रोमापा 6:9 - ॱलोवा

⁹ घीझ्‍येरी ॱनाना मास्‍यीका छीवाने कुसो़न्‍पो श्‍याङस्‍या झ्‍येरी, खोङ धाब्‍ले नामा ढोङा मेजेगीलाक धेनी देने ॱहाला छीवागी वाङ खोङ खाला मेतालाक ॱनेरी, होराङ स्‍येलालाक।

रोमापा 6:9 Iomraidhean Croise

रोमापा 5:14

घीहीन्‍ना आदामने मोशेगी धी़ थुक्‍पे, मी घीरी छीवागी वाङ होकदु हो़तालाक। आदामगी को़न्‍क्षोकगी काला ॱमाचीवा धीक्‍पा झ्‍येजा च्‍योक्‍रे, धीक्‍पा माझ्‍येगीनक्‍याः छीवागी वाङ होकदु हो़तालाक। आदाम नी, फेप्‍ये हीन्‍गीन मास्‍यीकागी पे च्‍यीक लाक।

रोमापा 6:10

खोङ ढोङगीनगो नी, धीक्‍पागी वाङ तोरस्‍यीक जेयेगी क्षीदु, थेङ च्‍यीकला ढोङपालाक हीना खोङ छोवा क्‍यागीनगो नी, को़न्‍क्षोकगी शीजेगी क्षीदु क्‍यालालाक।

रोमापा 6:14

धा धीक्‍पागी खेक्‍याला वाङ झ्‍यीगीमालाक घीझ्‍येरी ॱनाना खेक्‍या क्षो़ठीमगी वाङ होकदु मेन्‍दा, थुक्‍जेगी वाङ होकदु हो़तालाक।

रोमापा 6:4

होझ्‍येरी होरी ठी़सो़गी थोक्‍ने, होराङक्‍या खोङबामुला छीवागी नाङ धी़ठोदु बेवालाक। दे नी यापगी शीजेचेनगी नी़थुगी थोक्‍ने, मास्‍यीका छीवाने कुसो़न्‍पो श्‍याङगीन च्‍योक्‍रे, होराङक्‍याः छे साबागी नाङ छोवा क्‍यालास्‍योक ॱनेरी लाक।

ईब्‍रीपा 7:16

घीझ्‍येरी ॱनाना मी दे क्षो़ठीमगी काला च्‍योक्‍रे ग्‍युपाला तेन्‍दी मेन्‍दा, हीना मेताला डोये मेगीन छेगी नी़थुला तेन्‍दी क्षो़पो़न झ्‍युवालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।