रोमापा 6:3 - ॱलोवा

³ याङना होराङ मास्‍यीका येशुगी थोक्‍ने, ठी़सो़ लेन्‍गीन घीरीयाः, खोङगी छीवागी नाङ मुला थी़न्‍बालाक ॱनेरी खेक्‍याई ॱमेस्‍येलाले?

रोमापा 6:3 Iomraidhean Croise

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

जेपा 19:5

दे ङेन्‍दी, होदे मीक्‍याई चोवो येशुगी छेनला ठी़सो़ लेन्‍बालाक।

जेपा 2:38

धेनी पेटोगी ॱनेवालाक, “खेराङक्‍या घीरीगी राङगी धीक्‍पा पारी सेम ग्‍युरवा तोङ धेनी येशु मास्‍यीकागी छेनने ठी़सो़ श्‍यी़। धेनी खेराङक्‍याई धीक्‍पाने घोयाङ थोप्‍कीलाक धेनी को़न्‍क्षोकगी धाम्‍पे थुक्‍ङीगी ॱङेन्‍बा राक्‍कीलाक।

जेपा 8:16

घीझ्‍येरी ॱनाना धान्‍दा थुक्‍पे, खुङक्‍याई येशुगी छेनने ठी़सो़ लेन्‍गीनगो माना, धाम्‍पे थुक्‍ङी खुङक्‍याई खाला माभाप हो़तालाक।

रोमापा 6:16

धा काला चीगीन ढेन्‍योक च्‍योक्‍रे खेक्‍याई राङला सु चारु पुली, खेक्‍या होदेगीराङ काला ङेन्‍गीन ढेन्‍योक झ्‍युङालाक ॱनेरी खेक्‍या ॱमेस्‍येलाले? खेक्‍या याङना छीवाला ठीक्‍कीन धीक्‍पागी ढेन्‍योक याङना ढाङतेनला ठीक्‍कीन, को़न्‍क्षोकगी काला ङेन्‍गीन ढेन्‍योक झ्‍युङालाक।

रोमापा 6:8

धा होराङ मास्‍यीकामुला स्‍यीवा हीन्‍ना, होराङ खोङमुला छोवाः क्‍यागीलाक ॱनेरी, होराङ यीच्‍चे झ्‍यीदालाक।

रोमापा 7:1

पी़नक्‍याओ, ङा क्षो़ठीम स्‍येगीनक्‍यामुला लाब ताङाहीन। क्षो़ठीमगी मी च्‍यीकला सो़न्‍पो धेगीन थुक्‍पे, च्‍यीका वाङ झ्‍यीदालाक ॱनागीन, लाब दे खेक्‍याला स्‍येये मेते?

१ कोरीन्‍थुपा 10:2

धेनी ॱरीङबा धाङ ग्‍याछोगी थोक्‍ने, खुङक्‍या घीरीगी मोशेगी नाङ ठी़सो़ श्‍यी़वालाक।

१ कोरीन्‍थुपा 12:13

घीझ्‍येरी ॱनाना होराङ याहुदापा हीन्‍ना गीरीक हीन्‍ना याङना ढेन्‍योक हीन्‍ना राङवाङगी मी हीन्‍ना, होराङ घीरी ली़ च्‍यीकला ग्‍युरयेला, धाम्‍पे थुक्‍ङी च्‍यीगारागी थोक्‍ने ठी़सो़ थोप्‍पालाक धेनी होराङ घीरीगी नाङ धाम्‍पे थुक्‍ङी च्‍यीक्‍पाराङ ॱनाङ हो़तालाक।

१ कोरीन्‍थुपा 15:29

देरे मेन्‍ना, स्‍यीम्‍पोगी थोक्‍ने मीक्‍याई ठी़सो़ लेन्‍गीनगी दो़नगो घी ले? स्‍यीम्‍पोक्‍या सो़न्‍पो जेये मेन्‍ना, स्‍यीम्‍पोक्‍याई क्षीदु मीक्‍या घीझ्‍येरी ठी़सो़ लेन्‍दाले?

१ कोरीन्‍थुपा 3:16

खेक्‍या नी को़न्‍क्षोकगी क्षो़खाङ हीन्‍गीन धाङ को़न्‍क्षोकगी थुक्‍ङी, खीकी नाङ श्‍युक्‍कीनगो खेक्‍याला स्‍येये मेते?

१ कोरीन्‍थुपा 5:6

खेक्‍या ङोम्‍सो झ्‍यीगीन दे घा मालाक। क्‍युरची च्‍यीमे च्‍यीकगी भाक्‍पे हो़लेला क्‍युर ॱलाङालाक ॱनेरी, खेक्‍या ॱमेस्‍येलालाक से?

१ कोरीन्‍थुपा 6:19

खीकी नाङ श्‍युक्‍कीन धाङ को़न्‍क्षोकने खेक्‍याला थोप्‍था धाम्‍पे थुक्‍ङीगी क्षो़खाङ नी, खीकी ली़ हीन्‍गीनगो खेक्‍याला स्‍येये मेते? खेक्‍या खेरी राङगी मालाक।

१ कोरीन्‍थुपा 6:9

याङना मेढाङाक्‍याला को़न्‍क्षोकगी ग्‍यासीगी थोप्‍ताङ ॱमेथोप्‍कीलाक ॱनेरी, खेक्‍या ॱमेस्‍येलाले? खेक्‍या गो ॱमाखोर घीझ्‍येरी ॱनाना दो़लोक चो़गीनक्‍या याङना ल्‍हाकुन्‍डाला क्षो़गीनक्‍या याङना लोक्‍येम्‍पाक्‍या याङना फोलोमोलो झ्‍यीगीनक्‍या याङना फोगी फोला चो़गीनक्‍या,

१ कोरीन्‍थुपा 9:13

क्षो़खाङदु श्‍याप्‍ची श्‍युगीनगी राङगी शामा क्षो़खाङनेराङ शालाक धेनी क्षो़ठीला श्‍याप्‍ची श्‍युगीनगी क्षो़पानेराङ राङगी कादा लेन्‍दालाक ॱनेरी, खेक्‍या ॱमेस्‍येलाले?

१ कोरीन्‍थुपा 9:24

भाङ ताङगीन ढेन्‍दुरला, भाङ ताङगीन घीरी भाङ ताङालाक हीना ज्‍यागागो च्‍यीकला च्‍यीगा थोबालाक ॱनेरी, खेक्‍याला स्‍येये मेते? होझ्‍येरी ज्‍यागा थोप्‍येगी क्षीदु भाङ तोङ।

२ कोरीन्‍थुपा 13:5

राङगी धेपाला खेक्‍या ॱनेदुई याङना मीदुई ॱनेरी, राङला ताक्‍चा झ्‍यी। राङला छो़ता झ्‍यी। छो़ताला ॱमेथारना, येशु मास्‍यीका खीकी नाङ ॱनेगीनगो खेक्‍याई स्‍येघु मालाक से?

गालातीयापा 3:27

मास्‍यीकागी थोक्‍ने ठी़सो़ लेन्‍गीन घीरीगी, मास्‍यीकागी स्‍यीकाला खेलेन्‍बालाक।

याकोब 4:4

खे लोक्‍येम्‍पाक्‍याओ, जीक्‍तेनला क्षाक्‍कीनक्‍या नी को़न्‍क्षोकगी डाला लाङालाक ॱनेरी खेक्‍या ॱमेस्‍येलाले? होझ्‍येरी जीक्‍तेनला क्षाक्‍ङी दो़गीनक्‍याई राङला को़न्‍क्षोकगी डा शोवालाक।

१ पेटो 3:21

क्षु दे नी खेक्‍याला धान्‍दा क्‍योप्‍कीन, ठी़सो़गी ताक लाक। दे नी ली़गी ढीमाक ठुगीन च्‍योक्‍रे मालाक हीना साम्‍लो ॱनाम्‍पा दाक्‍पागी क्षीला, को़न्‍क्षोकगी डुङदु धाम्‍चा च्‍यीक लाक। येशु मास्‍यीका छीवाने कुसो़न्‍पो ग्‍युरकीनगी थोक्‍ने, ठी़सो़गी खेक्‍याला क्‍योप्‍कीलाक।