रोमापा 6:10 - ॱलोवा

¹⁰ खोङ ढोङगीनगो नी, धीक्‍पागी वाङ तोरस्‍यीक जेयेगी क्षीदु, थेङ च्‍यीकला ढोङपालाक हीना खोङ छोवा क्‍यागीनगो नी, को़न्‍क्षोकगी शीजेगी क्षीदु क्‍यालालाक।

रोमापा 6:10 Iomraidhean Croise

लुका 20:38

खोङबा स्‍यीम्‍बुगी को़न्‍क्षोक मेन्‍दा, सो़न्‍पोगी को़न्‍क्षोक लाक घीझ्‍येरी ॱनाना खोङबागी ॱमीक्‍वादु घीरी सो़न्‍पो लाक।”

रोमापा 6:11

देरेराङ झ्‍येरी खेक्‍याः धीक्‍पे वाङ होकदु ॱमेनेला स्‍यीछारसा, हीना मास्‍यीका येशु थोक्‍ने को़न्‍क्षोकगी शीजेगी क्षीदु सो़न्‍पो चीघो़।

रोमापा 6:9

घीझ्‍येरी ॱनाना मास्‍यीका छीवाने कुसो़न्‍पो श्‍याङस्‍या झ्‍येरी, खोङ धाब्‍ले नामा ढोङा मेजेगीलाक धेनी देने ॱहाला छीवागी वाङ खोङ खाला मेतालाक ॱनेरी, होराङ स्‍येलालाक।

रोमापा 8:3

होरी ली़गी क्‍योवा शो़सा क्षो़ठीमगी झ्‍यी ॱमाथुक्‍कीनगो, को़न्‍क्षोकगी राङगी से धीक्‍पे राङश्‍यीगी ली़ला धीक्‍पे ॱमारछो़ झ्‍युङयेला झाङा जेदी, होदे जेपालाक। धेनी देरे झ्‍येरी खोङगी धीक्‍पाला ली़लाराङ छेपा का जेपालाक।

२ कोरीन्‍थुपा 5:15

धेनी खोङबा घीरीगी क्षीदु ढोङा जेपालाक। धा सो़न्‍पो ॱनेगीनक्‍या राङगी क्षीदु मेन्‍दा, खुङक्‍याई क्षीदु ढोङा जेगीन धाङ ॱलार सो़न्‍पो श्‍याङा जेगीन, खोङ मास्‍यीकागी क्षीदु सो़न्‍पो ॱनेघो़।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

१ पेटो 4:6

होझ्‍येरी मीला च्‍योक्‍रे स्‍यीम्‍पोक्‍याला ली़ला ठीम्‍चो़ झ्‍येहो़नाः, सेम्‍ङीला खुङक्‍या को़न्‍क्षोक च्‍योक्‍रे सो़न्‍पो ॱनेयेगी क्षीदु, खुङक्‍यालाः ताम्‍शाङगो स्‍येपालाक।