रोमापा 3:9 - ॱलोवा

⁹ धा ॱहाना थामे दो़नगो घी ले? हे याहुदापाक्‍या मी श्‍येम्‍माक्‍याने ल्‍हाक शाङा हो़तालाक से? मेतालाक, फुक्‍की मेतालाक। घीझ्‍येरी ॱनाना याहुदापा धाङ याहुदापा मेन्‍गीन, मी घीरी धीक्‍पे वाङ होकदु हो़तालाक ॱनेरी, ङी तो़न्‍साहो़क।

रोमापा 3:9 Iomraidhean Croise

लुका 7:39

खोङबाला डो़नला भो़गीन, फारुसीपागी़ दे थोरी खोरी सेम नाङदु देरे साम्‍बालाक, “दे मी दे ॱङो़नस्‍येखेन च्‍यीक हीन्‍ना खोराङला जुगीन केमीगो सु धाङ घारे च्‍यीक ले, ॱनेरी ॱहाघोरये हो़तालाक घीझ्‍येरी ॱनाना मो धीक्‍चेन च्‍यीक लाक।”

रोमापा 1:18

घीझ्‍येरी ॱनाना धेन्‍पाला राङगी ङेन्‍पे गोने ॱनेम्‍गीन, क्षो़ला ॱमीचीगीन मी धाङ मी ङेन्‍पा घीरीगी खाला, नाम्‍खे श्‍यीङखामने को़न्‍क्षोकगी थुक्‍ठो़ ॱङो़न जे हो़तालाक।

रोमापा 11:32

घीझ्‍येरी ॱनाना मी घीरीला थुक्‍जे ॱनाङयेगी क्षीला, को़न्‍क्षोकगी घीरीला काला मेङेन्‍गीन चो़न्‍पा च्‍योक्‍रेराङ श्‍याक जेपालाक।

रोमापा 11:7

धा ॱहाना घी? ईस्‍राएल्‍पाक्‍याई घी चागीनगो ॱमाङेबालाक। हीना खुङक्‍याने दाम्‍दाक्‍याला होदे ॱङेपालाक धेनी श्‍येम्‍माक्‍याई सेम ग्‍योङा जेपालाक।

रोमापा 2:1

होझ्‍येरी श्‍येम्‍माला क्‍यो़न चुक्‍कीन मी ख्‍यो़, ख्‍यो़ला घोयाङ मेतालाक घीझ्‍येरी ॱनाना दो़न घीला, ख्‍यी़ मी श्‍येम्‍माला क्‍यो़न चुक्‍यी, होदे दो़नगोला ख्‍यो़लाः क्‍यो़न चुक्‍कीलाक। घीझ्‍येरी ॱनाना श्‍येम्‍माला क्‍यो़न चुक्‍कीन ख्‍यी़याः, होदे लेगा झ्‍यीदालाक।

रोमापा 3:1

धा ॱहाना याहुदापाक्‍याला फेन्‍थोक घी हो़ताले? याङना पाउ चेगीन ॱरोगी रीन्‍थाङ घी ले?

रोमापा 3:19

धा क्षो़ठीमगी घी सुङगीन घीरी, क्षो़ठीमगी वाङ होकला हो़गीनक्‍याला सुङालाक ॱनेरी, होरी स्‍येलालाक। दे नी, मी घीरीगी खा काक्‍ये धाङ जीक्‍तेनगी मी हो़ले, को़न्‍क्षोकगी ठीम्‍चो़ होकदु ठीक्‍ती हुङयेगी क्षीदु लाक।

रोमापा 3:5

हीना होरी मेढाङा झ्‍यीगीन लेगाक्‍याई, को़न्‍क्षोकगी ढाङतेन सावो तो़न्‍ना, होराङ घी ॱनाये? को़न्‍क्षोकगी होरी खाला थुक्‍ठो़ जेगीनगोला, खोङ मेढाङा दुक ॱनेरी ॱनाये? (ङा मीगी क्षा श्‍याक्‍ती ॱनाहीन।)

रोमापा 6:15

धा ॱहाना घी? होराङ क्षो़ठीमगी वाङ होकदु मेन्‍दा हीना थुक्‍जेगी वाङ होकदु हो़क ॱनेरी, होराङ धीक्‍पा झ्‍यीगुलाक से? देरे फुक्‍की मालाक।

रोमापा 7:14

धा क्षो़ठीम नी, थुक्‍ङीने झ्‍युङगीनगो होराङ स्‍येलालाक। हीना ङा नी ली़ला झ्‍येरी, धीक्‍पागी ढेन्‍योकला चोचा च्‍योक्‍रे हीन।

१ कोरीन्‍थुपा 10:19

धा ॱहाना ङी ॱनागीनगी दो़नगो, कुन्‍डाला पुपा क्षो़पा दे शामाने ल्‍हाक याङना कुन्‍डा खोराङ ॱङोन्‍ने लाक ॱनेरी, ॱनालाक से?

१ कोरीन्‍थुपा 14:15

धा ॱहाना ङा घी झ्‍यीये? ङा सेम्‍ङीगी थोक्‍ने, ॱमो़लाम श्‍युयेहीन धेनी रीक्‍पागीयाः ॱमो़लाम श्‍युयेहीन। धेनी ङा सेम्‍ङीगी थोक्‍ने तो़लु ताङयेहीन धेनी ङी रीक्‍पागीयाः तो़लु ताङयेहीन।

१ कोरीन्‍थुपा 4:7

खेक्‍याला मी श्‍येम्‍माने गेक्षे सी़ शो़जो से? खेक्‍याला को़न्‍क्षोकने ॱमाथोप्‍था घी हो़से? धेनी खीकी थोप्‍हो़ना, खेक्‍या घीझ्‍येरी होदे ॱनाङज्‍यीन मेन्‍गीन च्‍योक्‍रे ङोम्‍सो झ्‍यीदाले?

गालातीयापा 3:10

क्षो़ठीमगी लेगाक्‍याला तेन्‍गीनक्‍या छेपागी होकला धेतालाक घीझ्‍येरी ॱनाना सुङरापला देरे ढीक हो़तालाक, “क्षो़ठीमगी धेपला ढीक्‍टा घीरी चीरी ॱमेनेगीनक्‍याला छेपा फोवालाक।”

गालातीयापा 3:22

हीना मी घीरी धीक्‍पागी होकला ॱनेम हो़तालाक, ॱनेरी सुङरापगी ॱनालाक होझ्‍येरी को़न्‍क्षोकगी धाम्‍चा दे, येशु मास्‍यीकाला धेपा झ्‍यीगीनक्‍याला थोप्‍कीलाक।

फीलीप्‍पीपा 1:18

धा घीहीन्‍ना, ढाङपो थोक्‍ने हीन्‍ना लाक याङना मेढाङा थोक्‍ने हीन्‍ना लाक, चोगो घीरीगी थोक्‍ने मास्‍यीकागी क्षो़ स्‍येदुक। होझ्‍येरी देलाराङ ङा ङ्यामो घी। धेनी ङा ङ्यामो घायेहीन,