रोमापा 3:31 - ॱलोवा

³¹ धा हुरे हीन्‍ना धेपागी थोक्‍ने, क्षो़ठीमगो दो़न मेगीन झ्‍युङालाक से? देरे फुक्‍की मालाक। ॱयोल्‍ले होराङ क्षो़ठीम तेन्‍पो झ्‍येरी ॱरुङालाक।

रोमापा 3:31 Iomraidhean Croise

मेथा 15:6

खी़ खोरी फामाला चीकुर झ्‍यी मेघोवालाक ॱनेरी, खेक्‍या ॱनालाक। होझ्‍येरी खेक्‍याई राङगी लुक्‍सो़गी क्षीला, को़न्‍क्षोकगी कागो दो़न मेगीन शो़दुक।

मेथा 3:15

हीना येशुगी खोला लेन जेपालाक, “होराङक्‍या को़न्‍क्षोकगी थुकोङ घीरी डुप्‍तु च्‍युक्‍येला, धान्‍दा देरेराङ हुङदु च्‍युक।” धेनी खी़ देरेराङ झ्‍येवालाक।

मेथा 5:17

“ङा क्षो़ठीम धाङ ॱङो़नस्‍येखेनक्‍याला तोरस्‍यीक ताङदु होवालाक ॱनेरी ॱमासाम। ङा तोरस्‍यीक ताङदु होवामेन हीना होदे डुप्‍तु च्‍युक्‍येला होवाहीन।

मेथा 5:20

घीझ्‍येरी ॱनाना ङा खेक्‍याला ॱनाहीन, खेक्‍याई ढाङतेन क्षो़ठीमगी ॱलोपो़नक्‍या धाङ फारुसीपाक्‍याने ल्‍हाक मेना, खेक्‍या नाम्‍खे ग्‍यासीदु नामाः ॱमीछी़गीलाक।

लुका 20:16

खो होरी खुङक्‍याला सेगीलाक धेनी दुम्‍रागो श्‍येम्‍माक्‍याला तेरकीलाक।” मीक्‍याई होदे घोरती ॱनेवालाक, “देरे नामाः माझ्‍युङास्‍योक।”

रोमापा 10:4

घीझ्‍येरी ॱनाना धेपा झ्‍यीगीन घीरी को़न्‍क्षोकगी डुङदु ढाङपो चीयेगी क्षीला, मास्‍यीकागी क्षो़ठीमगी दो़न्‍दाकगो डुपा जेपालाक।

रोमापा 3:4

हुरे फुक्‍की झ्‍युङगुमालाक। मी घीरी शोक्‍पो हो़ना, को़न्‍क्षोक धेन्‍पा हुङघो़। दी कोरला सुङरापला देरे ढीक हो़तालाक, “खेराङ कामो़न सुङाराङ धेन्‍पा ॱङो़न्‍दास्‍योक, धेनी खेराङला ठीम चेदाराङ ग्‍यालास्‍योक।”

रोमापा 3:6

देरे फुक्‍की मालाक। देरे हीन्‍ना, को़न्‍क्षोकगी जीक्‍तेनला घाङगी झ्‍येरी ठीम्‍चो़ जे थुक्‍कीलाक से?

रोमापा 4:14

क्षो़ठीम ॱरुङगीनक्‍या जीक्‍तेनगी ग्‍युज्‍यीन झ्‍युङना, धेपागो तोङबा धाङ धाम्‍चागो दो़न मेगीन झ्‍युङालाक।

रोमापा 7:22

धेनी ङी सेमगी तीङने को़न्‍क्षोकगी क्षो़ठीमला घावा झ्‍यीदीहो़क।

रोमापा 7:25

होरी चोवो येशु मास्‍यीकागी थोक्‍ने थारपा जेगीन, को़न्‍क्षोकला काटीन्‍क्षे श्‍युवाहीन। धा ङा ङाराङगी सेमने, को़न्‍क्षोकगी क्षो़ठीमला श्‍याप्‍ची श्‍यी़लालाक हीना ङी धीक्‍पे राङश्‍यीगी, धीक्‍पे वाङला श्‍याप्‍ची श्‍यी़लालाक।

रोमापा 8:4

दे नी, होराङ धीक्‍पे राङश्‍यीला तेन्‍दी मेन्‍दा हीना धाम्‍पे थुक्‍ङीला तेन्‍दी छोवा क्‍यागीनक्‍याई, क्षो़ठीमगी ढाङपो चीगीनगो ताक-ताक झ्‍यीदास्‍योक ॱनेरी, को़न्‍क्षोकगी जेपालाक।

१ कोरीन्‍थुपा 9:21

क्षो़ठीम मेगीनक्‍याई सेम क्‍योप्‍येगी क्षीदु, ङा क्षो़ठीम मेगीनक्‍यामुला क्षो़ठीम मेगीन च्‍योक्‍रे झ्‍युवी। हीना ङा ङाराङ को़न्‍क्षोकगी क्षो़ठीमने डारी मेन्‍दा, ङा मास्‍यीकागी ठीम होकला धे हो़तालाक।

गालातीयापा 2:19

धेनी को़न्‍क्षोकगी क्षीला ङा सो़न्‍पो ॱनेयेला, ङा क्षो़ठीमगी थोक्‍ने स्‍यीसागीन झ्‍येरी, क्षो़ठीमगी गेन घीया खुर मेघोगीलाक।

गालातीयापा 2:21

को़न्‍क्षोकगी थुक्‍जेला, ङा ङोग्‍येल मीझ्‍यी घीझ्‍येरी ॱनाना क्षो़ठीमगी थोक्‍ने ढाङपो ग्‍युरये हीन्‍ना, मास्‍यीका दो़न मेताला ढोवालाक।