रोमापा 5:9 - ॱलोवा

⁹ धा खोङगी कुठाकगी गोने होराङ ढाङपो चीचा झ्‍येरी, खोङगी थोक्‍ने होराङ को़न्‍क्षोकगी थुक्‍ठो़ने ॱयो़ल्‍ले माङा थारकीलाक।

रोमापा 5:9 Iomraidhean Croise

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

रोमापा 1:18

घीझ्‍येरी ॱनाना धेन्‍पाला राङगी ङेन्‍पे गोने ॱनेम्‍गीन, क्षो़ला ॱमीचीगीन मी धाङ मी ङेन्‍पा घीरीगी खाला, नाम्‍खे श्‍यीङखामने को़न्‍क्षोकगी थुक्‍ठो़ ॱङो़न जे हो़तालाक।

रोमापा 5:1

होझ्‍येरी धेपागी गोने होराङ ढाङपो चीचा झ्‍येरी, होराङ होरी चोवो येशु मास्‍यीकागी थोक्‍ने, को़न्‍क्षोकमुला दुम्‍पालाक।

रोमापा 5:10

घीझ्‍येरी ॱनाना होराङ को़न्‍क्षोकगी डा हो़ती घाङला, खोङबागी से ढोङगीनगी थोक्‍ने, खोङबामुला होराङ दुमा जेहो़ना, धा दुमा जेसारती मास्‍यीकागी छेगी थोक्‍ने होराङ ॱयोल्‍ले माङा थारकीलाक।

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

रोमापा 8:30

धेनी खोङगी खुङक्‍याला दामा जेदी, खुङक्‍याला राङचारु भो़याः जेपालाक। धेनी खोङगी राङचारु भो़ जेजाक्‍याला, ढाङपोवाः जेपालाक। धेनी ढाङपो जेजाक्‍याला राङगी शीजेगोवाः ॱनाङा जेपालाक।

एफीसुपा 2:13

हीना होदे धी़ला, खेक्‍या मास्‍यीका येशुने थाक्‍रीङा हो़गीनक्‍या, धान्‍दा मास्‍यीकागी कुठाकगी गोने ङ्येला ठीक हो़तालाक।

एफीसुपा 2:3

खुङक्‍याई घुङदु होराङ घीरीयाः राङगी दो़क्षाकगी वाङ होकदु धेदी, राङगी ली़सेमगी दो़पाला थी़न्‍गीन लेगाक्‍या एम्‍मा झ्‍यीदालाक। धेनी मी श्‍येम्‍माक्‍या च्‍योक्‍रे, होराङक्‍याला को़न्‍क्षोकगी थुक्‍ठो़ फोक घोये हो़तालाक।

१ थेसालोनीकेपा 1:10

छीवाने सो़न्‍पो जेगेन, खोङबागी से येशु नाम्‍खे श्‍यीङखामने फेप्‍येला, खेक्‍या घुक्‍ती धेगीनगो, मीमाङक्‍याराङ हेक्‍याला स्‍येदीक। माउपारला को़न्‍क्षोकगी थुक्‍ठो़ने, होराङक्‍याला येशुगीराङ थारपा जेगीलाक।

ईब्‍रीपा 9:14

होराङ सो़न्‍पो को़न्‍क्षोकला श्‍याप्‍ची श्‍यु थुप्‍येगी क्षीदु, मास्‍यीकागी कुठाकगी होरी स्‍येशाङला, धीक्‍पे लेगाक्‍याने देले ल्‍हाक चाङमा शो थुप्‍की माले? घीझ्‍येरी ॱनाना थामेपे थुक्‍ङीगी नी़थुगी गोने, होरी धीक्‍पाक्‍याई क्षीदु मास्‍यीकागी राङला याङदाक्‍पे ॱमारछो़ च्‍योक्‍रे को़न्‍क्षोकला पुवालाक।

ईब्‍रीपा 9:22

ॱङोन्‍ने झ्‍यीना क्षो़ठीमला तेन्‍ना, घीरी ठाकगी थोक्‍ने चाङमा झ्‍यीदालाक धेनी ठाक ॱमाली़वा धीक्‍पाक्‍या सेये मेतालाक।

१ योहान्‍ना 1:7

हीना खोङबा हो़क नाङला हो़गीन च्‍योक्‍रे होराङक्‍या हो़क नाङला ग्‍युक्‍ना, होराङक्‍या च्‍यीकगी च्‍यीक नाङदु थी़न्‍डील झ्‍युङालाक धेनी खोङबागी से येशुगी कुठाकगी होराङक्‍याला, धीक्‍पा घीरीने चाङमा जेदालाक।