गीन, मी घीरी धीक्‍पे वाङ होकदु हो़तालाक ॱनेरी, ङी तो़न्‍साहो़क।

रोमापा 6:6

धेनी धीक्‍पागी वाङ होकदु हो़गीन होरी ली़ दे, मेताला ताङये धाङ होराङ धीक्‍पागी ढेन्‍योक मीझ्‍युङयेगी क्षीदु, होरी धीक्‍पे स्‍यीकागो खोङमुला ग्‍याङस्‍यीङला क्‍याङबालाक ॱनेरी, होराङ स्‍येलालाक।

रोमापा 7:18

धेनी ङी धीक्‍पे राङश्‍यीला शाङा घीयाः ॱमेनेलालाक ॱनेरी, ङाला स्‍येयेहो़क। घीझ्‍येरी ॱनाना शाङा घी हीन्‍गीनगो झ्‍यीयेला, ङी दो़पा हो़क हीना होदे ङी झ्‍यी ॱमीथुक्‍वालाक।

गालातीयापा 4:3

देरे च्‍योक्‍रे होराङक्‍या टुवा हो़ती घाङला, दे जाम्‍बुलीङगी ल्‍हाक्‍याई वाङगी होकला स्‍योर हो़तालाक।

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

ईब्‍रीपा 4:12

घीझ्‍येरी ॱनाना को़न्‍क्षोकगी का नी, सो़न्‍पो धाङ नी़थुक्षे हो़तालाक। धेनी खा ॱङी हो़गीन राल्‍डीने ॱनोवा हो़तालाक। दी ॱलो धाङ सेम धेनी छीक धाङ काङ ॱङीला दुबु-दुबुला स्‍यालाक धेनी सेमगी साम्‍सुक्‍या धाङ दो़पाक्‍याला ताक्‍चो़ झ्‍यीदालाक।