रोमापा 6:13 - ॱलोवा

¹³ राङगी ली़गी येन्‍लाक च्‍यीया ङेन्‍पे लाक्‍चा च्‍योक्‍रे, धीक्‍पा झ्‍यीयेला ॱमातेर हीना छीवाने सो़न्‍पोला ठीक्‍ती होवा मीक्‍या च्‍योक्‍रे राङला को़न्‍क्षोकगी डुङदु फी़। धेनी राङगी येन्‍लाकक्‍या घीरी, ढाङतेनगी लेगा झ्‍यीगीन लाक्‍चा च्‍योक्‍रे को़न्‍क्षोकला फी़।

रोमापा 6:13 Iomraidhean Croise

लुका 15:24

घीझ्‍येरी ॱनाना ङी भीजा दे स्‍यीवालाक धेनी याङ सो़न्‍दी होजुङ। धेनी तोरपालाक धेनी ॱङेजुङ।’ धेनी खुङक्‍याई कीपो ताङये गो चुक्‍पालाक।

लुका 15:32

हीना कीपो तारी ङ्यामो घा घोये हो़तालाक घीझ्‍येरी ॱनाना ख्‍यी़ नो, दे स्‍यीवालाक याङ सो़न्‍दी होजुङ। तोरपालाक धेनी ॱङेजुङ।’”

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

रोमापा 1:29

खुङक्‍या नी, चो़पा दुकच्‍या धाङ ङेन्‍पा धाङ सो़न्‍ना धाङ ङेन्‍सेम ॱनाछोकगी खाङ हो़तालाक। धेनी खुङक्‍या ठादोक धाङ मी सोक चेये धाङ ठुक्‍पा ग्‍याप्‍ये धाङ गो कोरये धाङ दाङसेमगी खाङ हो़तालाक। धेनी खुङक्‍या ठामा ग्‍याप्‍ये

रोमापा 12:1

होझ्‍येरी पी़नक्‍याओ, को़न्‍क्षोकगी खेक्‍याला ॱङीङजे शीया जेदी, खोङगी डुङदु धाम्‍पा धाङ थुक्‍ङेउ झ्‍युङयेला, राङगी ली़गो क्षो़पा सो़न्‍पो च्‍योक्‍रे फी़ ॱनेरी, ङा खेक्‍याला श्‍योवा पुलाहीन। देराङ खेक्‍याई खोङबाला पु घो़गीन क्षाक्‍क्षो़पा धेन्‍पागो लाक।

रोमापा 6:11

देरेराङ झ्‍येरी खेक्‍याः धीक्‍पे वाङ होकदु ॱमेनेला स्‍यीछारसा, हीना मास्‍यीका येशु थोक्‍ने को़न्‍क्षोकगी शीजेगी क्षीदु सो़न्‍पो चीघो़।

रोमापा 6:16

धा काला चीगीन ढेन्‍योक च्‍योक्‍रे खेक्‍याई राङला सु चारु पुली, खेक्‍या होदेगीराङ काला ङेन्‍गीन ढेन्‍योक झ्‍युङालाक ॱनेरी खेक्‍या ॱमेस्‍येलाले? खेक्‍या याङना छीवाला ठीक्‍कीन धीक्‍पागी ढेन्‍योक याङना ढाङतेनला ठीक्‍कीन, को़न्‍क्षोकगी काला ङेन्‍गीन ढेन्‍योक झ्‍युङालाक।

रोमापा 6:19

खेक्‍याई ॱहाघोयेगी नी़पा क्‍योवा झ्‍येरी, ङा खेक्‍याला मीछेगी ङीन्‍रेगी पे तो़न्‍दी ॱनाहीन। खेक्‍याई थेङमा च्‍यीक राङला ॱमेचाङा धाङ ॱयोल्‍ले माङदु-माङदु डोगीन ङेन्‍पागी ढेन्‍योक झ्‍यीयेला तेरकीन च्‍योक्‍रे, धा धान्‍दा राङला धाम्‍पाला ग्‍युरयेगी क्षीदु ढाङतेनगी ढेन्‍योक झ्‍यीयेला फी़।

रोमापा 7:23

हीना ङी ली़गी नाङ, ठीम श्‍येम्‍मा च्‍यीकगी लेगा झ्‍यीगीनगो ङी थोङी। धेनी दे ङी सेमगी थेगीन ठीममुला थाप्‍ती, ङाला ङी नाङ लेगा झ्‍यीगीन धीक्‍पे वाङगी चो़न्‍पा शी़।

रोमापा 7:5

घीझ्‍येरी ॱनाना होराङ धीक्‍पे राङश्‍यीला छोवा क्‍याली घाङला, क्षो़ठीमगी झ्‍येरी लाङगीन दो़छाकक्‍याई होरी ली़ला लेगा कुलालाक। दी झ्‍येरी होराङक्‍याई छीवागी क्षीदु ढेबु केवालाक।

१ कोरीन्‍थुपा 6:15

खीकी ली़ नी मास्‍यीकागी येन्‍लाकक्‍या हीन्‍गीनगो, खेक्‍याला स्‍येये मेते? धा ङा मास्‍यीकागी येन्‍लाकक्‍या खेरती, श्‍याङचोङगीनगी येन्‍लाक शोये? देरे फुक्‍की माझ्‍युङास्‍योक।

१ कोरीन्‍थुपा 6:20

घीझ्‍येरी ॱनाना खेक्‍याला रीङ तेरती ङ्यो़ जेपालाक। होझ्‍येरी खीकी ली़गी थोक्‍ने, को़न्‍क्षोकला कुरती झ्‍यी।

१ कोरीन्‍थुपा 6:9

याङना मेढाङाक्‍याला को़न्‍क्षोकगी ग्‍यासीगी थोप्‍ताङ ॱमेथोप्‍कीलाक ॱनेरी, खेक्‍या ॱमेस्‍येलाले? खेक्‍या गो ॱमाखोर घीझ्‍येरी ॱनाना दो़लोक चो़गीनक्‍या याङना ल्‍हाकुन्‍डाला क्षो़गीनक्‍या याङना लोक्‍येम्‍पाक्‍या याङना फोलोमोलो झ्‍यीगीनक्‍या याङना फोगी फोला चो़गीनक्‍या,

२ कोरीन्‍थुपा 10:4

घीझ्‍येरी ॱनाना हेक्‍याई छो़न्‍छा नी, जीक्‍तेनगी छो़न्‍छा मालाक हीना हीकी छो़न्‍छाला, खारजोङक्‍या तोरस्‍यीक ताङ थुक्‍कीन, को़न्‍क्षोकगी नी़थु हो़क।

२ कोरीन्‍थुपा 5:14

घीझ्‍येरी ॱनाना मास्‍यीकागी झाम्‍पागी हेक्‍याला वाङग्‍युर जेदालाक। धेनी मी च्‍यीक घीरीगी दो़न्‍दु ढोङगीन झ्‍येरी, घीरी ढोवालाक ॱनेरी हेक्‍या तेन्‍देन हो़क।

२ कोरीन्‍थुपा 5:15

धेनी खोङबा घीरीगी क्षीदु ढोङा जेपालाक। धा सो़न्‍पो ॱनेगीनक्‍या राङगी क्षीदु मेन्‍दा, खुङक्‍याई क्षीदु ढोङा जेगीन धाङ ॱलार सो़न्‍पो श्‍याङा जेगीन, खोङ मास्‍यीकागी क्षीदु सो़न्‍पो ॱनेघो़।

२ कोरीन्‍थुपा 8:5

धेनी हीकी रेवा झ्‍येजाने ल्‍हाक, खुङक्‍याई एन्‍ला राङ-राङला चोवोला पुवालाक धेनी को़न्‍क्षोकगी थुकोङला तेन्‍ती, खुङक्‍याई राङ-राङला हेक्‍याई लागला ची ग्‍याप्‍पालाक।

एफीसुपा 2:5

होझ्‍येरी धीक्‍पागी नाङदु छी़दी, होराङ स्‍यीस्‍या च्‍योक्‍रे हो़नाः, खोङबागी होराङला मास्‍यीकामुला सो़न्‍पो जेपालाक। थुक्‍जेगी थोक्‍नेराङ, खेक्‍याला थारपा थोप हो़तालाक।

एफीसुपा 5:14

होझ्‍येरी सुङरापला देरे सुङ हो़तालाक, “ॱङी लोक्‍ती धेताक्‍याओ, लोङ धेनी छीवाने सो़न, धेनी मास्‍यीकागी खेक्‍याला हो़ ॱनाङगीलाक।”

फीलीप्‍पीपा 1:20

ङी सेम नाङगी दो़पा धाङ रेवा नी, ङाला ङोजा पाप्‍कीन घाने मीझ्‍युङवा, हीना ॱङीङक्षे झ्‍युरी सो़न्‍पो याङना छीवा हो़ना, ङी ली़ नाङ च्‍योक्‍ई च्‍योक्‍रे, धान्‍दा मास्‍यीकागी घुस्‍याप झ्‍युङये लाक।

कोलोसेपा 2:13

खेक्‍या खेरी धीक्‍पाक्‍याई झ्‍येरी स्‍यीस्‍या च्‍योक्‍रे, धेनी ली़ला पाउ ॱमाचेचा हो़ताराङ, को़न्‍क्षोकगी खेक्‍याला मास्‍यीकामुला सो़न्‍पो जेपालाक। धेनी खोङबागी होरी धीक्‍पा घीरी सेल जेदी,

कोलोसेपा 3:5

होझ्‍येरी खीकी नाङला हो़गीन लोक्‍येम धाङ ॱमेचाङा धाङ दो़क्षाक धाङ दो़ङेन धाङ कुन्‍डाला क्षो़ये हीन्‍गीन, दो़ङाम च्‍योक्‍रे जीक्‍तेनगी स्‍यीकाक्‍या सो़।

२ तीमोथेउ 2:15

ङो छामेघोगीन धाङ धेन्‍पागी का सावो ॱलाप्‍कीन लेजे च्‍योक्‍रे, राङगी राङला को़न्‍क्षोकगी डुङदु थुक्‍ङेउ झ्‍युङयेला घी थुप्‍तु थापस्‍यी झ्‍यी।

याकोब 4:1

खीकी घुङदु च्‍यो़पा धाङ ठुक्‍पाक्‍या घाङगी झ्‍येरी झ्‍युङाले? देक्‍या खीकी खोक्‍पी नाङदु थाप्‍ती धेगीन दो़क्षाकक्‍याने झ्‍युवामालाक से?

१ पेटो 2:24

होराङ धीक्‍पाला छोवा क्‍यायेगो भोरती, ढाङतेनगी दो़नला छोवा क्‍याये क्षीदु, खोङबागी राङगी कुली़ला होरी धीक्‍पाक्‍या ग्‍याङस्‍यीङ खाला खुरा जेपालाक। खोङगी ॱमाक्‍याई थोक्‍ने खेक्‍याला ढाक्‍सो़ थोप्‍पालाक।

१ पेटो 4:2

होझ्‍येरी ली़ नाङदु धेये हीन्‍गीन थुक्‍पे, खेक्‍या मीगी दो़पा मेन्‍दा, को़न्‍क्षोकगी थुकोङला मीछे क्‍यो।

१ योहान्‍ना 1:9

याङ होराङगी होरी धीक्‍पा झ्‍येहो़क ॱनेरी, खेलेन झ्‍यीना खोङबागी होरी धीक्‍पाक्‍या सेल्‍गीलाक धेनी मेढाङा घीरीने, होराङला चाङमा जेगीलाक। घीझ्‍येरी ॱनाना खोङबा ॱलोते छोक्‍पा धाङ ढाङपो हो़तालाक।