रोमापा 3:5 - ॱलोवा

⁵ हीना होरी मेढाङा झ्‍यीगीन लेगाक्‍याई, को़न्‍क्षोकगी ढाङतेन सावो तो़न्‍ना, होराङ घी ॱनाये? को़न्‍क्षोकगी होरी खाला थुक्‍ठो़ जेगीनगोला, खोङ मेढाङा दुक ॱनेरी ॱनाये? (ङा मीगी क्षा श्‍याक्‍ती ॱनाहीन।)

रोमापा 3:5 Iomraidhean Croise

रोमापा 12:19

धेनी चेवेक्‍याओ, नामा डास्‍या मालेन हीना को़न्‍क्षोकगी थुक्‍ठो़ला भोरस्‍योक। घीझ्‍येरी ॱनाना सुङरापला देरे ढीक हो़तालाक, “डास्‍या लेन्‍ये लेगेन ङी लाक। ङीराङ लेन्‍दु, सुरी चोवो सुङालाक।”

रोमापा 2:5

हीना ख्‍यी़ राङगी सेम ग्‍योङा धाङ ग्‍यो़पा मीझ्‍यीदा सेम माग्‍युरकीनगी झ्‍येरी, को़न्‍क्षोकगी ढाङतेनगी ठीम्‍चो़ ॱङो़न्‍गीन खोङबागी थुक्‍ठो़गी ङीमागी क्षीला, ख्‍यो़ राङगी खाला को़न्‍क्षोकगी थुक्‍ठो़ साःलाक।

रोमापा 3:19

धा क्षो़ठीमगी घी सुङगीन घीरी, क्षो़ठीमगी वाङ होकला हो़गीनक्‍याला सुङालाक ॱनेरी, होरी स्‍येलालाक। दे नी, मी घीरीगी खा काक्‍ये धाङ जीक्‍तेनगी मी हो़ले, को़न्‍क्षोकगी ठीम्‍चो़ होकदु ठीक्‍ती हुङयेगी क्षीदु लाक।

रोमापा 3:7

हीना ङी शोकगी थोक्‍ने, को़न्‍क्षोकगी धेन्‍पा तो़न्‍दी खोङगी शीजे फेना, ङाला घीझ्‍येरी धोराङा धीक्‍चेन च्‍योक्‍रे छेपा का जेदाले?

रोमापा 4:1

धा ॱहाना ली़गी छाने, हीकी मेमे आब्‍राहामगी कोरला घी ॱनागुलाक से? दो़न दी, कोरला खोङला घी थोप हो़टी़?

रोमापा 5:8

हीना होराङक्‍या धीक्‍चेन हो़ती घाङलाराङ, मास्‍यीका होरी क्षीदु ढोङा जेपालाक। दी गोने को़न्‍क्षोकगी होरी क्षीदु राङगी झाम्‍पा तो़न जेपालाक।

रोमापा 6:1

धा ॱहाना होराङ घी ॱनाये? थुक्‍जे फेयेगी क्षीदु होराङक्‍या धीक्‍पा साक्‍ती डोगुले?

रोमापा 6:19

खेक्‍याई ॱहाघोयेगी नी़पा क्‍योवा झ्‍येरी, ङा खेक्‍याला मीछेगी ङीन्‍रेगी पे तो़न्‍दी ॱनाहीन। खेक्‍याई थेङमा च्‍यीक राङला ॱमेचाङा धाङ ॱयोल्‍ले माङदु-माङदु डोगीन ङेन्‍पागी ढेन्‍योक झ्‍यीयेला तेरकीन च्‍योक्‍रे, धा धान्‍दा राङला धाम्‍पाला ग्‍युरयेगी क्षीदु ढाङतेनगी ढेन्‍योक झ्‍यीयेला फी़।

रोमापा 7:7

धा ॱहाना हेक्‍या घी ॱनाये? क्षो़ठीमगो धीक्‍पा लाक से? फुक्‍की मालाक। क्षो़ठीमगो मेना, ङी धीक्‍पा घी हीन्‍गीनगो ङोस्‍येये मेक। घीझ्‍येरी ॱनाना “ख्‍यी़ ॱहाम्‍बा माझ्‍यी।” ॱनेरी क्षो़ठीमगी ॱमाने हो़ना, ॱहाम्‍बा झ्‍यीयेगो घी ले ॱनेरी ङी स्‍येयेमेक।

रोमापा 8:31

धा ॱहाना होराङ दो़न देक्‍याई कोरला घी ॱनाये? को़न्‍क्षोक होरी छोकला हो़ना, सु होरी ग्‍यापला लाङ थुक्‍कीलाक से?

रोमापा 9:30

धा ॱहाना होराङ घी ॱनाये? ढाङतेनला ॱमेचागीन याहुदापा मेन्‍गीनक्‍याला ढाङतेन थोप्‍दुक। धेनी दे ढाङतेन नी, धेपागी थोक्‍ने थोप्‍दुक।

१ कोरीन्‍थुपा 15:32

धा जीक्‍तेन्‍पा मी च्‍योक्‍रे, एफीसुदु सेम्‍चेनक्‍या च्‍योक्‍रे मुला ङी थाप्‍कीनगोने, ङाला घी फेन्‍थोक्‍जो से? धा छीवाने सो़न्‍पो झ्‍युङये मेन्‍ना, “होराङ शा-थुङ झ्‍यीदु, घीझ्‍येरी ॱनाना ॱङेटो नी होराङ स्‍यीगुलाक।”

१ कोरीन्‍थुपा 9:8

मीगी साम्‍सुने च्‍यीगा ङा देरे ॱनालाक से? क्षो़ठीमगीयाः देरेराङ ॱमीसुङाई?

२ कोरीन्‍थुपा 6:4

हीना हेक्‍या राङला को़न्‍क्षोकगी श्‍याप्‍चीपा हीन्‍गीनगो, दे घीरीगी थोक्‍ने तो़न्‍दाहीन, शो़पा क्षे धाङ दुङा धाङ काङे धाङ क्‍यो़न हुङाराङ,

२ कोरीन्‍थुपा 7:11

तो़दाङ, को़न्‍क्षोकगी थुकोङला हो़गीन च्‍योक्‍रे, खेक्‍याई सेम क्‍योगीनगी खीकी नाङ घारे ग्‍युरवा झ्‍युदो। खेक्‍या राङला क्‍यो़न मेगीन तो़न्‍येला दो़पा क्षे धाङ श्‍येताङ धाङ जीक्‍नाङ धाङ सेमस्‍युक धाङ दो़नाङ धाङ लेङेनक्‍याला छेपा कायेला डाढीक दुक। खेक्‍याई राङला दो़न हो़लेला क्‍यो़न मेगीन तो़न्‍दुक।

गालातीयापा 2:18

घीझ्‍येरी ॱनाना ङी ठीम तोतागो, ङी याङ शोना, ङाराङ ठीम तोगीन लाक ॱनेरी खुङ क्‍यागीलाक।

गालातीयापा 3:15

पी़नक्‍याओ, श्‍याक्‍मो डाङी मीछेला तेरी पे च्‍यीक क्षा श्‍याक्‍ना, मीगी थेचे ग्‍याप्‍सागीन खाछेमला सी़या सुप ॱमीथुक्‍कीलाक धेनी होदेला ॱनो़न्‍गा ग्‍याप ॱमीथुक्‍कीलाक।

ॱङो़न्‍पा 15:3

धेनी खुङक्‍याई को़न्‍क्षोकगी श्‍याप्‍ची, मोशे धाङ लुक्‍टुगी घुरलु दे लेन्‍बालाक, “के चोवो, कुवाङ को़न्‍क्षोकला, खेराङगी क्षाक्‍ले नी क्षे धाङ ॱहालेगीन दुक। के मीरीकक्‍याई ग्‍यावु, खेराङगी लाम नी ढाङपो धाङ धेन्‍पा दुक।

ॱङो़न्‍पा 18:20

के नाम्‍खे श्‍यीङखाम, मी़ ठीम्‍चो़ला ङ्यामो घो़। के धाम्‍पे मीक्‍या धाङ कुछापक्‍या धाङ ॱङो़नस्‍येखेनक्‍या ङ्यामो घो़। खेक्‍याला ॱङ्याप्‍चो़ झ्‍यीगीनगोला, को़न्‍क्षोकगी मोला ठीम्‍चो़ जेदुक।’”