रोमापा 6:16 - ॱलोवा

¹⁶ धा काला चीगीन ढेन्‍योक च्‍योक्‍रे खेक्‍याई राङला सु चारु पुली, खेक्‍या होदेगीराङ काला ङेन्‍गीन ढेन्‍योक झ्‍युङालाक ॱनेरी खेक्‍या ॱमेस्‍येलाले? खेक्‍या याङना छीवाला ठीक्‍कीन धीक्‍पागी ढेन्‍योक याङना ढाङतेनला ठीक्‍कीन, को़न्‍क्षोकगी काला ङेन्‍गीन ढेन्‍योक झ्‍युङालाक।

रोमापा 6:16 Iomraidhean Croise

मेथा 20:4

धेनी खी़ खुङक्‍याला ॱनेवालाक, ‘खेक्‍याः घुन्‍डुमगी दुम्‍रादु सोङ धेनी ॱला तेर घो़गीनगो, ङी खेक्‍याला तेरु।’

मेथा 6:24

“मी च्‍यीक दाक्‍पो ॱङीगी ॱयोक ग्‍युक ॱमीथुवालाक घीझ्‍येरी ॱनाना ख्‍यी़ च्‍यीकला दाङा झ्‍यीना, श्‍येम्‍मागोला चेवा झ्‍यीगीलाक। याङ च्‍यीकला ॱलो काना, श्‍येम्‍मागोला थोङछुङ झ्‍यीगीलाक। ख्‍यो़ को़न्‍क्षोक धाङ ॱङु ॱङीगारागी ॱयोक ग्‍युक ॱमीथुक्‍वालाक।

योहान्‍ना 8:34

येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, धीक्‍पा झ्‍यीगीन घीरी धीक्‍पे ढेन्‍योक हीन।

रोमापा 11:2

को़न्‍क्षोकगी एम्‍माने खेन्‍दा जेजा, राङगी मीक्‍याला पाङा माजे हो़तालाक। सुङरापला एलीयागी कोरला देरे सुङगीनगो, खेक्‍याला स्‍येये मेताले? खोङगी ईस्‍राएलगी कोरला, को़न्‍क्षोकमुला दुकेक ग्‍याप्‍ती देरे श्‍यी़वालाक,

रोमापा 12:1

होझ्‍येरी पी़नक्‍याओ, को़न्‍क्षोकगी खेक्‍याला ॱङीङजे शीया जेदी, खोङगी डुङदु धाम्‍पा धाङ थुक्‍ङेउ झ्‍युङयेला, राङगी ली़गो क्षो़पा सो़न्‍पो च्‍योक्‍रे फी़ ॱनेरी, ङा खेक्‍याला श्‍योवा पुलाहीन। देराङ खेक्‍याई खोङबाला पु घो़गीन क्षाक्‍क्षो़पा धेन्‍पागो लाक।

रोमापा 6:17

हीना ङा को़न्‍क्षोकला काटीन्‍क्षे श्‍युवाहीन घीझ्‍येरी ॱनाना खेक्‍या एम्‍मा थेङ च्‍यीक धीक्‍पागी ढेन्‍योक झ्‍युङहो़ना, धान्‍दा खेक्‍याला ॱलाप्‍ला क्षो़ला, खेक्‍या ॱङीङ तीङने खाला ङेन्‍गीन झ्‍युदुक।

१ कोरीन्‍थुपा 3:16

खेक्‍या नी को़न्‍क्षोकगी क्षो़खाङ हीन्‍गीन धाङ को़न्‍क्षोकगी थुक्‍ङी, खीकी नाङ श्‍युक्‍कीनगो खेक्‍याला स्‍येये मेते?

१ कोरीन्‍थुपा 5:6

खेक्‍या ङोम्‍सो झ्‍यीगीन दे घा मालाक। क्‍युरची च्‍यीमे च्‍यीकगी भाक्‍पे हो़लेला क्‍युर ॱलाङालाक ॱनेरी, खेक्‍या ॱमेस्‍येलालाक से?

१ कोरीन्‍थुपा 6:2

याङना को़न्‍क्षोकगी मीक्‍याई जीक्‍तेनगी ठीम चेगीलाक ॱनेरी, खेक्‍या ॱमेस्‍येलाले? धा खेक्‍या जीक्‍तेनगी ठीम चेगीन हीन्‍ना, हुरे ॱङ्योक्‍टा च्‍युङाक्‍याई ठीम चे ॱमीथुक्‍वाले?

१ कोरीन्‍थुपा 6:3

नाम्‍खे भाङछेनक्‍याई ठीम, होराङ चेयेलाक ॱनेरी, खेक्‍याला स्‍येये मेते? देरे हीन्‍ना दे मीछेला झ्‍युङगीन दो़नक्‍या घी क्षे लाक से?

१ कोरीन्‍थुपा 6:9

याङना मेढाङाक्‍याला को़न्‍क्षोकगी ग्‍यासीगी थोप्‍ताङ ॱमेथोप्‍कीलाक ॱनेरी, खेक्‍या ॱमेस्‍येलाले? खेक्‍या गो ॱमाखोर घीझ्‍येरी ॱनाना दो़लोक चो़गीनक्‍या याङना ल्‍हाकुन्‍डाला क्षो़गीनक्‍या याङना लोक्‍येम्‍पाक्‍या याङना फोलोमोलो झ्‍यीगीनक्‍या याङना फोगी फोला चो़गीनक्‍या,

१ कोरीन्‍थुपा 9:13

क्षो़खाङदु श्‍याप्‍ची श्‍युगीनगी राङगी शामा क्षो़खाङनेराङ शालाक धेनी क्षो़ठीला श्‍याप्‍ची श्‍युगीनगी क्षो़पानेराङ राङगी कादा लेन्‍दालाक ॱनेरी, खेक्‍या ॱमेस्‍येलाले?

१ कोरीन्‍थुपा 9:24

भाङ ताङगीन ढेन्‍दुरला, भाङ ताङगीन घीरी भाङ ताङालाक हीना ज्‍यागागो च्‍यीकला च्‍यीगा थोबालाक ॱनेरी, खेक्‍याला स्‍येये मेते? होझ्‍येरी ज्‍यागा थोप्‍येगी क्षीदु भाङ तोङ।

२ पेटो 2:19

धेनी खुङक्‍याला राङवाङ तेरयेगी धाम्‍चा श्‍याक्‍नाः, हीना ॱलोपो़न शोक्‍पो खोराङक्‍या राङ तोरस्‍यीक ताङगीन चो़पागी ॱयोक्‍पो लाक घीझ्‍येरी ॱनाना मी घीन्‍गी वाङ होकदु स्‍योरी, होदेगीराङ ॱयोक्‍पो झ्‍युङालाक।