रोमापा 6:19 - ॱलोवा

¹⁹ खेक्‍याई ॱहाघोयेगी नी़पा क्‍योवा झ्‍येरी, ङा खेक्‍याला मीछेगी ङीन्‍रेगी पे तो़न्‍दी ॱनाहीन। खेक्‍याई थेङमा च्‍यीक राङला ॱमेचाङा धाङ ॱयोल्‍ले माङदु-माङदु डोगीन ङेन्‍पागी ढेन्‍योक झ्‍यीयेला तेरकीन च्‍योक्‍रे, धा धान्‍दा राङला धाम्‍पाला ग्‍युरयेगी क्षीदु ढाङतेनगी ढेन्‍योक झ्‍यीयेला फी़।

रोमापा 6:19 Iomraidhean Croise

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

रोमापा 15:1

होराङ धेपाला तेन्‍पो हो़गीनक्‍याई, धेपाला क्‍योवा हो़गीनक्‍याई थापक्‍योवागोला शो़पा झ्‍यी घोवालाक। होराङ राङला च्‍यीगा ङ्यामो घारु च्‍युक्‍ये मालाक।

रोमापा 3:5

हीना होरी मेढाङा झ्‍यीगीन लेगाक्‍याई, को़न्‍क्षोकगी ढाङतेन सावो तो़न्‍ना, होराङ घी ॱनाये? को़न्‍क्षोकगी होरी खाला थुक्‍ठो़ जेगीनगोला, खोङ मेढाङा दुक ॱनेरी ॱनाये? (ङा मीगी क्षा श्‍याक्‍ती ॱनाहीन।)

रोमापा 6:13

राङगी ली़गी येन्‍लाक च्‍यीया ङेन्‍पे लाक्‍चा च्‍योक्‍रे, धीक्‍पा झ्‍यीयेला ॱमातेर हीना छीवाने सो़न्‍पोला ठीक्‍ती होवा मीक्‍या च्‍योक्‍रे राङला को़न्‍क्षोकगी डुङदु फी़। धेनी राङगी येन्‍लाकक्‍या घीरी, ढाङतेनगी लेगा झ्‍यीगीन लाक्‍चा च्‍योक्‍रे को़न्‍क्षोकला फी़।

रोमापा 7:23

हीना ङी ली़गी नाङ, ठीम श्‍येम्‍मा च्‍यीकगी लेगा झ्‍यीगीनगो ङी थोङी। धेनी दे ङी सेमगी थेगीन ठीममुला थाप्‍ती, ङाला ङी नाङ लेगा झ्‍यीगीन धीक्‍पे वाङगी चो़न्‍पा शी़।

रोमापा 8:26

देरेराङ झ्‍येरी धाम्‍पे थुक्‍ङीगी होराङ क्‍योवा घाङला, रोक्‍राम जेदालाक। होराङक्‍याई ॱमो़लाम घाङगी झ्‍येरी श्‍यु घोयेगो, होराङ ॱमेस्‍येलालाक हीना धाम्‍पे थुक्‍ङी राङगी छीकला ॱना ॱमीथुक्‍कीन, उला होरी क्षीदु श्‍योवा पुला जेदालाक।

१ कोरीन्‍थुपा 5:6

खेक्‍या ङोम्‍सो झ्‍यीगीन दे घा मालाक। क्‍युरची च्‍यीमे च्‍यीकगी भाक्‍पे हो़लेला क्‍युर ॱलाङालाक ॱनेरी, खेक्‍या ॱमेस्‍येलालाक से?

१ कोरीन्‍थुपा 6:11

धेनी खेक्‍या नाङने रीङगा एम्‍मा देरे हो़तालाक। हीना चोवो येशु मास्‍यीकागी छेन धाङ होरी को़न्‍क्षोकगी थुक्‍ङीगी थोक्‍ने, खेक्‍या चाङमा धाङ धाम्‍पा धाङ ढाङपो जेपालाक।

१ कोरीन्‍थुपा 9:8

मीगी साम्‍सुने च्‍यीगा ङा देरे ॱनालाक से? क्षो़ठीमगीयाः देरेराङ ॱमीसुङाई?

गालातीयापा 3:15

पी़नक्‍याओ, श्‍याक्‍मो डाङी मीछेला तेरी पे च्‍यीक क्षा श्‍याक्‍ना, मीगी थेचे ग्‍याप्‍सागीन खाछेमला सी़या सुप ॱमीथुक्‍कीलाक धेनी होदेला ॱनो़न्‍गा ग्‍याप ॱमीथुक्‍कीलाक।

ईब्‍रीपा 12:15

मी सुवा को़न्‍क्षोकगी थुक्‍जे थोप्‍येने खा माडास्‍योक ॱनेरी, दो़नाङ झ्‍यी। धेनी खेक्‍याला ॱङ्योक्‍टा ॱलाङगीन धाङ माङाला ॱमेचाङा शोगीन, दुकगी चावागो केरु ॱमीच्‍युक्‍येला दो़नाङ झ्‍यी।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।