रोमापा 5:18 - ॱलोवा

¹⁸ होझ्‍येरी मी च्‍यीकगी धीक्‍पागी, मी घीरीला छेपा फोक्‍तु च्‍युक्‍पालाक धेनी देरेराङ झ्‍येरी, मी च्‍यीकगी ढाङतेनगी लेगागी मी घीरीला ढाङपो चीवालाक धेनी छेसोक ॱनाङालाक।

रोमापा 5:18 Iomraidhean Croise

योहान्‍ना 1:7

खोङगी थोक्‍ने मी घीरीगी धेपा झ्‍यीयास्‍योक ॱनेरी, खोङ होदे हो़गी धेन्‍पाङ झ्‍यीयेला पाङपो झ्‍युरी होवालाक।

योहान्‍ना 12:32

धेनी ङा साश्‍यीने याला फायी घाङला, ङी घीरीला राङगी डुङदु धी़येहीन।”

योहान्‍ना 3:26

धेनी खुङक्‍या योहान्‍नाचारु होरी श्‍यी़वालाक, “राब्‍बी, योरदान चाङबुगी ॱहाकीनरु खेराङमुला हो़गीन, खेराङगी धेन्‍पाङ जेजा मी दी, धान्‍दा ठी़सो़ ॱनाङी धेनी मीक्‍या घीरी खी़चारु डी़।”

जेपा 13:39

येशुला धेपा-झ्‍यीगीनक्‍या घीरी धीक्‍पाने थारपा थोप्‍ती, को़न्‍क्षोकगी डुङदु ढाङपो झ्‍युङगीलाक। दे लेगा मोशेगी ॱनाङना क्षो़ठीमगी डुप ॱमाथुक्‍पालाक।

रोमापा 3:25

धेनी खोङ मास्‍यीकागी कुठाक ॱली़री, धीक्‍पा सेल्‍येगी ॱमारछो़ झ्‍युङयेला, को़न्‍क्षोकगी खोङला पुवालाक। दे नी धेपा झ्‍येरी च्‍यीगा थोप्‍कीलाक। धेनी दे को़न्‍क्षोकगी राङगी ढाङतेन ॱङो़न्‍येगी क्षीदु जेपालाक घीझ्‍येरी ॱनाना एम्‍मा को़न्‍क्षोकगी शो़पा जेदी, मीक्‍याई झ्‍येजा धीक्‍पाक्‍याला छेपा का माजेपालाक।

रोमापा 4:25

होरी धीक्‍पाक्‍याई झ्‍येरी, येशु छीवाला तेरपालाक धेनी होराङला ढाङपो जेयेगी क्षीदु, खोङ कुसो़न्‍पो श्‍याङदु च्‍युक्‍पालाक।

रोमापा 5:12

होझ्‍येरी मी च्‍यीकगी थोक्‍ने, जीक्‍तेनदु धीक्‍पा झ्‍युवालाक धेनी धीक्‍पाने छीवा झ्‍युवालाक। धेनी मी घीरीगी धीक्‍पा झ्‍येजा झ्‍येरी, मी घीरीगी खाला छीवा झ्‍युवालाक।

रोमापा 5:15

हीना आदामगी धीक्‍पा धाङ को़न्‍क्षोकगी ॱनाङज्‍यीन ॱङीउ मेडालालाक। घीझ्‍येरी ॱनाना मी च्‍यीकगी धीक्‍पागी झ्‍येरी मी माङा स्‍यी हो़ना, येशु मास्‍यीका च्‍यीकगी थुक्‍जेगी थोक्‍ने, को़न्‍क्षोकगी थुक्‍जे धाङ ॱनाङज्‍यीनगो देले ल्‍हाक मीक्‍याला थोप्‍पालाक।

रोमापा 5:19

घीझ्‍येरी ॱनाना मी च्‍यीकगी काला ॱमाचीगीन केनगी, मी माङा धीक्‍चेन झ्‍युजा च्‍योक्‍रे, मी च्‍यीकगी काला ङेन्‍गीनगी मी माङा ढाङपो चीगीलाक।

रोमापा 6:14

धा धीक्‍पागी खेक्‍याला वाङ झ्‍यीगीमालाक घीझ्‍येरी ॱनाना खेक्‍या क्षो़ठीमगी वाङ होकदु मेन्‍दा, थुक्‍जेगी वाङ होकदु हो़तालाक।

१ कोरीन्‍थुपा 15:22

आदामगी थोक्‍ने मी घीरी ढोङगीन च्‍योक्‍रे, मास्‍यीकागी थोक्‍ने घीरी सो़न्‍पो जेगीलाक।

ईब्‍रीपा 2:9

हीना होराङ येशुला थोङालाक। खोङबा ॱनेकापगी क्षीदु नाम्‍खे भाङछेनक्‍याने च्‍यीमे ॱमावा जेपालाक। खोङगी छीवे दुक्‍पु ङ्याङङ्या झ्‍येरी, खोङला शीजे धाङ कुरतीगी चो़पो़न को़न्‍बालाक। धेनी दे नी को़न्‍क्षोकगी थुक्‍जेगी गोने, मी घीरीगी दो़न्‍दु खोङबागी छीवे दुक्‍पु ङ्याङास्‍योक ॱनेरी लाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

१ योहान्‍ना 2:20

हीना धाम्‍पा हीन्‍गीनगी थोक्‍ने, खेक्‍याला धाम्‍पे थुक्‍ङीगी वाङ थोप हो़तालाक धेनी खेक्‍या घीरीगी धेन्‍पागो ॱहाघोरालाक।