रोमापा 3:30 - ॱलोवा

³⁰ धेनी को़न्‍क्षोक नी च्‍यीकराङ हो़तालाक। धेनी खोङबागी पाउ चेचाक्‍याला धेपागी थोक्‍ने, धाङ पाउ ॱमाचेचाक्‍यालाः धेपागी थोक्‍ने ढाङपो जेगीलाक।

रोमापा 3:30 Iomraidhean Croise

रोमापा 2:26

धा हुरे हीन्‍ना, पाउ चेगीन ॱरो ॱमीरुङगीन, मी च्‍यीकगी क्षो़ठीमगी काक्‍या ॱरुङना, खोला पाउ चेगीन ॱरो ॱरुङगीन मी च्‍योक्‍रे चीगीमाले?

रोमापा 2:27

धा ली़गी थोक्‍ने पाउ चेगीन ॱरो ॱमीरुङगीन हीन्‍नाः क्षो़ठीमगो ॱरुङगीनक्‍याई, ख्‍ये ढीक्‍टा क्षो़ठीम हो़गीन धाङ पाउ चेगीन ॱरो ॱरुङगीन हीना क्षो़ठीमगो ॱमीचीना, खेक्‍याला ठीम्‍चो़ ताङगीलाक।

रोमापा 3:22

धेनी को़न्‍क्षोकगी डुङदु होराङ ढाङपो झ्‍युङये दे, येशु मास्‍यीका खाला होरी धेपागी थोक्‍ने झ्‍युङालाक। धेनी दे नी, धेपा झ्‍यीगीन घीरीला ॱयेवा मेजेदा ॱनाङालाक।

रोमापा 3:28

घीझ्‍येरी ॱनाना क्षो़ठीमगी सुङगीन च्‍योक्‍रे, लेगा झ्‍येरी मेन्‍दा हीना धेपागी थोक्‍ने मीक्‍या को़न्‍क्षोकगी डुङदु ढाङपो झ्‍युङालाक ॱनेरी, होराङ चीलालाक।

रोमापा 4:16

होझ्‍येरी धाम्‍चागो थुक्‍जेला तेन्‍ती धेनी आब्‍राहामगी भुग्‍यु घीरीला गेन्‍लेन झ्‍युङयेगी क्षीदु, धेपागी खाला रा ली़दालाक। दे धाम्‍चा दे नी, क्षो़ठीम ॱरुङगीनक्‍याई क्षीदु च्‍यीगा मेन्‍दा, आब्‍राहामगी धेपा च्‍योक्‍रे हो़गीनक्‍याई क्षीदुवाः लाक। घीझ्‍येरी ॱनाना खोङ नी होराङ घीरीगी याप लाक।

रोमापा 4:9

धा झ्‍यीलाप दे, पाउ चेदी ताक ग्‍यापक्‍याक्‍याई क्षीदु च्‍यीगाले याङना पाउ ॱमाचेचाक्‍याई क्षीदुवाः ले? आब्‍राहाम नी, खोरी धेपागी झ्‍येरी ढाङपो चीवालाक ॱनेरी होराङ ॱनालाक।

गालातीयापा 3:20

छोक च्‍यीक च्‍यीगा हो़ना बारमी मेघोलालाक धेनी को़न्‍क्षोक च्‍यीकराङ हीन।

गालातीयापा 3:28

धा देने ॱहाला खेक्‍या याहुदापा धाङ गीरीक, ढेन्‍योक धाङ राङवाङ हो़गीन धेनी फो धाङ मो ॱनेरी ॱयेवा मेन्‍दा, मास्‍यीका येशुगी थोक्‍ने घीरी च्‍यीक्‍पा लाक।

गालातीयापा 3:8

को़न्‍क्षोकगी धेपागी थोक्‍ने, याहुदापा मेन्‍गीन मीरीकक्‍याला दाक्‍तु जेये हीन्‍गीनगो, सुङरापगी एन्‍लाराङ शीक्‍ती आब्‍राहामला, “ख्‍यी़ थोक्‍ने मीरीक घीरीला झ्‍यीलाप थोप्‍कीलाक।” ॱनेरी एम्‍मानेराङ ताम्‍शाङ दे सुङा जेपालाक।

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

गालातीयापा 6:15

साबा केगीन माना, पाउ चेगीन ॱरो ॱरुङगीन धाङ ॱमीरुङगीन ॱङीगारा दो़न मेतालाक।

फीलीप्‍पीपा 3:3

घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

१ तीमोथेउ 2:5

घीझ्‍येरी ॱनाना को़न्‍क्षोक च्‍यीक हो़तालाक धेनी को़न्‍क्षोक धाङ मीगी घुङला, भारदुम ताङगीन च्‍यीक हो़तालाक, खोङ नी मास्‍यीका येशु,