रोमापा 6:21 - ॱलोवा

²¹ धा होदे घाङला झ्‍येजा धान्‍दा खेक्‍या ङोछागीन लेगाक्‍याने, खेक्‍याला घी ढेबु राक्‍सो? होदे लेगाक्‍याई ढेबु नी छीवा लाक।

रोमापा 6:21 Iomraidhean Croise

रोमापा 1:32

देरे लेगा झ्‍यीगीनक्‍याला, को़न्‍क्षोकगी ढाङतेनगी ठीमला छीवे ङेपा फोक्‍कीलाक ॱनागीन, लाब दे खुङक्‍याई स्‍येरीयाः, खुङक्‍याई दे लेगाक्‍या झ्‍यीये च्‍यीगा मेन्‍दा हीना देरे लेगा झ्‍यीगीन मी श्‍येम्‍माक्‍यालाः सेमस्‍युक पारालाक।

रोमापा 5:12

होझ्‍येरी मी च्‍यीकगी थोक्‍ने, जीक्‍तेनदु धीक्‍पा झ्‍युवालाक धेनी धीक्‍पाने छीवा झ्‍युवालाक। धेनी मी घीरीगी धीक्‍पा झ्‍येजा झ्‍येरी, मी घीरीगी खाला छीवा झ्‍युवालाक।

रोमापा 6:16

धा काला चीगीन ढेन्‍योक च्‍योक्‍रे खेक्‍याई राङला सु चारु पुली, खेक्‍या होदेगीराङ काला ङेन्‍गीन ढेन्‍योक झ्‍युङालाक ॱनेरी खेक्‍या ॱमेस्‍येलाले? खेक्‍या याङना छीवाला ठीक्‍कीन धीक्‍पागी ढेन्‍योक याङना ढाङतेनला ठीक्‍कीन, को़न्‍क्षोकगी काला ङेन्‍गीन ढेन्‍योक झ्‍युङालाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

रोमापा 7:5

घीझ्‍येरी ॱनाना होराङ धीक्‍पे राङश्‍यीला छोवा क्‍याली घाङला, क्षो़ठीमगी झ्‍येरी लाङगीन दो़छाकक्‍याई होरी ली़ला लेगा कुलालाक। दी झ्‍येरी होराङक्‍याई छीवागी क्षीदु ढेबु केवालाक।

रोमापा 8:13

घीझ्‍येरी ॱनाना धीक्‍पे राङश्‍यीला तेन्‍दी छोवा क्‍याना, खेक्‍या स्‍यीगीलाक हीना धाम्‍पे थुक्‍ङीगी गोने धीक्‍पे लेगाक्‍या स्‍यीरु च्‍युक्‍ना, खेक्‍या सो़न्‍पो ॱनेगीलाक।

रोमापा 8:6

धा धीक्‍पे राङश्‍यीगी ख्‍यो़री साम्‍लो वाङ झ्‍यीदु च्‍युक्‍ना, छीवादु ठीयालाक हीना धाम्‍पे थुक्‍ङीगी ख्‍यो़री साम्‍लो वाङ झ्‍यीदु च्‍युक्‍ना, छेसोक धाङ श्‍यीदेला ठीयालाक।

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

२ कोरीन्‍थुपा 7:11

तो़दाङ, को़न्‍क्षोकगी थुकोङला हो़गीन च्‍योक्‍रे, खेक्‍याई सेम क्‍योगीनगी खीकी नाङ घारे ग्‍युरवा झ्‍युदो। खेक्‍या राङला क्‍यो़न मेगीन तो़न्‍येला दो़पा क्षे धाङ श्‍येताङ धाङ जीक्‍नाङ धाङ सेमस्‍युक धाङ दो़नाङ धाङ लेङेनक्‍याला छेपा कायेला डाढीक दुक। खेक्‍याई राङला दो़न हो़लेला क्‍यो़न मेगीन तो़न्‍दुक।

फीलीप्‍पीपा 3:19

खुङक्‍याई मीछेगी था नी तोरस्‍यीक लाक धेनी खुङक्‍याई ल्‍हागो, खोरी फोवा लाक धेनी खोरी ङोछाला खुङक्‍याई शीजे हो़तालाक। धेनी खुङक्‍याई सेम जीक्‍तेनगी दो़नक्‍याला क्षाः लाक।

ईब्‍रीपा 10:29

धा को़न्‍क्षोकगी सेला काङबा होकला श्‍याक्‍कीन धाङ राङला धाम्‍पा जेगीन, धाम्‍चागी कुठाकगोला ॱमेचाङा चीगीन धाङ थुक्‍जेगी थुक्‍ङीला ॱमेटा ताङगीनक्‍याला, देने घाजो़ ल्‍हाक छेपा फोक्‍यी हो़टी़ ॱनेरी, खेराङक्‍याराङ साम्‍लो तोङदाङ।

ईब्‍रीपा 6:8

हीना होदे साश्‍यीगी छेम्‍मा धाङ युरमा केना, होदे फेन मेगीन धाङ ॱमेमो फोक्‍येगी ङेन्‍का हो़तालाक। धेनी थाला होदे मेगी ॱराक्‍कीलाक।

याकोब 1:15

धेनी दो़क्षाकगी ढेबु ली़ला क्षाक्‍ती धीक्‍पा केलालाक धेनी धीक्‍पागो छाङगो छारती, होदेगी छीवा खेरती हुङालाक।

याकोब 5:20

होदे नोरवा लामने छुला ॱलोक्‍ती ठीक्‍ती हुङगीनगी, होदे मीगी सेम छीवाने क्‍योप्‍कीलाक धेनी खी़ धीक्‍पा माङा सेगीलाक ॱनेरी, खेक्‍याई स्‍येघो़।

१ पेटो 4:17

घीझ्‍येरी ॱनाना को़न्‍क्षोकगी नाङमीनेराङ गो चुक्‍ती, ठीम चेयेगी धी़ भाप्‍दुक धेनी दे होराङक्‍याने गो चुक्‍ना, को़न्‍क्षोकगी ताम्‍शाङ ॱमीचीगीनक्‍याई ढेबुगो घी झ्‍युङी हो़टु?

१ योहान्‍ना 2:28

धा चेवे टुवाक्‍याओ, मास्‍यीका ॱङो़न्‍ये धी़ला होराङ ॱलोगोक क्षे झ्‍युङये धाङ खोङ फेप्‍यी घाङला, खोङगी डुङदु होराङ ङोजा झ्‍यी मेघोयेगी क्षीदु, खोङगी नाङ ॱनेती धो़क।

ॱङो़न्‍पा 16:6

खुङक्‍याई खेराङगी धाम्‍पे मीक्‍या धाङ ॱङो़नस्‍येखेनक्‍याला सेसा झ्‍येरी, खेराङगी खुङक्‍याला ठाक थुङदु च्‍युक्‍पालाक। दे नी खुङक्‍याला झ्‍युङ घोयेराङ लाक।”

ॱङो़न्‍पा 20:14

धेनी छीवा धाङ स्‍यीम्‍पोक्‍या धेसाक्‍या, मेगी छो नाङदु ॱयुक्‍पालाक। होदे मेगी छोगो छीवा ॱङीवा लाक।