रोमापा 5:6 - ॱलोवा

⁶ होराङ थापक्‍योवा हो़ती घाङलाराङ मास्‍यीका धीक्‍चेनक्‍याई क्षीदु, को़न्‍क्षोकगी दामा जेजा धी़ तीक-तीकगोला ढोङा जेपालाक।

रोमापा 5:6 Iomraidhean Croise

रोमापा 11:26

धेनी देरे झ्‍येरी ईस्‍राएल्‍पा घीरीला थारपा थोप्‍कीलाक। सुङरापला देरे ढीक हो़तालाक, “क्‍याम्‍गो़न नी सीयोनने फेप्‍कीलाक, खोङगी याकोबने लेङेन घीरी मेताला जेगीलाक।

रोमापा 4:25

होरी धीक्‍पाक्‍याई झ्‍येरी, येशु छीवाला तेरपालाक धेनी होराङला ढाङपो जेयेगी क्षीदु, खोङ कुसो़न्‍पो श्‍याङदु च्‍युक्‍पालाक।

रोमापा 4:5

हीना लेगा मीझ्‍यीगीन धाङ क्षो़ ॱमीचीगीनक्‍याला ढाङपो जेगीन को़न्‍क्षोकला, धेपा झ्‍यीना होदे मीगी धेपागो ढाङपो चीलालाक।

रोमापा 5:10

घीझ्‍येरी ॱनाना होराङ को़न्‍क्षोकगी डा हो़ती घाङला, खोङबागी से ढोङगीनगी थोक्‍ने, खोङबामुला होराङ दुमा जेहो़ना, धा दुमा जेसारती मास्‍यीकागी छेगी थोक्‍ने होराङ ॱयोल्‍ले माङा थारकीलाक।

रोमापा 5:7

धेनी मी शाङपोगी क्षीदु ॱरोक ॱलो़ ताङगीनक्‍या हो़ना, मी ढाङपोगी क्षीदु ॱरोक ॱलो़ ताङगीनक्‍या को़म्‍पो हो़टु।

रोमापा 5:8

हीना होराङक्‍या धीक्‍चेन हो़ती घाङलाराङ, मास्‍यीका होरी क्षीदु ढोङा जेपालाक। दी गोने को़न्‍क्षोकगी होरी क्षीदु राङगी झाम्‍पा तो़न जेपालाक।

रोमापा 8:32

को़न्‍क्षोकगी राङगी सेला फाङा माजेदा, होराङ घीरीगी क्षीदु ॱलो़ ताङ जेपालाक। धा देरे हीन्‍ना खोङबागी होराङला राङगी सेमुला, श्‍येम्‍मा दो़न घीरीयाः ॱनाङगीमालाक से?

रोमापा 8:34

धा ॱहाना होराङला सी़ ठीम्‍चो़ झ्‍यीगीले? सी़या झ्‍यीगीमालाक। घीझ्‍येरी ॱनाना मास्‍यीका येशु नी, होरी क्षीदु ढोङा जेपालाक। धेनी याङ कुसो़न्‍पो श्‍याङा जेपालाक धेनी खोङ को़न्‍क्षोकगी क्षाक ॱयेरु श्‍युक्‍वा जेदी, होरी क्षीदु श्‍योवा पुली हो़तालाक।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

गालातीयापा 4:4

हीना धी़चो़ ताक्‍तागो होसारती, को़न्‍क्षोकगी राङगी से ताङा जेपालाक। धेनी क्षो़ठीमगी होकदु हो़गीन, होराङक्‍याला थारपा जेये धाङ होराङ खोङगी से धाङ सेमो झ्‍युङयेला, खोङबा भोमो च्‍यीकने क्षो़ठीमगी होकदु ठुङवालाक।

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

कोलोसेपा 2:13

खेक्‍या खेरी धीक्‍पाक्‍याई झ्‍येरी स्‍यीस्‍या च्‍योक्‍रे, धेनी ली़ला पाउ ॱमाचेचा हो़ताराङ, को़न्‍क्षोकगी खेक्‍याला मास्‍यीकामुला सो़न्‍पो जेपालाक। धेनी खोङबागी होरी धीक्‍पा घीरी सेल जेदी,

१ थेसालोनीकेपा 5:9

घीझ्‍येरी ॱनाना को़न्‍क्षोकगी होराङला, खोङबागी थुक्‍ठो़ ङ्याङयेला दामा माजेपालाक हीना चोवो येशु मास्‍यीकाने थारपा थोप्‍येगी क्षीला दामा जेपालाक।

१ तीमोथेउ 1:9

दे स्‍येरी, क्षो़ठीम दे मी ढाङपोगी क्षीला मेन्‍दा, ठीम तोरकीन धाङ खाला मेङेन्‍गीन धेनी क्षो़ ॱमीचीगीनक्‍या धाङ धीक्‍चेनक्‍या धेनी धाम्‍पा मेगीन धाङ क्षो़ला दो़नाङ मीझ्‍यीगीनक्‍या धेनी फामा सेगीनक्‍या धाङ मी सेगीनक्‍या,

तीतोस 2:12

होदे थुक्‍जेगी होराङला क्षो़ला ॱमीथी़न्‍गीन धाङ जीक्‍तेनगी दो़पाक्‍या पाङदी, दे जीक्‍तेनदु साम्‍लो थोङा धाङ ढाङपो धाङ को़न्‍क्षोकला थुक्‍ङेउ मीजी पी़येला, ॱलापच्‍या ॱनाङालाक।

ईब्‍रीपा 8:3

चो क्षो़पो़न हो़लेगो, क्षो़पा धाङ ॱमारछो़क्‍या पुयेगी क्षीदु को़वालाक। होझ्‍येरी होदे चो क्षो़पो़नलाः क्षो़पा पुये रे घो़वालाक।

ईब्‍रीपा 9:26

देरे मेन्‍ना जीक्‍तेन को़ने ॱहाला, खोङबागी याङ-याङ दुक्‍पो ङ्याङ घोये हो़तालाक। हीना खोङबा राङगी ॱमारछो़गी थोक्‍ने, धीक्‍पा घीरी सेयेगी क्षीला, थेङ च्‍यीक्‍लाराङ घीरीगी क्षीदु दे धी़गी थाला ॱङो़न जेपालाक।

१ पेटो 1:20

जीक्‍तेन ॱमाको़ एन्‍लाराङ मास्‍यीकाला दामा जेपालाक हीना खेक्‍याई क्षीदु थामे धी़ला खोङबा ॱङो़न्‍दा जेपालाक।

२ पेटो 3:7

हीना को़न्‍क्षोकगी होदे कागी थोक्‍नेराङ, धान्‍दागी ॱनाम-सा ॱङीला मेगी ॱराक्‍येगी क्षीदु श्‍याक हो़तालाक धेनी ठीम्‍चो़गी ङीमा धाङ को़न्‍क्षोकगी काला मेङेन्‍गीनक्‍याला चामेदु ताङयेगी धी़ थुक्‍पेगी क्षीदु, श्‍याक हो़तालाक।

युदा 1:15

धेनी घीरीला ठीम्‍चो़ जेये धाङ क्षो़ मेगीन, मी घीरीगी झ्‍येजा क्षो़ला ॱमीथी़न्‍गीन लेगा घीरी धाङ क्षो़ मेगीन मीक्‍याई, खोङबागी कोरला छीक चुक्‍वा ॱनागीन घीरीगी क्षीला छेपा जेयेला, खोङबा फेप्‍कीलाक।”

युदा 1:18

खुङक्‍याई खेक्‍याला ॱनेवालाक, “थामे ङीमाक्‍याला, राङगी क्षोमेगीन दो़छाकगी स्‍याम्‍ला डारी, चोवोला छाले ग्‍याप्‍कीनक्‍या हुङगीलाक।”

युदा 1:4

घीझ्‍येरी ॱनाना एम्‍माने ॱहाला ङेपा फोक्‍येला, थाक्‍चो़चा मी रीङगा, खेक्‍याई खोक्‍दु साङवाने जुदुक। खुङक्‍या को़न्‍क्षोकला ॱमीचीगीन मी लाक। खुङक्‍याई होरी, को़न्‍क्षोकगी थुक्‍जेला ॱयो़री दो़छाकला ग्‍युरदुक धेनी होरी दाक्‍पो धाङ चोवो च्‍यीगारा हीन्‍गीन, मास्‍यीका येशुला खेलेन मीझ्‍यीदालाक।