रोमापा 6:2 - ॱलोवा

² देरे फुक्‍की मालाक। होराङ नी, धीक्‍पागी नाङ स्‍यीछारसा झ्‍येरी, धा धोराङा होदे नाङदु घाङगी झ्‍येरी छोवा क्‍याथुक्‍कीले?

रोमापा 6:2 Iomraidhean Croise

लुका 20:16

खो होरी खुङक्‍याला सेगीलाक धेनी दुम्‍रागो श्‍येम्‍माक्‍याला तेरकीलाक।” मीक्‍याई होदे घोरती ॱनेवालाक, “देरे नामाः माझ्‍युङास्‍योक।”

रोमापा 5:11

देचो़ च्‍यीगा मेन्‍दा होरी चोवो येशु मास्‍यीकागी थोक्‍ने, होराङ धान्‍दा को़न्‍क्षोकमुला दुमा जेदी, खोङगी थोक्‍ने होराङ को़न्‍क्षोकगी नाङ घाटो झ्‍यीदालाक।

रोमापा 6:15

धा ॱहाना घी? होराङ क्षो़ठीमगी वाङ होकदु मेन्‍दा हीना थुक्‍जेगी वाङ होकदु हो़क ॱनेरी, होराङ धीक्‍पा झ्‍यीगुलाक से? देरे फुक्‍की मालाक।

रोमापा 7:4

देरेराङ झ्‍येरी ङी पी़नक्‍याओ, खेक्‍याः मास्‍यीकागी कुली़गी थोक्‍ने, क्षो़ठीमगी क्षीदु स्‍यीवालाक। दे नी खेक्‍या छीवाने कुसो़न्‍पो श्‍याङस्‍या, मी श्‍येम्‍मा याङना मास्‍यीकामुला दुमा स्‍योक ॱनेरी, धेनी होराङक्‍या को़न्‍क्षोकगी क्षीदु ढेबु केलास्‍योक ॱनेरी लाक।

रोमापा 7:6

हीना धान्‍दा होराङ क्षो़ठीमने थार हो़तालाक घीझ्‍येरी ॱनाना होराङ क्षो़ठीमगी थोक्‍ने स्‍यीवालाक धेनी धा होदेगी वाङ होकला मेतालाक। धा होराङ ॱरो ॱङीङबा च्‍योक्‍रे क्षो़ठीमगी छीकला चीरी मेन्‍दा, हीना ॱरो साबा च्‍योक्‍रे थुक्‍ङीगी थोक्‍ने छोवा क्‍यारी, को़न्‍क्षोकला श्‍याप्‍ची श्‍यु थुक्‍कीलाक।

गालातीयापा 2:19

धेनी को़न्‍क्षोकगी क्षीला ङा सो़न्‍पो ॱनेयेला, ङा क्षो़ठीमगी थोक्‍ने स्‍यीसागीन झ्‍येरी, क्षो़ठीमगी गेन घीया खुर मेघोगीलाक।

गालातीयापा 6:14

ङा राङ-राङला चोवो येशु मास्‍यीकागी ग्‍याङस्‍यीङला माना, श्‍येम्‍मा घीला ङोमग्‍यु ॱमीझ्‍युङास्‍योक। खोङबागी ग्‍याङस्‍यीङगी गोने ङी क्षीला जीक्‍तेन धाङ ङा जीक्‍तेनगी क्षीला स्‍यीवा हीन।

कोलोसेपा 2:20

खेक्‍या जीक्‍तेनगी तावाक्‍याने मास्‍यीकामुला स्‍यीवा हीन्‍ना, खेक्‍या धोराङा दे, जीक्‍तेनगी हीन्‍गीन च्‍योक्‍रे मीछे घीझ्‍येरी पी़दा ले? ठीमक्‍याई होकला घीझ्‍येरी घुरा ले?

कोलोसेपा 3:3

घीझ्‍येरी ॱनाना खेक्‍या स्‍यीवालाक धेनी खीकी छे नी, मास्‍यीकामुला को़न्‍क्षोकगी नाङ बे हो़तालाक।

१ पेटो 1:14

खेक्‍या टुवा खाला ङेन्‍पोक्‍या च्‍योक्‍रे, एम्‍मा खीकी ॱमास्‍येवाला झ्‍येजा दो़छाकक्‍याला याङ खेक्‍या माडे।

१ पेटो 2:24

होराङ धीक्‍पाला छोवा क्‍यायेगो भोरती, ढाङतेनगी दो़नला छोवा क्‍याये क्षीदु, खोङबागी राङगी कुली़ला होरी धीक्‍पाक्‍या ग्‍याङस्‍यीङ खाला खुरा जेपालाक। खोङगी ॱमाक्‍याई थोक्‍ने खेक्‍याला ढाक्‍सो़ थोप्‍पालाक।

१ योहान्‍ना 3:9

को़न्‍क्षोकने केक्‍या सी़या धीक्‍पा झ्‍यीच्‍यीक झ्‍येरी मेधेतालाक घीझ्‍येरी ॱनाना को़न्‍क्षोकगी साङा खुङक्‍या नाङ श्‍युक्‍वालाक धेनी खुङक्‍या को़न्‍क्षोकने केक्‍या झ्‍येरी, खुङक्‍या धीक्‍पा झ्‍यीच्‍यीक झ्‍यी ॱमीथुक्‍वालाक।