20 धीक्पा फेरु च्युक्येगी क्षीदु क्षो़ठीम ॱनावालाक। हीना धीक्पा फेसारु, को़न्क्षोकगी थुक्जे ॱयोल्ले माङा फेवालाक।
धेनी छुची ॱङावाला होवा मीलाकक्या होरी खुङक्याला ङीन्घाङगी ॱलाज्या जोरपालाक।
सोङ धेनी ‘ङा क्षो़पाला मेन्दा, ॱङीङजे घाई हो़क।’ ॱनागीनगी दो़न्दाकगो ॱहाघोरा झ्यी, घीझ्येरी ॱनाना ङा ढाङतेनक्याला मेन्दा, धीक्चेनक्याला भो़रु होवाहीन।”
होझ्येरी ङा ख्यो़ला ॱनाहीन, मी़ धीक्पा माङागोला सेसालाक घीझ्येरी ॱनाना मी़ माङा चेवा झ्येवालाक। हीना घोयाङ ङ्युङा थोप्कीनगी़ चेवा ङ्युङा झ्यीदालाक।”
कुमा नी कुरु धाङ सेदु धाङ मेताला ताङदु हुङालाक। ङा नी, घीरीला छे मेछो़ली थोप्येगी क्षीला होवाहीन।
“ङा होरी खुङक्याला ॱमास्ये हो़ना, खुङक्याला धीक्पागी क्यो़न मेक हीना धा खुङक्याला खोरी धीक्पा माझ्येहो़क, ॱनायेगी ग्युम्जे मेक।
घीझ्येरी ॱनाना क्षो़ठीमगी थुक्ठो़ खेरती हुङालाक। धेनी क्षो़ठीम मेसारु, क्षो़ठीम ॱमीचीगीन लेगागोवाः मेयोङालाक।
धा ॱहाना होराङ घी ॱनाये? थुक्जे फेयेगी क्षीदु होराङक्या धीक्पा साक्ती डोगुले?
धा धीक्पागी खेक्याला वाङ झ्यीगीमालाक घीझ्येरी ॱनाना खेक्या क्षो़ठीमगी वाङ होकदु मेन्दा, थुक्जेगी वाङ होकदु हो़तालाक।