रोमापा 6:14 - ॱलोवा

¹⁴ धा धीक्‍पागी खेक्‍याला वाङ झ्‍यीगीमालाक घीझ्‍येरी ॱनाना खेक्‍या क्षो़ठीमगी वाङ होकदु मेन्‍दा, थुक्‍जेगी वाङ होकदु हो़तालाक।

रोमापा 6:14 Iomraidhean Croise

मेथा 1:21

मोने से च्‍यीक ठुङगीलाक धेनी ख्‍यी़ खोङबागी छेनला येशु ताक्‍कीलाक घीझ्‍येरी ॱनाना खोङबागी राङगी मीक्‍याला, खुङक्‍याई धीक्‍पाक्‍याने क्‍योप्‍कीलाक।”

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

योहान्‍ना 8:36

होझ्‍येरी सेगी खेक्‍याला राङवाङ जेना, खेक्‍याला ॱङोन्‍ने राङवाङ थोप्‍कीलाक।

रोमापा 11:6

धा दे थुक्‍जेगी थोक्‍ने हीन्‍ना, मीगी लेगाला राली़दी झ्‍युवामालाक। देरे हीन्‍ना थुक्‍जेगो नी, थुक्‍जे ॱङोन्‍ने मालाक।

रोमापा 4:16

होझ्‍येरी धाम्‍चागो थुक्‍जेला तेन्‍ती धेनी आब्‍राहामगी भुग्‍यु घीरीला गेन्‍लेन झ्‍युङयेगी क्षीदु, धेपागी खाला रा ली़दालाक। दे धाम्‍चा दे नी, क्षो़ठीम ॱरुङगीनक्‍याई क्षीदु च्‍यीगा मेन्‍दा, आब्‍राहामगी धेपा च्‍योक्‍रे हो़गीनक्‍याई क्षीदुवाः लाक। घीझ्‍येरी ॱनाना खोङ नी होराङ घीरीगी याप लाक।

रोमापा 5:17

धा आदाम मी च्‍यीकगी धीक्‍पागी झ्‍येरी छीवागी वाङ झ्‍येहो़ना, येशु मास्‍यीका मी च्‍यीकगी थोक्‍ने, थुक्‍जे मेछो़ली थोप्‍था धाङ ढाङतेनगी ॱनाङज्‍यीन थोप्‍थाक्‍याई, देले ल्‍हाक छेसोकगी नाङ वाङ झ्‍यीगीलाक।

रोमापा 5:18

होझ्‍येरी मी च्‍यीकगी धीक्‍पागी, मी घीरीला छेपा फोक्‍तु च्‍युक्‍पालाक धेनी देरेराङ झ्‍येरी, मी च्‍यीकगी ढाङतेनगी लेगागी मी घीरीला ढाङपो चीवालाक धेनी छेसोक ॱनाङालाक।

रोमापा 6:12

होझ्‍येरी दो़क्षाकगी वाङ होकदु मेडोयेगी क्षीला, धीक्‍पाला खेक्‍याई स्‍यीरी डोये हीन्‍गीन ली़ला वाङ झ्‍यीदु ॱमाच्‍युक।

रोमापा 6:15

धा ॱहाना घी? होराङ क्षो़ठीमगी वाङ होकदु मेन्‍दा हीना थुक्‍जेगी वाङ होकदु हो़क ॱनेरी, होराङ धीक्‍पा झ्‍यीगुलाक से? देरे फुक्‍की मालाक।

रोमापा 8:12

धा होझ्‍येरी पी़नक्‍याओ, होरी धीक्‍पे राङश्‍यीला तेन्‍दी होराङ छोवा क्‍याये मालाक।

रोमापा 8:2

घीझ्‍येरी ॱनाना छे ॱनाङगीन धाम्‍पे थुक्‍ङीगी वाङगी, मास्‍यीका येशुगी थोक्‍ने, खेक्‍याला धीक्‍पा धाङ छीवागी वाङने थारपा जे हो़तालाक।

गालातीयापा 3:23

हीना धेपा माडुप्‍कीन एन्‍ला, होराङ क्षो़ठीमगी होकला छी़ हो़तालाक धेनी धेपा ॱङो़न्‍सुमदु माग्‍युरकीन थुक्‍पे, होराङ ॱनेम्‍दी धे हो़तालाक।

गालातीयापा 4:21

खे क्षो़ठीमगी वाङगी होकला धेङी दो़गीनक्‍या, ङाला ॱनो़दाङ, क्षो़ठीमगी ॱनागीनगो खेक्‍या ॱहामेघोराई?

गालातीयापा 5:18

हीना खेक्‍या धाम्‍पे थुक्‍ङीगी थोक्‍ने ठीया जेना, खेक्‍या क्षो़ठीमगी वाङगी होकदु मेतालाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 8:10

चोवो सुङालाक, होदे ङीमागो स्‍याम्‍ने, ङा ईस्‍राएलगी नाङमीमुला धाम्‍चा दे चुक्‍येहीन। ङा ङारी क्षो़ठीम खुङक्‍याई ॱलोला श्‍याक्‍येहीन, धेनी खुङक्‍याई सेमला ढीक्‍येहीन। ङा खुङक्‍याई को़न्‍क्षोक झ्‍युङयेहीन, धेनी खुङक्‍या ङी मीमाङ झ्‍युङगीलाक।