रोमापा 4:1 - ॱलोवा

¹ धा ॱहाना ली़गी छाने, हीकी मेमे आब्‍राहामगी कोरला घी ॱनागुलाक से? दो़न दी, कोरला खोङला घी थोप हो़टी़?

रोमापा 4:1 Iomraidhean Croise

मेथा 3:9

‘हेक्‍या आब्‍राहामगी ग्‍युपा हीन।’ ॱनेरी राङ-राङला ॱनाये ॱमासाम घीझ्‍येरी ॱनाना ङा खेक्‍याला ॱनाहीन, को़न्‍क्षोकगी दे धोगोङक्‍याने, आब्‍राहामगी क्षीला भुग्‍यु को़ जे थुक्‍कीलाक।

लुका 3:8

खेक्‍या खेरी धीक्‍पा पारी, सेमग्‍युर हो़गीनगी ढेबु तो़न धेनी राङला ‘हीकी याप आब्‍राहाम लाक।’ ॱनेरी ॱमाना, घीझ्‍येरी ॱनाना ङा खेक्‍याला ॱनाहीन, को़न्‍क्षोकगी दे धोगोङक्‍याने आब्‍राहामगी क्षीदु टुवाक्‍या को़ जे थुक्‍कीलाक।

योहान्‍ना 8:33

खुङक्‍याई खोङबाला श्‍यी़वालाक, “हेक्‍या आब्‍राहामगी भुग्‍यु हीन धेनी नामा सी़या ढेन्‍योकला स्‍योर माङ्युङ। धा खेराङगी हेक्‍याला ‘खेक्‍याला राङवाङ जेगीलाक’ सुङगीनगी दो़नगो घी ले?”

योहान्‍ना 8:53

हीकी याप आब्‍राहाम ढोवालाक धेनी ॱङो़नस्‍येखेनक्‍या ढोवालाक। धा ख्‍यो़ खुङक्‍याने खाक्‍क्षे हीने? ख्‍यो़ राङला सी़ हीन सामी हो़तो?”

योहान्‍ना 8:56

खीकी याप आब्‍राहामगी ङी ङीमा थोङङी दो़पालाक धेनी खोङगी थोरी ङ्यामो घेवालाक।”

जेपा 13:26

“पी़नक्‍याओ, आब्‍राहामगी ग्‍युपागी टुवाक्‍या धाङ को़न्‍क्षोकला जीक्‍नाङ झ्‍यीगीन याहुदापा मेन्‍गीनक्‍याओ, दे थारपागी का दे को़न्‍क्षोकगी होराङ घीरीगी क्षीला ॱनावालाक।

रोमापा 1:3

ताम्‍शाङ दे नी को़न्‍क्षोकगी सेगी कोरला लाक। खोङ नी, ली़ला ग्‍यावु दावीदगी दुङग्‍युने ठुङवालाक।

रोमापा 3:5

हीना होरी मेढाङा झ्‍यीगीन लेगाक्‍याई, को़न्‍क्षोकगी ढाङतेन सावो तो़न्‍ना, होराङ घी ॱनाये? को़न्‍क्षोकगी होरी खाला थुक्‍ठो़ जेगीनगोला, खोङ मेढाङा दुक ॱनेरी ॱनाये? (ङा मीगी क्षा श्‍याक्‍ती ॱनाहीन।)

रोमापा 4:16

होझ्‍येरी धाम्‍चागो थुक्‍जेला तेन्‍ती धेनी आब्‍राहामगी भुग्‍यु घीरीला गेन्‍लेन झ्‍युङयेगी क्षीदु, धेपागी खाला रा ली़दालाक। दे धाम्‍चा दे नी, क्षो़ठीम ॱरुङगीनक्‍याई क्षीदु च्‍यीगा मेन्‍दा, आब्‍राहामगी धेपा च्‍योक्‍रे हो़गीनक्‍याई क्षीदुवाः लाक। घीझ्‍येरी ॱनाना खोङ नी होराङ घीरीगी याप लाक।

रोमापा 6:1

धा ॱहाना होराङ घी ॱनाये? थुक्‍जे फेयेगी क्षीदु होराङक्‍या धीक्‍पा साक्‍ती डोगुले?

रोमापा 7:7

धा ॱहाना हेक्‍या घी ॱनाये? क्षो़ठीमगो धीक्‍पा लाक से? फुक्‍की मालाक। क्षो़ठीमगो मेना, ङी धीक्‍पा घी हीन्‍गीनगो ङोस्‍येये मेक। घीझ्‍येरी ॱनाना “ख्‍यी़ ॱहाम्‍बा माझ्‍यी।” ॱनेरी क्षो़ठीमगी ॱमाने हो़ना, ॱहाम्‍बा झ्‍यीयेगो घी ले ॱनेरी ङी स्‍येयेमेक।

रोमापा 8:31

धा ॱहाना होराङ दो़न देक्‍याई कोरला घी ॱनाये? को़न्‍क्षोक होरी छोकला हो़ना, सु होरी ग्‍यापला लाङ थुक्‍कीलाक से?

२ कोरीन्‍थुपा 11:22

धा खुङक्‍या ईब्‍रीपा ले? ङाः हीन। खुङक्‍या आब्‍राहामगी भी़टुक ले? ङाः हीन।

ईब्‍रीपा 12:9

दे च्‍यीगा मेन्‍दा, होराङला ॱलापच्‍या ग्‍याप्‍कीन होरी, जीक्‍तेनगी आकी हो़तालाक धेनी होरी खुङक्‍याला घुस्‍याप झ्‍यीदालाक। धा ॱहाना होराङ सेम्‍ङीगी यापला, होदेने ल्‍हाक काला ङेन्‍दी छोवा क्‍या घोगुमाले?