रोमापा 7:1 - ॱलोवा

¹ पी़नक्‍याओ, ङा क्षो़ठीम स्‍येगीनक्‍यामुला लाब ताङाहीन। क्षो़ठीमगी मी च्‍यीकला सो़न्‍पो धेगीन थुक्‍पे, च्‍यीका वाङ झ्‍यीदालाक ॱनागीन, लाब दे खेक्‍याला स्‍येये मेते?

रोमापा 7:1 Iomraidhean Croise

रोमापा 1:13

पी़नक्‍याओ, ङाला याहुदापा मेन्‍गीनक्‍याने ढेबु थोप्‍कीन च्‍योक्‍रे, खेक्‍यानेयाः थोप्‍येगी क्षीदु, ङी थेङ माङा खीकीचारु हुङयेला छास्‍यी शो़वी। हीना धान्‍दा थुक्‍पे हुङथुक माशुङ ॱनेरी, खेक्‍याई स्‍येगीनगो ङा दो़दीहो़क।

रोमापा 10:1

पी़नक्‍याओ, ङी सेमगी दो़पा धाङ ईस्‍राएल्‍पाक्‍याई क्षीदु, ङी को़न्‍क्षोकला ॱमो़लाम पुगीनगो नी, खुङक्‍याला थारपा थोबास्‍योक ॱनेरी लाक।

रोमापा 10:4

घीझ्‍येरी ॱनाना धेपा झ्‍यीगीन घीरी को़न्‍क्षोकगी डुङदु ढाङपो चीयेगी क्षीला, मास्‍यीकागी क्षो़ठीमगी दो़न्‍दाकगो डुपा जेपालाक।

रोमापा 6:14

धा धीक्‍पागी खेक्‍याला वाङ झ्‍यीगीमालाक घीझ्‍येरी ॱनाना खेक्‍या क्षो़ठीमगी वाङ होकदु मेन्‍दा, थुक्‍जेगी वाङ होकदु हो़तालाक।

रोमापा 6:3

याङना होराङ मास्‍यीका येशुगी थोक्‍ने, ठी़सो़ लेन्‍गीन घीरीयाः, खोङगी छीवागी नाङ मुला थी़न्‍बालाक ॱनेरी खेक्‍याई ॱमेस्‍येलाले?

रोमापा 7:6

हीना धान्‍दा होराङ क्षो़ठीमने थार हो़तालाक घीझ्‍येरी ॱनाना होराङ क्षो़ठीमगी थोक्‍ने स्‍यीवालाक धेनी धा होदेगी वाङ होकला मेतालाक। धा होराङ ॱरो ॱङीङबा च्‍योक्‍रे क्षो़ठीमगी छीकला चीरी मेन्‍दा, हीना ॱरो साबा च्‍योक्‍रे थुक्‍ङीगी थोक्‍ने छोवा क्‍यारी, को़न्‍क्षोकला श्‍याप्‍ची श्‍यु थुक्‍कीलाक।

रोमापा 9:3

धेनी ङा ङाराङगी रीग्‍यु च्‍यीक्‍पा हीन्‍गीन पी़न्‍दाक्‍याई दो़न्‍दु, ङा ङाराङला ॱमेमो फोक्‍ये धाङ मास्‍यीकाने खा डायेगी दो़पाः झ्‍यी थुक्‍येहो़क।

१ कोरीन्‍थुपा 9:8

मीगी साम्‍सुने च्‍यीगा ङा देरे ॱनालाक से? क्षो़ठीमगीयाः देरेराङ ॱमीसुङाई?

गालातीयापा 4:21

खे क्षो़ठीमगी वाङगी होकला धेङी दो़गीनक्‍या, ङाला ॱनो़दाङ, क्षो़ठीमगी ॱनागीनगो खेक्‍या ॱहामेघोराई?