रोमापा 4:11 - ॱलोवा

¹¹ आब्‍राहामगी पाउ चेगीन ताक माग्‍याप घाङलाराङ, खोङगी धेपागी झ्‍येरी ढाङपो चीचागी ताकगी क्षीदु, खोङला पाउ चेगीन ताक दे थोप्‍पालाक। दी ॱमीक्‍यु नी, पाउ चेदी ताक माग्‍यापक्‍या हीना धेपा झ्‍यीगीन घीरीगी यापगो, खोङला को़येगी क्षीदु लाक। धेनी खुङक्‍याला धेपागी झ्‍येरी ढाङपो चीगीलाक।

रोमापा 4:11 Iomraidhean Croise

मेथा 16:16

सीमोन पेटोगी ॱनेवालाक, “खेराङ नी मास्‍यीका, सो़न्‍पो को़न्‍क्षोकगी सेगो लाक।”

मेथा 8:11

ङा खेक्‍याला ॱनाहीन, स्‍यार धाङ नुप स्‍योकने मी माङा होरी, आब्‍राहाम धाङ ईसाक धाङ याकोबमुला नाम्‍खे ग्‍यासीदु श्‍युक्‍टाला धेगीलाक।

लुका 19:9

धेनी येशुगी खोला सुवालाक, “धीरीङ दे नाङदु थारपा ॱलेप्‍दुक घीझ्‍येरी ॱनाना मी देयाः आब्‍राहामगी भु लाक।

योहान्‍ना 3:33

खोङबागी पाङपो जेगीनला खेलेन्‍गीनक्‍याई, को़न्‍क्षोक धेन्‍पा हीन्‍गीनगी पाङपो झ्‍यीदालाक।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

योहान्‍ना 6:35

येशुगी खुङक्‍याला सुङा जेपालाक, “ङा नी छेगी ग्‍याङगा हीन। ङीचारु हुङगीन ॱमेतोक्‍कीलाक धेनी ङाला धेपा झ्‍यीगीनगो नामा ॱमेकोम्‍गीलाक।

योहान्‍ना 6:40

घीझ्‍येरी ॱनाना ङी यापगी थुकोङ नी, सेला ज्‍यारी धेपा झ्‍यीगीनला थामेपे छेसोक थोप्‍घोगुलाक धेनी थामे ङीमागोला ङा खोला सो़न्‍पो ॱलाङयेहीन।”

योहान्‍ना 6:47

“ङा खेक्‍याला धेन्‍पा धेनक्‍याङ ॱनाहीन, धेपा झ्‍यीगीनगोला थामेपे छेसोक हो़तालाक।

योहान्‍ना 8:33

खुङक्‍याई खोङबाला श्‍यी़वालाक, “हेक्‍या आब्‍राहामगी भुग्‍यु हीन धेनी नामा सी़या ढेन्‍योकला स्‍योर माङ्युङ। धा खेराङगी हेक्‍याला ‘खेक्‍याला राङवाङ जेगीलाक’ सुङगीनगी दो़नगो घी ले?”

रोमापा 10:11

सुङरापला देरे ढीक हो़तालाक, “खोङला धेपा झ्‍यीगीन सुलाः ङोछारु ॱमीच्‍युक्‍कीलाक।”

रोमापा 10:4

घीझ्‍येरी ॱनाना धेपा झ्‍यीगीन घीरी को़न्‍क्षोकगी डुङदु ढाङपो चीयेगी क्षीला, मास्‍यीकागी क्षो़ठीमगी दो़न्‍दाकगो डुपा जेपालाक।

रोमापा 10:6

हीना धेपाने झ्‍युङगीन ढाङतेनगी देरे सुङालाक, “राङगी सेम नाङदु ‘नाम्‍खे श्‍यीङखामदु सु डोगीले?’ ॱनेरी ॱमाना। (दे नी मास्‍यीकाला माला ठीक्‍ती, हुङयेगी क्षीला लाक।)

रोमापा 3:22

धेनी को़न्‍क्षोकगी डुङदु होराङ ढाङपो झ्‍युङये दे, येशु मास्‍यीका खाला होरी धेपागी थोक्‍ने झ्‍युङालाक। धेनी दे नी, धेपा झ्‍यीगीन घीरीला ॱयेवा मेजेदा ॱनाङालाक।

रोमापा 3:26

हीना खोङबाराङ ढाङपो हीन्‍गीन धाङ येशुला धेपा झ्‍यीगीनक्‍याला खोङबागी ढाङपो जेयेगी क्षीदु, खोङबागी धान्‍दागी धी़ला मीक्‍याई धीक्‍पाला दो़नाङ जेदालाक।

रोमापा 3:30

धेनी को़न्‍क्षोक नी च्‍यीकराङ हो़तालाक। धेनी खोङबागी पाउ चेचाक्‍याला धेपागी थोक्‍ने, धाङ पाउ ॱमाचेचाक्‍यालाः धेपागी थोक्‍ने ढाङपो जेगीलाक।

रोमापा 4:10

धा दे घाङगी झ्‍येरी चीवाले? खोङगी पाउ चेदी ताक ग्‍याप्‍कीनगी एन्‍ला याङना स्‍याम्‍ला चीवाले? दे नी पाउ चेदी ताक ग्‍याप्‍कीनगी स्‍याम्‍ला मेन्‍दा, ताक ग्‍याप्‍कीनगी एन्‍ला झ्‍युवालाक।

रोमापा 9:30

धा ॱहाना होराङ घी ॱनाये? ढाङतेनला ॱमेचागीन याहुदापा मेन्‍गीनक्‍याला ढाङतेन थोप्‍दुक। धेनी दे ढाङतेन नी, धेपागी थोक्‍ने थोप्‍दुक।

रोमापा 9:33

दी कोरला सुङरापला देरे ढीक हो़तालाक, “तो़दाङ, ङा सीयोनदु थोक्‍कीन धाङ गेरु च्‍युक्‍कीन, धोगोङ च्‍यीक श्‍याक्‍येहीन। हीना खोङला धेपा झ्‍यीगीन सुवाः ङोछाला ॱमीछी़गीलाक।”

रोमापा 9:6

हीना को़न्‍क्षोकगी धाम्‍चा जेजागो माडुप्‍कीन मालाक। घीझ्‍येरी ॱनाना ईस्‍राएलने केक्‍या घीरी को़न्‍क्षोकगी मी मालाक।

२ कोरीन्‍थुपा 1:22

धेनी खोङबागी होराङक्‍या खाला, राङगी हीन्‍गीनगी थेचे ग्‍याप जे हो़तालाक धेनी खोङबागी थुक्‍ङीगो, होरी सेम नाङला गेलेनगी क्षीदु ॱनाङ हो़तालाक।

गालातीयापा 3:22

हीना मी घीरी धीक्‍पागी होकला ॱनेम हो़तालाक, ॱनेरी सुङरापगी ॱनालाक होझ्‍येरी को़न्‍क्षोकगी धाम्‍चा दे, येशु मास्‍यीकाला धेपा झ्‍यीगीनक्‍याला थोप्‍कीलाक।

गालातीयापा 3:29

धा खेक्‍या मास्‍यीकागी हीन्‍ना, खेक्‍या आब्‍राहामगी भुग्‍यु लाक धेनी को़न्‍क्षोकगी धाम्‍चाला थी़न्‍गीन ग्‍युज्‍यीनक्‍या लाक।

गालातीयापा 3:7

होझ्‍येरी धेपा झ्‍यीगीनक्‍या नी, आब्‍राहामगी टुवा लाक ॱनेरी खेक्‍या स्‍येलाझ्‍यी।

गालातीयापा 5:5

हीना धेपागी झ्‍येरी धाम्‍पे थुक्‍ङी गोने, होराङ ढाङतेनगी रेवाला घुक्‍ती धे हो़तालाक।

गालातीयापा 6:16

धा दे ठीमला चीरी ग्‍युक्‍कीन घीरी धाङ को़न्‍क्षोकगी मीरीक ईस्‍राएलला श्‍यीदे धाङ ॱङीङजे भापास्‍योक।

एफीसुपा 1:13

थारपागी ताम्‍शाङ, धेन्‍पे का ङेन्‍दी मास्‍यीकाला धेपा झ्‍यीगीन, खेक्‍याला को़न्‍क्षोकनेराङ धाम्‍चा जेजा धाम्‍पे थुक्‍ङीगी थेचे ग्‍याप हो़तालाक।

एफीसुपा 4:30

धेनी थारपे ङीमागी क्षीला धाम्‍पे थुक्‍ङीगी ताक ग्‍यापक्‍या झ्‍येरी, को़न्‍क्षोकगी धाम्‍पे थुक्‍ङीला क्‍योरु ॱमाच्‍युक।

फीलीप्‍पीपा 3:9

धेनी ङा खोङगी नाङ ॱने थुवास्‍योक। क्षो़ठीमला तेन्‍दी झ्‍युङगीन, ङी ङाराङगी ढाङतेन मेन्‍दा हीना धेपागी थोक्‍ने, को़न्‍क्षोकने थोप्‍कीन ढाङतेन दे, ङी मास्‍यीकाला धेपा झ्‍येरी थोप्‍पालाक।

ईब्‍रीपा 11:7

धेपागी गोने नोआगी होदे घाङला ॱमाथोथा ॱनेछुगी कोरला, को़न्‍क्षोकने ङेन्‍ता झ्‍युरी, राङगी नाङमीला क्‍योप्‍येला, खी़ ॱङीङकुर झ्‍येरी, डुश्‍यीङ च्‍यीक शो़वालाक। दी गोने, खी़ जीक्‍तेनगी क्‍यो़न तो़न्‍बालाक धेनी धेपाने झ्‍युङगीन ढाङतेनगी ग्‍युज्‍यीनगो, खोला थोप्‍पालाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

ॱङो़न्‍पा 9:4

होदेक्‍याला साश्‍यीला हो़गीन, चा धाङ चीस्‍यीङ ॱनाछोक धाङ स्‍यीङदोङ घीला ॱनो़ ॱमाक्‍या हीना टाल्‍लेला को़न्‍क्षोकगी थेचे मेगीन मीक्‍याला च्‍यीगा, ॱनो़ क्‍यो़ सुरी सुवालाक।