रोमापा 6:4 - ॱलोवा

⁴ होझ्‍येरी होरी ठी़सो़गी थोक्‍ने, होराङक्‍या खोङबामुला छीवागी नाङ धी़ठोदु बेवालाक। दे नी यापगी शीजेचेनगी नी़थुगी थोक्‍ने, मास्‍यीका छीवाने कुसो़न्‍पो श्‍याङगीन च्‍योक्‍रे, होराङक्‍याः छे साबागी नाङ छोवा क्‍यालास्‍योक ॱनेरी लाक।

रोमापा 6:4 Iomraidhean Croise

योहान्‍ना 11:40

येशुगी मोला सुवालाक, “ख्‍यी़ धेपा झ्‍यीना को़न्‍क्षोकगी शीजे थोङहोङ, ॱनेरी ङी ख्‍यो़ला ॱमानेवी?”

योहान्‍ना 2:11

दे ताक धाङपो दे येशुगी गालीलगी काना युरु जेदी, राङगी शीजे ॱङो़न्‍दु जेपालाक। धेनी खोङबागी ङेनेक्‍याई खोङबाला धेपा झ्‍येवालाक।

जेपा 2:24

हीना को़न्‍क्षोकगी खोङबाला छीवाने सो़न्‍पो श्‍याङा जेपालाक। को़न्‍क्षोकगी खोङबाला छीवे स्‍युकने खा टा जेपालाक घीझ्‍येरी ॱनाना छीवे स्‍युकगी खोङबाला च्‍योई शीम्‍दी श्‍याक ॱमीथुक्‍वालाक।

जेपा 2:32

“धा खोङराङ येशुला को़न्‍क्षोकगी छीवाने सो़न्‍दु च्‍युक्‍पालाक। धेनी दे लाबगी पाङपोगो होराङ घीरी हो़क।

रोमापा 6:19

खेक्‍याई ॱहाघोयेगी नी़पा क्‍योवा झ्‍येरी, ङा खेक्‍याला मीछेगी ङीन्‍रेगी पे तो़न्‍दी ॱनाहीन। खेक्‍याई थेङमा च्‍यीक राङला ॱमेचाङा धाङ ॱयोल्‍ले माङदु-माङदु डोगीन ङेन्‍पागी ढेन्‍योक झ्‍यीयेला तेरकीन च्‍योक्‍रे, धा धान्‍दा राङला धाम्‍पाला ग्‍युरयेगी क्षीदु ढाङतेनगी ढेन्‍योक झ्‍यीयेला फी़।

रोमापा 6:3

याङना होराङ मास्‍यीका येशुगी थोक्‍ने, ठी़सो़ लेन्‍गीन घीरीयाः, खोङगी छीवागी नाङ मुला थी़न्‍बालाक ॱनेरी खेक्‍याई ॱमेस्‍येलाले?

रोमापा 6:8

धा होराङ मास्‍यीकामुला स्‍यीवा हीन्‍ना, होराङ खोङमुला छोवाः क्‍यागीलाक ॱनेरी, होराङ यीच्‍चे झ्‍यीदालाक।

रोमापा 6:9

घीझ्‍येरी ॱनाना मास्‍यीका छीवाने कुसो़न्‍पो श्‍याङस्‍या झ्‍येरी, खोङ धाब्‍ले नामा ढोङा मेजेगीलाक धेनी देने ॱहाला छीवागी वाङ खोङ खाला मेतालाक ॱनेरी, होराङ स्‍येलालाक।

रोमापा 7:6

हीना धान्‍दा होराङ क्षो़ठीमने थार हो़तालाक घीझ्‍येरी ॱनाना होराङ क्षो़ठीमगी थोक्‍ने स्‍यीवालाक धेनी धा होदेगी वाङ होकला मेतालाक। धा होराङ ॱरो ॱङीङबा च्‍योक्‍रे क्षो़ठीमगी छीकला चीरी मेन्‍दा, हीना ॱरो साबा च्‍योक्‍रे थुक्‍ङीगी थोक्‍ने छोवा क्‍यारी, को़न्‍क्षोकला श्‍याप्‍ची श्‍यु थुक्‍कीलाक।

रोमापा 8:11

धेनी येशुला छीवाने कुसो़न्‍पो जेगीनगी थुक्‍ङी खेक्‍याई नाङ श्‍युक हो़ना, मास्‍यीका येशुला छीवाने कुसो़न्‍पो जेगीनगी खेक्‍याई नाङ श्‍युक्‍कीन, धाम्‍पे थुक्‍ङीगी थोक्‍ने खीकी छीवागी ली़लाः छेसोक ॱनाङगीलाक।

१ कोरीन्‍थुपा 6:14

धेनी को़न्‍क्षोकगी राङगी नी़थुगी गोने, चोवोला छीवाने कुसो़न्‍पो जेपालाक धेनी होराङलाः खोङगी सो़न्‍पो जेगीलाक।

२ कोरीन्‍थुपा 13:4

घीझ्‍येरी ॱनाना खोङबा क्‍योवा हो़ताराङ ग्‍याङस्‍यीङला क्‍याङबालाक हीना को़न्‍क्षोकगी नी़थुगी थोक्‍ने, खोङबा सो़न्‍पालाक। देरेराङ झ्‍येरी हेक्‍या खोङबागी नाङ क्‍योवा हो़क हीना खीकीमुला ढेवा झ्‍यीयेला, हेक्‍या को़न्‍क्षोकगी नी़थुगी थोक्‍ने, हेक्‍या खोङबा मुलाराङ सो़न्‍पो ॱनेगीलाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

एफीसुपा 4:17

धा ङा चोवोगी नाङ का स्‍युक्‍क्षे तेरती ॱनाहीन, खेक्‍या देने ॱहाला याहुदापा मेन्‍गीन मीक्‍या च्‍योक्‍रे, दो़न मेगीन साम्‍लोक्‍या तारी मीछे ॱमाक्‍या।

एफीसुपा 5:8

घीझ्‍येरी ॱनाना काब च्‍यीकला खेक्‍या मी़नाक नाङ हो़तालाक हीना धान्‍दा, चोवोगी नाङ खेक्‍या हो़ नाङदु हो़तालाक। हो़गी टुवाक्‍या च्‍योक्‍रे मीछे क्‍यो़।

कोलोसेपा 3:10

धेनी स्‍यीका साबा दे खेलेन हो़तालाक। धेनी दे नी, खेक्‍याई को़पापोगी कोरला स्‍येराप छाङघोगो थोप्‍येगी क्षीदु, खेक्‍याला खोङबाराङगी स्‍यीकाला साबा जेदी हो़तालाक।

कोलोसेपा 4:1

खे दाक्‍पोक्‍याओ, नाम्‍खे श्‍यीङखामदु खेक्‍यालाः दाक्‍पो हो़तालाक ॱनेरी स्‍येरी, राङगी ढेन्‍योकला ढाङपो धाङ ॱयेवा मेगीन चो़पा झ्‍यी।

१ पेटो 3:21

क्षु दे नी खेक्‍याला धान्‍दा क्‍योप्‍कीन, ठी़सो़गी ताक लाक। दे नी ली़गी ढीमाक ठुगीन च्‍योक्‍रे मालाक हीना साम्‍लो ॱनाम्‍पा दाक्‍पागी क्षीला, को़न्‍क्षोकगी डुङदु धाम्‍चा च्‍यीक लाक। येशु मास्‍यीका छीवाने कुसो़न्‍पो ग्‍युरकीनगी थोक्‍ने, ठी़सो़गी खेक्‍याला क्‍योप्‍कीलाक।

१ योहान्‍ना 2:6

खोङबागी नाङ ॱने हो़गीनगी़, येशुगी चो़लाम च्‍योक्‍रे चो़लाम झ्‍यीघो़।