रोमापा 6:12 - ॱलोवा

¹² होझ्‍येरी दो़क्षाकगी वाङ होकदु मेडोयेगी क्षीला, धीक्‍पाला खेक्‍याई स्‍यीरी डोये हीन्‍गीन ली़ला वाङ झ्‍यीदु ॱमाच्‍युक।

रोमापा 6:12 Iomraidhean Croise

रोमापा 13:14

हीना खेक्‍या चोवो येशु मास्‍यीकागी गोठापक्‍या घो़न, धेनी धीक्‍पे राङश्‍यीगी दो़छाकक्‍या डुप्‍येगी साम्‍लो ॱमाताङ।

रोमापा 2:8

हीना राङदो़ चागीन धाङ धेन्‍पाला ॱमीचीगीन धेनी ङेन्‍पाला घागीनक्‍याई, खाला खोङगी ठीम्‍चो़ थुक्‍ठो़गी गोने फोक्‍कीलाक।

रोमापा 5:21

होझ्‍येरी छीवागी थोक्‍ने, धीक्‍पागी वाङ झ्‍यीगीन च्‍योक्‍रे, ढाङतेनगी थोक्‍ने होरी चोवो येशु मास्‍यीकागी थोक्‍ने, थामेपे छेसोक ॱनाङयेला थुक्‍जेगीयाः वाङ झ्‍यीदालाक।

रोमापा 6:14

धा धीक्‍पागी खेक्‍याला वाङ झ्‍यीगीमालाक घीझ्‍येरी ॱनाना खेक्‍या क्षो़ठीमगी वाङ होकदु मेन्‍दा, थुक्‍जेगी वाङ होकदु हो़तालाक।

रोमापा 6:16

धा काला चीगीन ढेन्‍योक च्‍योक्‍रे खेक्‍याई राङला सु चारु पुली, खेक्‍या होदेगीराङ काला ङेन्‍गीन ढेन्‍योक झ्‍युङालाक ॱनेरी खेक्‍या ॱमेस्‍येलाले? खेक्‍या याङना छीवाला ठीक्‍कीन धीक्‍पागी ढेन्‍योक याङना ढाङतेनला ठीक्‍कीन, को़न्‍क्षोकगी काला ङेन्‍गीन ढेन्‍योक झ्‍युङालाक।

रोमापा 8:11

धेनी येशुला छीवाने कुसो़न्‍पो जेगीनगी थुक्‍ङी खेक्‍याई नाङ श्‍युक हो़ना, मास्‍यीका येशुला छीवाने कुसो़न्‍पो जेगीनगी खेक्‍याई नाङ श्‍युक्‍कीन, धाम्‍पे थुक्‍ङीगी थोक्‍ने खीकी छीवागी ली़लाः छेसोक ॱनाङगीलाक।

रोमापा 8:13

घीझ्‍येरी ॱनाना धीक्‍पे राङश्‍यीला तेन्‍दी छोवा क्‍याना, खेक्‍या स्‍यीगीलाक हीना धाम्‍पे थुक्‍ङीगी गोने धीक्‍पे लेगाक्‍या स्‍यीरु च्‍युक्‍ना, खेक्‍या सो़न्‍पो ॱनेगीलाक।

२ कोरीन्‍थुपा 4:11

घीझ्‍येरी ॱनाना येशुगी छेसोक, होरी छीवाला डोये हीन्‍गीन ली़ला ॱङो़न्‍दास्‍योक ॱनेरी, होराङ सो़न्‍पो हो़गीनक्‍या च्‍योई येशुगी क्षीदु छीवे खाला छी़दालाक।

२ कोरीन्‍थुपा 5:4

धेनी होराङ दे घुर नाङदु हो़ताराङ, दुङागी खारी थाङ क्षेदालाक। दे होराङ ॱमाराङा धेयेगी क्षीदु मेन्‍दा, देले ल्‍हाक नाम्‍खे श्‍यीङखामगी ॱनेसागी घो़ घो़न्‍येगी क्षीदु लाक। धेनी मेताला डोये हीन्‍गीनगो, छेसोकगी नाङ छी़दास्‍योक ॱनेरी लाक।

गालातीयापा 5:16

हीना ङा ॱनाहीन, धाम्‍पे थुक्‍ङीने मीछे क्‍यो धेनी ख्‍यी़ खेरी ली़गी दो़पाक्‍या डुप्‍तु च्‍युक्‍कीमालाक।

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

एफीसुपा 2:3

खुङक्‍याई घुङदु होराङ घीरीयाः राङगी दो़क्षाकगी वाङ होकदु धेदी, राङगी ली़सेमगी दो़पाला थी़न्‍गीन लेगाक्‍या एम्‍मा झ्‍यीदालाक। धेनी मी श्‍येम्‍माक्‍या च्‍योक्‍रे, होराङक्‍याला को़न्‍क्षोकगी थुक्‍ठो़ फोक घोये हो़तालाक।

एफीसुपा 4:22

दे नी ॱली़गीन दो़छाकगी रुरा, एम्‍मा मीछेगी च्‍यो़पाला थी़न्‍गीन खेरी च्‍यो़पा ॱङीङबागो पोङ।

२ तीमोथेउ 2:22

होझ्‍येरी श्‍योन्‍नुगी दो़क्षाकक्‍या पोङ धेनी सेम चाङमागी थोक्‍ने, चोवोगी छेन जो़गीनक्‍यामुला ढाङतेनगी मीछे धाङ धेपा धाङ झाम्‍पा धाङ श्‍यीदेगी ॱमीक्‍यु चो।

तीतोस 2:12

होदे थुक्‍जेगी होराङला क्षो़ला ॱमीथी़न्‍गीन धाङ जीक्‍तेनगी दो़पाक्‍या पाङदी, दे जीक्‍तेनदु साम्‍लो थोङा धाङ ढाङपो धाङ को़न्‍क्षोकला थुक्‍ङेउ मीजी पी़येला, ॱलापच्‍या ॱनाङालाक।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

१ पेटो 1:14

खेक्‍या टुवा खाला ङेन्‍पोक्‍या च्‍योक्‍रे, एम्‍मा खीकी ॱमास्‍येवाला झ्‍येजा दो़छाकक्‍याला याङ खेक्‍या माडे।

१ पेटो 2:11

चेवे रोवाक्‍याओ, ङा खेक्‍याला श्‍योवा पुलाहीन, खेक्‍या ॱनेचाङ ॱयारती धेगीन धाङ ङो ॱमेस्‍येगीन मीक्‍या झ्‍येरी, राङगी सेम्‍ङीगी डाला हो़गीन ली़गी दो़क्षाकक्‍या पोङ।

युदा 1:16

दे मीक्‍या दुकेक ग्‍याप्‍कीन धाङ श्‍येम्‍माला क्‍यो़न चुक्‍कीन धेनी राङगी दो़छाकला चो़गीन धाङ राङ-राङला तो़पा ताङगीन धेनी राङगी फेन्‍थोकगी क्षीला, श्‍येम्‍माला खा जेवे तो़टा ताङगीनक्‍या लाक।

युदा 1:18

खुङक्‍याई खेक्‍याला ॱनेवालाक, “थामे ङीमाक्‍याला, राङगी क्षोमेगीन दो़छाकगी स्‍याम्‍ला डारी, चोवोला छाले ग्‍याप्‍कीनक्‍या हुङगीलाक।”